Urmiyənin Nuşinşəhr şəhərinin kürd imam cüməsi: “Əhli-sünnətdən olan hər kəs kürd namizədlərinə səs verməlidir, əks halda arvadı ona haramdır!”

Urmiyənin Nuşinşəhr şəhərinin kürd imam cüməsi: “Əhli-sünnətdən olan hər kəs kürd namizədlərinə səs verməlidir, əks halda arvadı ona haramdır!”

GünAz TV: Urmiyənin Karxanə-qənd şəhərinin (Nuşinşəhr) kürd imam cüməsi ötən cümə namazı xütbələrində Şəhər Şura Seçkilərində kürd namizədlərini təbliğ edərək əhaliyə qəribə çağırış edib.

 

Mumusta Musazadə Nuşunşəhr Şura Seçkilərində koalisiya yaradan 3 kürd namizədə dəstək verdiyini dəfələrlə dilə gətirib. “Mən bu namizədləri dəstəkləyirəm. Əhli-sünnətdən olan hər kəs kürd namizədlərinə səs verməlidir, əks halda arvadı ona haramdır”- deyə o vurğulayıb.

 

Seçkilərdə Nuşinşəhr Şəhər Şurasına 5 nəfər üzv seçilməlidir.

 

Bu şəhər Urmiyə ilə Salmas arasında yerləşir. Son illərdə radikal qruplaşmaların təsiri altında olan kürd tayfaları bu şəhərə kütləvi şəkildə mühaciət edir.

 

Qeyd edək ki, Azərbaycanın əzəli torpaqları olan Qərbi Azərbaycan Vilayəti kürd terror qruplaşmaları tərəfindən Şərqi Kürdistan adlandırılır, onlar İran rejiminin yardımı ilə bölgəni kürdləşdirməyə çalışır. Qruplaşmalar Qərbi Azərbaycanı kürdləşdirmək üçün terror aktları törətməkdən belə çəkinmirlər. Onlar seçkilərdə öz namizədlərini qalib etdirmək və dövlətin rəsmi orqanlarına daxil olmaqla kürdləşdirmə prosesini daha da sürətləndirib Qərbi Azərbaycan Vilayətini ələ keçirmək istəyirlər.

 

N.S


HƏMÇİNİN OXUYUN

HƏMÇİNİN OXUYUN