Tehran məhkəməsinin hökmü ilə 10 il həbsə məhkum edilən Siyamək Mirzayi, 2 il də Təbəsə sürgün ediləcək

Tehran məhkəməsinin hökmü ilə 10 il həbsə məhkum edilən Siyamək Mirzayi, 2 il də Təbəsə sürgün ediləcək

GünAzTV: İranda Azərbaycan milli kimliyi uğrunda apardığı dinc mübarizəsinə görə Tehranın Evin zindanının 209-cu korpusunda saxlanılan azərbaycanlı fəal Siyamək Mirzayiyə çıxarılan hökm, yazılı şəkildə onun vəkillərinə elan edilib.

 

Güney Azərbaycan mənbələrinin yaydığı məlumata əsasən, Tehrandakı Gülüstan inqilab Məhkəməsi Siyamək Mirzayini, ölkənin milli təhlükəsizliyinə qarşı çıxmaq məqsədilə qanunsuz qurum yaratmaqda günahlandırılaraq 10 il həbsə və 2 il sürgünə məhkum edilib. Bildirilir ki, fəal həbslə bərabər 2 il müddətinə də İranın Cənubi Xorasan əyalətinin Təbəs şəhərinə sürgün ediləcək. Məhkəmənin çıxardığı hökm, yanvarın 21-də yazılı şəkildə fəalın vəkilləri Cəfər Əfşarniya və Məhəmmədəli Əziziyə elan edilib.

 

Bildirilir ki, məhkəmə hakimi Bəhram Həsəni, bundan əvvəl Siyamək Mirzayinin müvəqqəti olaraq azadlığa buraxılması qarşılığında 1 milyard tümənlik mülki vəsiqə tələb etsə də, vəkillər həmin məbləğin azaldılmasını istəmişdilər. Lakin təhlükəsizlik qüvvələrinin təzyiqi ilə bu baş tutmayıb və fəalın müvəqqəti sərbəst buraxılmasının qarşısı alınıb.

 

Xatırladaq ki, “ETTELAAT” əməkdaşları, Siyamək Mirzayini 2016-cı il, iyulun 14-də  Ərdəbilin yaxınlığındakı Parsabad şəhərində, şəxsi ərzaq mağazasında tutublar. O, əvvəlcə ETTELAAT-ın yerli idarəsinə aparılsa da, sonradan Tehranın Evin zindanına köçürülüb. Fəal, tutularkən ona qarşı zorakılıq tətbiq edilib, təhqir olunub. Fəalın mənzilində yoxlama aparılıb, ona məxsus kitablar, kompüter və bir sıra digər şəxsi əşyalar götürülüb.

A.M

 


HƏMÇİNİN OXUYUN

HƏMÇİNİN OXUYUN