Abbas Lisani barəsində çıxarılan hökmün elan olunması üçün məhkəməyə çağırılıb – Çağırış vərəqəsi + Fəalın cavabı

2018-10-12 09:14

GünAz TV: Tanınmış azərbaycanlı milli-mədəni fəal Abbas Lisani Təbriz İnqilab məhkəməsinin 2-ci şöbəsinə çağırılıb.

 

Oktyabrın 11-də göndərilən çağırış vərəqəsinə əsasən, fəala barəsində çıxarılan məhkəmə hökmü elan olunacaq. Ondan 10 gün ərzində özünün və ya vəkilinin məhkəməyə müraciət etməsi tələb olunub.

 

Çağırış vərəqəsini aldıqdan sonra azərbaycanlı fəalın məhkəməyə cavabı gecikməyib. “Böyük Azərbaycan milləti” adı ilə başlayan cavab mətnində məhkəmə prosesinə kəskin etiraz bildirilib.

 

“Barəmdə çıxarılan hökm təmami ilə qanunsuz və qəbuledilməzdir. Konstitusiyanın 168-ci maddəsinə əsasən əqidə, siyasi və mətbuatla bağlı dosyelərə açıq şəkildə hər kəsin gözüqarşısında baxılmalıdır. Bu qanunu icra etməkdən qorxanlar, indi də formal məhkəmələrdə çıxarılan hökmləri yazılı şəkildə elan etməkdən vahiməyə düşüblər.

Sizin üçün nə əhəmiyyəti varki?! Başını qara quylayan kəklik kimi, xülyalarınızda qərq olubsunuz. Hökumətin hansı yönü dünyada rüsvayçılıq yaratmayıb ki, siz bu gün uydurma ittihamlarla çıxardığınız məhkəmə hökmlərindən nigaransınız?! Məgər mənim mərhum Həsən Dərmiçinin yas mərasimindəki çıxışım minlərlə Azərbaycan aşiqinin gözü qarşısında və açıq şəkildə baş verməyib?! Məgər siz həmin çıxışı qanunazidd hesab edib və məni ona görə ittiham etmirsiniz?! İddia etdiyiniz qanunazidd əməl açıq şəkildə baş veribsə, onun məhkəməsi nə üçün qiyabi keçirilməli, çıxarılan hökm və onun mətni gizli olmalıdır?!

Hökmün çıxarılmasında hüquqi, qanuni və əxlaqi cəhətdən özünüzə güvənirsinizsə, o zaman nədən qorxursunuz?!

Bütün bunlar hüquqi cəhətdən qəbuledilməzdir. Ona görə də çağırış vərəqəsi göndərildiyi kimi, məhkəmə hökmü də yazılı şəkildə mənim adresimə göndərilsin. Əks halda sizin qanunazidd və ədalətsiz tələb və qanunlarınıza legitimlik qazandırmaq fikrim yoxdur. Mən bu şəkildə qanunsuz və zalimcəsinə keçirilən məhkəmə prosesinə öz üsyan və etirazımı bildirəcəm”- deyə mətnin bir hissəsində qeyd olunub.

 

Bundan əvvəl Abbas Lisani SMS vasitəsi ilə məhkəməyə çağırılmışdır. Fəal rəsmi və qanunauyğun şəkildə çağırılmadığı üçün məhkəməyə müraciət etməkdən imtina etmişdir. Qiyabi keçirilən mühakimədən sonra qərar çıxarıldı. Fəala SMS vasitəsi ilə hökmün çıxarıldığı barədə məlumat verildi.

 

Qeyd edək ki, Ərdəbilli fəal iyulun 2-də öz iş yerində təhlükəsizlik qüvvələri tərəfindən saxlanılıb. Babək qalası yürüşünə bir neçə gün qalmış tutulan fəal Şərqi Azərbaycan Məhkəməsinin qərarı əsasında Ərdəbil prokurorluğu tərəfindən Təbrizin Ettelaat İdarəsinə intiqal edilmişdir.

Təbrizdə Şərqi Azərbaycan Prokurorluğunun 12-ci şöbəsində məhkəmənin fəala qarşı irəli sürdüyü ittiham açıqlanıb. “Mərhum tanınmış azərbaycanlı fəal Həsən Dəmirçinin dəfn mərasimində çıxış etməklə sistemin əleyhinə təbliğat aparmaq”da günahlandırılan fəal iyulun 14-də 50 milyon tümənlik mülki vəsiqə qarşılığında Təbrizin Mərkəzi Zindanından azadlığa buraxılıb.

 

Abbas Lisani Azərbaycan türk millətinin demokratik və milli hüquqları uğrunda apardığı mədəni mübarizəyə görə dəfələrlə təhlükəsizlik qüvvələri tərəfindən saxlanılıb, uzun illər həbs olunub və müxtəlif təzyiqlərə məruz qalıb.

 

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

İran parlamentinin internetlə bağlı qərarına etirazlar çoxalır-YENİLƏNİB

2021-07-29

gun az article

GünazTV July.28.2021-Görüş: 2 Mordad qiyamının startejik önəmi, İran Rejiminin insan haqları iddaçıları

2021-07-28

gun az article

Urmulu millət vəkili parlamentin qərarına qarşı çıxdı: “Millətin iradəsinə ziddir”

2021-07-28

gun az article

Təbrizli fəal ETTELAAT-ın təcridxanasında saxlanılır

2021-07-28

gun az article

Tehranda azərbaycanlı fəallar həbs olunub

2021-07-28

gun az article

Güney Azərbaycan və İranda koronavirusa yoluxma və ölüm halları çoxalıb

2021-07-28

gun az article

Qəzvində çörək bahaşdı- Əhali narazıdır

2021-07-28

gun az article

Azərbaycan mediası Təbriz olaylarını necə işıqlandırdı?- "Güneyə 20 il öncəki diqqəti ayıra bilmirik"-Azər Həsrət

2021-07-28

gun az article

Nurduz vasitəsilə İranla Ermənistan arasında ticarət dövriyyəsi artıb

2021-07-28

gun az article

Universitet rəhbərliyindən əcaib qərar: Azərbaycan ədəbiyyatı dərnəyinin otağı "namazxana"ya çevrilib

2021-07-28

gun az article

Güneydə su böhranı dərinləşir-Həmədanın içməli su ehtiyatları tükənmək üzrədir

2021-07-28

gun az article

Təbrizli fəal Ulduz Qasimi girov qarşılığında sərbəst buraxılıb

2021-07-28

gun az article

Quraqlıq Ərdəbildə aqrar sektoru iflic edib

2021-07-28

gun az article

Urmu həbsxanasında qarşıdurma- Bir məhbus öldürülüb

2021-07-28

gun az article

Təbriz aksiyasında saxlanılanlardan bir neçəsi sərbəst buraxıldı

2021-07-28

gun az article

Sarabda zəlzələ baş verib

2021-07-28

gun az article

GünazTV July.27.2021-Özümüz: Azadlıq, Ədalət, Milli Hökümət

2021-07-27

gun az article

GünazTV July.27.2021-GÜNDƏM MASASI: Güney Azərbaycanda azadlıq, ədalət, milli hökumət şuarı

2021-07-27

gun az article

Sel və daşqınlar Qərbi Azərbaycanda ciddi fəsadlar yaratdı- Ölü və yaralılar var- VİDEO

2021-07-27

gun az article

SEPAH Qərbi Azərbaycanda terrorçuları zərərsizləşdirdiyini iddia edib

2021-07-27