Abbas Lisani təcridxanada saxlanmasına baxmayaraq Təbriz Məhkəməsinə çağırılıb

2019-02-02 15:19

GünAz TV: Tanınmış azərbaycanlı milli-mədəni fəal hazırda Ərdəbil Zindanının karantin bölümündə saxlanmasına baxmayaraq Təbriz Məhkəməsinə çağırılıb.

 

Məlumata görə, yanvarın 31-də Təbriz İnqilab Məhkəməsinin 2-ci şöbəsi tərəfindən fəalın evinə iki çağırış vərəqəsi göndərilib.

 

Çağırış vərəqələrində A.Lisanidən istənilib ki, hökmü qəbul etmək üçün 10 gün ərzində məhkəməyə müraciət etməlidir.

 

Vərəqələrdə həmçinin bildirilib ki, çağırış vərəqələri məhkəmənin bildiriş sisteminə göndərilib. Ora müraciət edib istifadəçi adı və şifrədən istifadə edərək çağırış vərəqəsinin tarixi və nömrəsini daxil etdikdən sonra vərəqənin məzmununu öyrənə bilərsiniz.

 

Çağırış vərəqəsində vurğulanıb ki, deyilən adresə müraciət olunmasa, bu, məhkəmə sənədlərindən imtina etmək kimi qəbul olunacaq.

 

Abbas Lisani yanvarın 15-də Təbriz İnqilab Məhkəməsinin 2-ci Şöbəsində mühakimə olunduqdan sonra təhlükəsizlik qüvvələri tərəfindən oğurlanıb və Ərdəbilin Ettelaat İdarəsinə təhvil verilib. O hazırda Ərdəbil zindanının karantin bölümündə saxlanılır.

 

Fəal saxlandığı gündən onunla bağlı məlumat verilmir, sadəcə onun Təbriz məhkəməsində saxlandıqdan sonra Ərdəbilə intiqal edildiyi bildirilib. Fəal kimsə ilə görüşdürülmür, o telefon əlaqəsi də saxlaya bilmir.

 

Abbas Lisani bundan əvvəl elan etmişdir ki, qanunsuz şəkildə saxlanılarsa, aclıq aksiyası keçirəcək. Bundan əvvəl dəfələrlə həbsxanalarda aclıq aksiyası keçirməsi, telefon əlaqəsi saxlamaması, prokurorluq rəsmisinin dediyinə görə fəalın həkim nəzarətində saxlanması və s. onun aclıq aksiyası keçirməsi ehtimalını artırır. Bu məsələ fəalın ailəsi və azərbaycanlı milli-mədəni fəalların nigaranlığına səbəb olub.

 

Tanınmış fəal 2018-ci il iyulun 2-də Babək qalası yürüşü ərəfəsində Ərdəbildə saxlanılaraq Təbriz Ettelaat İdarəsinin təcridxanasına, oradan isə Təbrizin Mərkəzi zindanına aparılmışdır.

Fəal saxlandığı zaman Təbriz Məhkəməsinin 11-ci Şöbəsi onun “mərhum Həsən Dəmirçinin dəfn mərasimində çıxış etməklə sistemin əleyhinə təbliğat aparmaq”da ittiham olunduğunu elan edib.

 

