Rəhim Qulami Əhərin İnqilab Məhkəməsinə çağırıb – GÖRÜNTÜ

Rəhim Qulami Əhərin İnqilab Məhkəməsinə çağırıb – GÖRÜNTÜ

GünAz TV: Azərbaycanlı milli-mədəni fəal Rəhim Qulami Əhər şəhərinin İnqilab Məhkəməsinə çağırılıb.

 

Bu barədə məhkəmə ərdəbilli fəalın evinə yazılı çağırış vərəqəsi göndərib.

 

Çağırş vərəqəsinə əsasən, fəal avqustun 8-i yerli vaxtla saat 10:00-da məhkəməyə müraciət etməlidir. O “ölkə təhlükəsizliyini pozmaq məqsədi ilə sistemə qarşı olan qruplara üzv” olmaqda günahlandırılır.

 

Azərbaycanlı fəal 2014-cü il fevralın 20-də Beynəlxalq Ana Dili Günü mərasimi ilə bağlı dosyesinə görə məhkəməyə çağırıb. Həmin tarixdə Əhərdə Beynəlxalq Ana Dili Günü münasibəti ilə keçirilən yığıncaqda, Rəhim Qulami də daxil olmaqda təxminən 80 nəfər milli-mədəni fəal təhlükəsizlik qüvvələri tərəfindən tutulub. Digər fəallarla birlikdə yaxalanan Rəhim Qulami bir müddət saxlandıqdan sonra 50 milyon tümənlik mülki vəsiqə qarşılığında sərbəst buraxılıb.

 

 Rəhim Qulami şair, jurnalist və Azərbaycan folkloru üzrə araşdırmaçıdır, o Ərdəbildə nəşr olunan müxtəlif dərgilərlə əməkdaşlıq edib. Azərbaycanlı fəal “Avaye Ərdəbil” qəzetinin keçmiş müdir-məsulu olub.

 

Rəhim Qulami Azərbaycan türk millətinin milli və demokratik hüquqları uğrunda apardığı mədəni mübarizəyə görə 2006, 2008, 2011, 2012, 2014 və 2015-ci illərdə dəfələrlə təhlükəsizlik qüvvələri tərəfindən saxlanılıb və məhkəmə hökmü ilə həbs edilib. O, bir neçə dəfə ETTELAAT (İran Kəşfiyyat Nazirliyi) İdarəsinin təknəfərlik məhbəslərinə salınıb, ağır cismi və ruhi işgəncələrə məruz qalıb.

 

Məhkəmənin çağırış vərəqəsi:

 

N.S

 

 


HƏMÇİNİN OXUYUN

HƏMÇİNİN OXUYUN