Zəncan əyalətində ölümlə nəticələnən yol qəzalarının sayı artıb

Zəncan əyalətində ölümlə nəticələnən yol qəzalarının sayı artıb

GünAz TV: Güney Azərbaycan yollarında təxminən hər gün çoxsaylı insan tələfatı və kütləvi xəsarət alma ilə nəticələnən müxtəlif yol qəzaları baş verir.

 

Statistik məlumata görə, son bir ay müddətində (hicri-şəmsi təqvimi ilə aban ayında) Zəncan Əyalətində ölümlə nəticələnən yol qəzalarının sayı artıb.

 

Bu barədə Zəncan Əyalətinin polis rəisi Əli Əsğər Şirməhəmmədi “Fars” xəbər agentliyinə məlumat verib.

 

“Ötən ay Zəncan Əyalətində ölümlə nəticələnən 15 yol-nəqliyyat hadisəsi baş verib, bu rəqəm ötən ilin müvafiq dövrü ilə müqayisədə 36 faiz artım göstərir. Həmin ayda baş verən yol qəzalarında 16 nəfər həlak olub, ötən ilin müvafiq dövrü ilə müqayisədə yol-nəqliyyat hadisələrində  ölənlərin sayında 45 faiz artım müşahidə olunur”- deyə o bildirib.

 

Əli Əsğər Şirməhəmmədi ötən ilin müvafiq dövrü ilə müqayisədə xəsarət alma ilə nəticələnən yol qəzalarının sayında 6 faiz artım olduğunu bildirərək bu müddətdə xəsarət alma ilə nəticələnən 128 yol qəzası faktının qeydə alındığını deyib.

 

“Ötən ay Zəncan Əyaləti yollarında toplam olaraq 208 yol-nəqliyyat hadisəsi baş verib. Bu rəqəm ötən ilin müvafiq dövrü ilə müqayisədə dəyişməyib”- deyə polis rəisi bildirib.

 

Əli Əsğər Şirməhəmmədi baş verən yol qəzalarında minik avtomobillərinin 57, ağır tonnajlı yük avtomobillərinin 20 və motosikletlərin 6 faiz rol oynadığını diqqətə çatdırıb.

 

Qeyd edək ki, Güney Azərbaycanın qeyri-standart yolları uzun illərdir çoxsaylı soydaşımızın ölümünə səbəb olub. İran rejiminin yolların vəziyyətinə laqeyd yanaşması, bu yollarda baş verən yol-nəqliyyat hadisələrinin sayının artması ilə nəticələnir.

 

N.S


HƏMÇİNİN OXUYUN

HƏMÇİNİN OXUYUN