Azərbaycanlı fəal Beytulla Bərzgər məhkəməyə çağırılıb

Azərbaycanlı fəal Beytulla Bərzgər məhkəməyə çağırılıb

GünAz TV: Azərbaycanlı milli-mədəni fəal, Meşginşəhr (Xiyav) sakini Beytulla Bərzgər Əhər şəhərinin İnqilab Məhkəməsinə çağırılıb.

 

Çağırış vərəqəsinə əsas, fəal avqustun 8-də məhkəməyə müraciət etməlidir.

 

O sistemin əleyhinə təbliğ etmək və milli təhlükəsizliyi pozmaq məqsədi ilə sistemə müxalif qruplara qatılmaqda ittiham olunur.

 

Beytulla Bərzgər 2014-cü il fevralın 2o-də Əhərdə Beynəlxalq Ana Dili Günü münasibəti ilə keçirilən mərasimdə iştirak etdiyinə görə saxlanılıb. Mərasim keçirildiyi zaman təhlükəsizlik qüvvələri məhkəmə hökmü təqdim etmədən silah və gözyaşardıcı qazla mərasimin keçirildiyi evə hücum edib, təxminən 80 fəalı yaxalayıb. Mərasimdə tutulan fəalların əksəriyyəti bir neçə gün sonra zəmanətə buraxılıb.

 

Adını çəkdiyimiz fəal həmçinin 2015-ci il noyabrın 12-də Meşginşəhrdə məlum təhqiramiz “Fitilə” televiziya verilişi ilə əlaqədar fars irqçiliyinə qarşı keçirilən etiraz aksiyasında tutulub, o 19 gün saxlandıqdan sonra zəmanətə buraxılıb.

 

Beynəlxalq Ana Dili Günü mərasimi və irqçiliyə qarşı keçirilən etiraz aksiyalarında tutulanların məhkəmə prosesi illərdir davam edir, rejim azərbaycanlı fəalları təzyiq altında saxlamaq üçün onları vaxtaşırı məhkəməyə çağırır.

 

N.S

 


HƏMÇİNİN OXUYUN

HƏMÇİNİN OXUYUN