Sonralar Abbas Lisaniyə Təbriz İnqilab Məhkəməsinin 2-ci Şöbəsi tərəfindən SMS göndərilərək ondan sentyabrın 18-də məhkəməyə müraciət etməsi tələb olunub. Lakin fəal bu barədə bəyanat yayaraq məhkəməyə qanunsuz şəkildə çağırıldığını bildirib və prosesə qatılmayacağını vurğulayıb. SMS-lərdə məhkəmə iclasının zamanı, hökmün çıxarılması və onun icrası barədə məlumat verilib. Hökmlə bağlı Lisani ailəsi də məhkəməyə müraciət edib. Məlum olub ki, fəal barəsində 10 aylıq həbs qərarı çıxarılıb. Sonralar həbs cəzasının icrasına başlanılıb. Abbas Lisani yanvarın 5-də Ərdəbil İnqilab Məhkəməsinin hökmləri icra edən şöbəsinin məmurları  tərəfindən yaxalandıqdan sonra 10 aylıq həbs cəzasını çəkmək üçün Təbriz zindanına aparılıb. Fəal məhkəmə prosesi, hökmün məzmunu və onun elan olunması tərzinə etiraz etdikdən sonra həbsxana məmurları tərəfindən yanvarın 6-da Təbriz zindanının karantin bölümündən Təbriz İnqilab Məhkəməsinin 2-ci Şöbəsinə aparılıb. Hakim fəalın yazılı etirazına baxdıqdan sonra həbs hökmünün icrasını dayandırıb.

Təbriz İnqilab Məhkəməsinin 2-ci Şöbəsi növbəti məhkəmə iclasını yanvarın 15-nə təyin etdikdən sonra fəalın müvəqqəti azadlığa buraxılması üçün 100 milyon tümənlik mülki vəsiqə qərarı çıxarmışdır.

 

 

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Daşqından sonra Zənganda tarixi daş kitabə aşkar edilib

2021-08-05

gun az article

Beynəlxalq Əfv Təşkilatından çağırış: "İbrahim Rəisinin andiçmə mərasiminə qatılmayın"

2021-08-05

gun az article

GünazTV Aug.04.2021-Görüş: İrançılar nədən Türkiyə də olan çevrə terrorizminə sevinirlər, 2 Mordad qiyamının tələbləri

2021-08-04

gun az article

Urmunun “Urumdəşt” zavodunun işçiləri narazıdır: 15 ildir əmək haqları verilmir

2021-08-04

gun az article

Urmu həbsxanasında daha bir məhbus edam ediləcək

2021-08-04

gun az article

Qaşqay bölgəsində yanğın dəhşəti: Bir ailənin 3 üzvü həlak oldu-VİDEO

2021-08-04

gun az article

Urmu və Ərdəbildə yoluxma kəskin artdı: Xəstəxanalarda yer çatışmır

2021-08-04

gun az article

Güney Azərbaycanda məktəb binaları çatışmır: Xeyriyyəçi iş adamları daha 3 məktəbin tikintisinə başlayıb

2021-08-04

gun az article

Sel və daşqın Qəzvin yollarına 20 milyard tümən ziyan vurub

2021-08-04

gun az article

İranda virus tüğyan edir: Xəstəxanalarda yer çatışmır, ölənlər kütləvi məzarlıqda basdırılır

2021-08-04

gun az article

Güney Azərbaycanda ekoloji böhran böyüyür: 4 göl quruyub-FOTOLAR

2021-08-04

gun az article

Tufarqanda güclü yanğın: 7 nəfər xəsarət alıb-VİDEO

2021-08-04

gun az article

Urmuda avtobus sürücüləri tətilə başladı

2021-08-04

gun az article

Milli fəal Behnam Şeyxinin iki illik sürgün cəzası başlayıb

2021-08-04

gun az article

GünazTV Aug.03.2021-Özümüz: Azərbaycan Sözünün Anlamı və Coğrafiyası

2021-08-03

gun az article

GünazTV Aug.03.2021-GÜNDƏM MASASI: Türkiyədə meşə yanğınları və İrançı-farsların tutumu

2021-08-03

gun az article

GünazTV August.01.2021: HƏFTƏ SONU 7-Cİ BÖLÜM

2021-08-03

gun az article

Zənganın 170 kəndində insanlar içməli su tapmır

2021-08-03

gun az article

İran parlamentinin keçmiş deputatı koronavirusdan öldü

2021-08-03

gun az article

Marağada 9 milyon illik heyvan fosilləri aşkar edilib

2021-08-03