آخرین خبرها

بیر دامدا ایکی هاوا اولا بیلمز! - ماحمود دالغا

۱۴۰۰.۰۷.۲۸, ۰۷:۳۶
بیر دامدا ایکی هاوا اولا بیلمز! - ماحمود دالغا

Gunaz.tv

مولانا دئمیشکن: «یا رومی رومی اول، یا زنگی زنگی.»

 

«احمد کسروی» هاممیمیزا تانیشدیر. پهلوی مکتبینده دوره گؤرموش و بویا باشا چاتمیش بیر آدام دیر، نه سببدن بئله آداما بیر عالمجه چیخار و هزینه لر خرج اولونوبدور؟

 

بو مکتبخانا و اونون اوئرنجیلری اوز آماج لارینان چاتماق اوچون گلیب اؤنجه لیکده بو آدامین الینده «تاریخ مشروطه» و «تاریخ هیجده ساله آذربایجان» یازیب و یازدیریبلار. کی بوجور اوزلرین آزربایجان خالقینا ثوبوت ائتسینلر و دئسینلر کی گؤرون بو بیر آزربایجان خالقیدیر. هدف بو ایشدن گؤرونور کی سون یازیمیش: یانی رساله ی جعلی و یالانچی «زبان آذری».

 

بو رساله نی اگر اؤنجلیکده بیر فارس یازسایدی هئچ کیمسه اونا دئیر ورمزدی، ایندی ده دئیری یوخدور؛ آمما بو رساله بیر تورک الینده یازیلیبدیر و بو جعلی یازی ایندی اولوب بیر سند و قاخینج. ساغدان، سولدان وورولور بیزیم باشیمیزا، اؤنملی سی بوردادیر.

 

فارس دیلده، هر گون تورکلره توهین اولونور؛ سس چیخان زامان دا دییرلر بیزیم منظور تورکلردیر، سیز یوخ! سیزلر «آذری» سیز و بیزیم وطنداش و قارداشیمیزسیز!

 

ایندی او سیاست گؤرونور. یئنیدن بیزیم اوز دیلداش و یازیچی لارین یول لاریندا و یازیلاریندا آیدین و آشکار بویا و باشا چاتیر.

 

چوخلاری گلیب اینترنت سایتی ووروب و آدین «آذری» قویوبلار. بیر سیرا یازیچی لار بیر یئره توپلانیب؛ بیر مجله چاپا چاتدیریلار «آذری» آددا. بونلار نه جور بیزیم دیلداشیمیزدیلار؟ نئجه بیز بونلارلا وطنداشیق؟

 

جاواد طباطبائی کیمدیر؟ بیر تورک؟! ندن سیاست شوونیسم یئنیدن بیر تورک قوزادیبدیر؟ ندن «آذری» مجله سی  چاپ اولونور؟ بونو چوخ تز دوشونمئلیک.

 

بونلار هامیسی شوونیسمین الینده بیر سند و قاخینجدیر؛ بونلاری تزلیکده دوشونمئلیک. «تورک ملتی» بونا باخماسین کی کیملر بو سایتلاری و مجله لری دولاندیریلار، منجه بونلاری قاباغیندا دورماق لازیمدیر.

 

بو آددا «آذری» یازیلار هر کیمسه دن اولور اولسون، او یازیچی یا دوشونمز دیر یا ساتقین.

 

بیر نئچه گون اؤنجه، بانک سپه قزئتینده چوخ آیدین تورکلره توهین اولدو؛ کیم گوردو بو یازیچیلارین سسی چیخسین؟ ندن سوسدولار؟ بو خیانت دئییل؟ بو ساتقینلیق دئییل؟

 

آتالار سؤزودور: «قورخان گؤزه؛ تز چوب دوشر»

 

تورک قارداشلاریم، تورک دیلداشلاریم، لطفن بونا باخمایین کی بیر نئجه آدام (حسن، حوسین، تقی، سعید) چونکی مثلا ظاهرده یاخشی یازیلاری وار، یاخشی شعرلری وار، اولماز اونلارا بیر سؤز دییک.

 

بونلار کسرویدن چوخ یازیچی کی دئییللر، ندن طباطبائی خایین اولور بونلار یولداش؟ بو سیرا یازیچی لار هاممی سی اجنبی سوو ایچیبلر، بیزه اؤنملی سی تورکلیکدیر؛ هویتمیزدیر، یالان آداملار یوخ.

 

یازار: «ماحمود دالغا»

 

 

 

Similar News

اخبار منتخب

Most Read