آخرین خبرها

آمريکا سناسی ايرانا قارشی تحريم لرله باغلی لايحه يه سس وئريب

۱۴۰۰.۰۷.۲۸, ۰۷:۳۶
آمريکا سناسی ايرانا قارشی تحريم لرله باغلی لايحه يه سس وئريب

Gunaz.tv
آمريکا سناسی نين بير کميته سی ايرانا قارشی علاوه تحريم لری نظرده توتان قانون لايحه سينی تصديق ائديب. سناتين ماليه کميته سی چرشنبه گونو ايرانا آمريکادا توليد اولونان طياره تجهيزاتلارينين ساتيلماسينی قاداغان ائدن لايحه يه سس وئريب. ايراندان خالچالار (فرش)، خاويار، چرز(آجيل) و قورودولموش مئيوه لرين آمريکايا گتيريلمه سي ياساقلانير. سنا طرفيندن تصديق لنمه سی ضروری اولان لايحه ايرانا ارزاق داوا-درمان و انسانجيل يارديملارين گونده ريلمه سينه اجازه وئرير.بوندان باشقا روسيه ايرانا آتم يارديملاری و سيلاح ساتيلماسينا قاداغا اجرا ائتمه يينجه روسيايا آتم تجهيزاتينين وئريلمه سی ده ياساقلانير. لايحه يه گوره ايرانا وام وئرمه يی داوام ائدرسه آمريکا دونيا بانکينا پول باغيشلارينی محدودلاشديرماغی پلانلاشديرير. بوندان باشقا ايران اوچون نظرده توتولموش فارس ديللی پراگرملار، او جومله دن "فردا راديوسو"نا ئوز وئرليش لرينده خبرلر و تحليل لره داها چوخ يئر آييرماغی تاپشيرير. لايحه نين دموکرات و جهموريت چيلر طرفيندن تصديق له نه جه يی گوزله نيلير. ايران آتم فعاليت لرينين دينج مقصدلی اولدوغونو دئيير آنجاق غرب بونا اينانمير.

Similar News

اخبار منتخب

Most Read