میللی حئرکاتدا تشکیلاتین نقشی

      میللی حئرکاتدا تشکیلاتین نقشی

      میللی حئرکاتدا تشکیلاتین نقشی 

 

تاریخی یاد داشتیمیزا نظرسالدیقدا گوُروُنوُرکی دیکتاتورؤ پلیس آختاریشلاری حوُکم سوُردوُیوُ اوُلکۀ لردۀ بیر میللی ؤ گیزلی تشکیلات قوُرماق اوُچوُن ایلک باشدا یوزلرلۀ اینسانلاری بیرآرییا گئتیرمئک ؤ تشکیلات قوُرماق چئتین ؤ مومکوُن سوُز دوُر، خصوصی ایلۀ بوُ گوُنکوُ ایران دئیلن یئردۀ " گوُنئی آذربایجان عنوانلی " میللی علنی شئکیلدۀ میللی تشکیلات یارادماق اینسانلارین حئییاتین تهلیکۀ یۀ آتماق دئمئکدیر ؤ دوُزگوُن دئییر، آمما خاریج اوُلکۀ لردۀ دموکراتیک قایدالارین حاکیم اوُلدوُقوُنا گوُرۀ میللی تشکیلات یارادماق آزاد ؤ تهلیکۀ سیز دیر.  

اوُزوُن ایللرین تجروُبۀ لرینۀ دایاناراق، گوُنئی آذربایجان عنوانلی تشکیلات یارادماق اوُچوُن معیین بیرتعداد ایمانلی ؤایرادۀ لی شخصلرین کوُنوُنللو اوُلاراق ، اوُزللیکلۀ گئنج کادرین ایشتیرکی ایلۀ دیسیپلینلی شئکیلدۀ قوُروُلمای دیر ؤ قوُروُلدوُقدان سوُنرا اوُز موُجوُدییتین حاضیرلادیقی أساسنامۀ اساسیندا اعلان اتدیکدن سوُنرا ، تشکیلاتدا عضو اوُلماق ایستۀ ین لرگئرئک معیین مرحلۀ ؤ شرایط دن کئچدیکدن سوُنرا تشکیلاتین عضو لوُیوُنۀ قبوُل اوُلوُب میللی هدف یوُلوُندا فعالییتۀ باشلییارلار.

یاشادیقیمیز بوُگوُنکوُ حساس چاغدا میللی حئرکاتی داخیلدۀ ؤ خاریجدۀ گوُجلئندیرمئک ؤ آکتیو لئشدیرمئگ اوُچوُن میللی تشکیلاتین یارانماسی نین ضرورتی هئر زاماندان آرتیق حیس اوُلوُنور، بوُ اوُنئملی هـدفۀ چاتماق اوُچوُن لازیم دیر کی بیرتعداد میللی اینانجلی ؤ همفیکیر اینسانلارین بیرآرییا گئلمۀ سی ایلۀ تشکیل تاپار.  

بوُنا گوُرۀ دۀ کئچمیشدۀ موُجوُد اوُلموُش دیسیپلینلی تشکلات لارین تجروُبۀ لریندن ایستیفادۀ اتمئک لازیم دیر. آدی گئدن تجروُبۀ لر نئلردن عیبارت دیر ؟

1 ــ تشکیلات قوروُلدوُقدان سوُنرا  ایدارۀ ائدیجی مرکز کمیتۀ سی نین أعضاسی خصوُصی ایلۀ داخیلدۀ گئرئک تام گیزلی شئکیلدۀ ؤ خاریجدۀ قیسمن گئرئک گیزلی شئکیلدۀ اوُلسوُن .

2 ــ خاریجدۀ یارانان تشکیلاتین چئشیدلی کمیتۀ لری اوُلمالی ، اوُجوُملۀ دن : ایرتیباط کمیتۀ سی ، بوُکمیتۀ دۀ اوُلان عضولر هئر هانسی اوُلکۀ دۀ یاشادیقلارینا باخمییاراق ، اینگیلیس ، فرانسا ، آلمان دیللرین بیلن عضولر هئرهانسی آمئریکا یا آوروُپا شخصییت لری ؤ یا دوُولت اوُرگانلاری ایلۀ گوُروُش زامانی گوُنئی آذربایجان اوُزۀ معلوُماتلی اوُلمالی ؤ میللی موُجادیلۀ نین دموکراتیک هـدف لرین چئشیدلی دوُولت لرلۀ ؤ بین الخاق قوُروُم ؤ قوُروُلوُشلارا آچیقلامالی ؤ بئلۀ لیکلۀ دۀ بیر ایرتیباط کانالی یارادماق ضروُرت لردن دیر.  

