پیام تسلیت جبهه ملی آزادی آذربایجان جنوبی به مناسبت وفات استاد حسن آذربایجان

آخرین خبرها

پیام تسلیت جبهه ملی آزادی آذربایجان جنوبی به مناسبت وفات استاد حسن آذربایجان

۱۴۰۰.۰۷.۲۸, ۰۷:۳۶

Gunaz.tv

گوناز تی وی: جبهه ملی آزادی آذربایجان جنوبی "گاماج" به مناسبت وفات مبارز خستگی ناپذیر حرکت ملی آذربایجان استاد حسن آذربایجان "دمیرچی" پیام تسلیتی به زبان ترکی منتشر کرده است.

متن این پیام بدین شرح است:

24 ژوئن 2018 (4 تیر 1397) گونو، بوتوو آذربایجان بیرلیگی نین فیکیر اؤندری رحمتلیک ابولفضل ائلچی بیگین 80 اینجی دوغوم ایلینده، آذربایجان سئودالی سی وگؤرکملی شخصیت، میللی فعاللار طرفیندن اوستاد "حسن آذربایجان" آدی آلان، اوستاد حسن دمیرچی نین دونیاسینی دگیشمه خبری، هامیمیزی دریندن اوزدو.

اوستاد حسن آذربایجان عومرو بویو آذربایجان میللتی نین حاق سسی، گوجو و نفسی اولموشدور. ایران مرکزی حاکمیتی نین بوتون باسقیلار، جزالاندیرمالار و تهدیدلرینه باخمایاراق، آذربایجان میللی کولتورونه و یئنی میللی بیلینج لی نسیللرین یئتیشدیریلمه سینه بؤیوک امکلر وئرن اوستاد حسن آذربایجان اؤرنک بیر موباریزدیر. میللی حاقلار یولوندا وئردیگی موجادیله سینده ایسه، سارسیلماز ایراده سی غرور قایناغیمیزدیر.

بؤیوک اوستادین، گونئی آذربایجانین معروض قالدیغی حاقسیزلیق لارا قارشی آپاردیغی موباریزه، میللتی نین چتین گونلرینده اؤزللیکله قاراداغ دپرمینده میللی یاردیم کامپانیالارینا باشچی لیق ائتدیگی، زلزله بؤلگه سینده میلتیمیزله چیگین چیگینه آیلارجا وئردیگی امک لر، آذربایجان میللی حرکتینین هر آلانیندا وئردیگی موجادیله سی و اؤده دیگی بدل لر، گنج لر و فرقلی نسیل لردن میللی فعاللارا قارشی ساغ دویولو بیر آغ ساققال دوروشو، میللتیمیزین تاریخی حافیظه سینده آلتین حرفلرله یازیلاجاقدیر.

اوستاد میللتی طرفیندن آلدیغی "آذربایجان" آدینی بؤیوک بیر شان ایله حاق ائدن، میللی دوروش و اخلاقی و ایچینده بسلدیگی میلت سئوگی سی ایله میللی آزادلیق حرکاتینین یورولماز و گؤرکملی موباریزی کیمی، گلجک نسیل لرین فخر ایله یاد ائتدیگی شخصیت کیمی قالاجاقدیر. ایللرین اؤتمه سیله اونون خالقینین یانیندا آپاردیغی موباریزه نین ده یری داها چوخ آنلاشیلاجاقدیر.

هئچ شوبهه سیز کی اونو مدنی موباریزه سیندن اؤتورو 70 لی یاشلاردا بئله آغیر حبس لرله جزالاندیران ایران مرکزی حاکمیتینین انسانلیق و عدالت دیشی توتوملاری و اوستادا چکدیردیگی اذیت لر، تاریخی حافیظه میزدن سیلینمه یه جکدیر.

بو آجی ایتگی دن دولایی، عزیز آذربایجان میللتی نین، ده یرلی عائیله سینین، ده یرلی میللی فعاللارین و سئون لرینین باشی ساغ، اوستاد حسن آذربایجانین یولو گئدرلی اولسون.

گونئی آذربایجان میللی آزادلیق جبهه سی

24/06/2018

گوناز تی وی

M.Y