3 ــ تشکیلاتی گوُجئندیرمئگ اوُچوُن مالی ؤ تداروکات کمیتۀ سی نین یارانماسی لازیم دیرکی گئلن یاردیملاری تشکیلاتین مالی کمیتۀ سینین مسئولوُ بانک حسابینا یاتیریلمالی ؤ ضروری حاللاردا همان بوُدجۀ دن ایستیفادۀ اوُلوُنمالی دیر. 

4 ــ تشکیلاتین تبلیغات ایشلرین گوُجلئندیرمئگ اوُچوُن عضوییت حاققی معیین اوُلوُنمالی ؤ هئرعضو زامانیدا عضویت حاققین کوُنوُللوُ اوُلاراق اوُدۀ نیلمۀ لی دیر.  

5 ــ ایرتیباط کمیتۀ سی : بوُ کمیتۀ نین ؤظیفۀ سی خاریجدۀ اوُلان باشقا آذربایجانچی میللی تشکیلات لارلا قارشیلیقلی صمیمییت أساسیندا ایرتیباط قوُرماق ؤ لازیم گئلدیکدۀ چئشیدلی ساحۀ لردۀ بیرگۀ ایش بیرلیگینۀ  زمین یارادماق لازیم دیر، بوُ ساحۀ دۀ لازیم قئدر خوُش گوُروُلوُ اوُلماق لازیم دیر، بوُ معنادا کی گوُنئی آذربایجانین آزادلیقی ، قوُرتوُلوُشوُ یوُلوُندا صمیمییتلۀ موجادیلۀ ائدن تشکیلات یا شخصلری خائیین آدلاندیرماق اوُلماز ، بئلۀ اوُلدوُقوُ حالدا بیرلیک ، همریلیک دۀ یارادماق اوُلماز.   

6 ــ بوُ گوُنکوُ شرایط دۀ داخیل ایلۀ ساغلام ؤ گیزلی ایرتیباط قوُرماق اوُچوُن ساغلام ایرتیباط کمیتۀ سی یارادماق لازیمدیر، بوُکمیتۀ نهایت درجۀ دۀ گیزلی قوُروُنمالی ؤ تشکیلاتین مرکزی کمیتۀ سی نین تفتیش کمیتۀ سی نین نظارتیندۀ اوُلمالی دیر.

7 ــ تشکیلاتین  داخیلی کمیتۀ سی ایلۀ ایرتیباط تام گیزلی اولمالی ؤ مرکزلۀ تماس قوُرماق ایستۀ ین  کادرلارؤ یا سادۀ عضو لرین کیملیکلری جیددیتلۀ تحقیق اوُلوُنوُب ، گیزلی ساخلانمالی دیر، بو کادرلار یا سادۀ عضولر  تانینماماق اوُچوُن هئچ بیر تظاهرات لاردا ؤ یا یغینجاقلاردا ایشتیراک ائدۀ بیلمز.

8 ــ تشکیلاتین سیمگۀ سی تاریخی آذربایجانین اوُچ رنگلی بایراقی اوُلمالی ؤ بوُ بایراق استیقلال دان سوُنرا قوُزئی آذربایجانین سماء لاریندا دالغالامالی اوُلاجاق، بوُ واحید بایراق قوُزئیلی ، گونئیلی آذربایجان میللتی نین شرف بایراقی دیر، بوُنا گوُرۀ دۀ میللی تشکیلاتا عضو اوُلان هئر آذربایجانلی بوُ بایراقا حوُرمت قوُیمالی دیر.

بو مختصریازی تکجه بیراوُنرگۀ دیر، ساغ اوُل ساغلیقلا قال ـ غ ـ ش ـ آذرخش . 30 / 11 / 2019


بیشتر بخوانید

بیشتر بخوانید