میللت حضوروندا، ظلمون عؤمرو آز اولار/ اکبر آزاد

۲۱.۰۵.۱۴۰۱, ۱۳:۰۴

معاصر دؤنمده گونئی آذربایجان میللی حرکتی، خشونتدن اوزاق، دینج، سیویل و مدنی بیر رویه ایله گونئی آذربایجان تورک میللتینین میللی منافعی و میللی کیملیگی نین قورونماسی اوغروندا جدی و یورولمادان چالیشیر.

Gunaz.tv Quote | Gunaz article

آذربایجان تورک میللتی نین میللی حقلرینی رسمیته تانیماقدان امتناع ائدن ایران اسلام جمهوریتی حاکمیتی، آزادلیق و عدالت سئوه ر آذربایجان میللی چالیشقانلارینا قارشی و حق سسلرینی بوغماقدان اؤترو، اونلارا آغیر-آغیر هزینه لر تحمیل ائتمیشدیر و ائدیر و بو عدالت سیز سیاست و داورانیشین داوامیندا اؤزگوز و عدالت سئوه ر انسانلارین سسینی بوغماق ایسته ییر. آنجاق بو هامییا آیدین دیر آزادلیق، عدالت و حق بایراغی هئچ زامان یئرده  قالماییب و قالماز! اگر بیر میللی فعال دایاندیریلسا، مین بیری آیاغا قالخاجاق!

 

بو حق سیز و عدالت سیز باسقیلار نتیجه سینده بو گونه قدر، دینج و خشونتدن اوزاق یوللارلا حق، آزادلیق و عدالت اوغروندا چالیشان مینلرجه میللی فعالی یاخالاییب، گؤز آلتینا آلیب، دوستاغا سالیب و سورگونه گؤنده ریبلر.

 

حال حاضرده ده بیر چوخ آذربایجانلی تورک میللی فعال، قانونا ضد و مختلف بهانه لرله دوستاقدا و سورگون حالیندادیرلار او جومله دن:

۱-توحید امیرامینی_(اردبیللی-اوین زیندانی)

دنیاسل آنا دیلی گونو ایله ایلگیلی تهراندا یاخالانیب و ۵ ایل حبسه محکوم ائدیلیب.

 آیا بیری اؤز آنا دیلینی سئوسه، آنا دیلینین مدرسه لرده تدریس اولماسینی ایسته سه گرک اونو حبسه سالالار؟

 

۲-اکبر نعیمی-(خوی لو- اوین زیندانی)

اتهاملارینین بیری اؤز آنا دیلینی سئویب و بو مناسبته قورولان بیر مراسیمده آنا دیلینین حقینده داشیماقدیر. 

 

سیز گؤرون آنا دیلینی سئومک اوچون اونو یاخالاییب ۹ ایل ۷ آی حبسه محکوم ائدیبلر ! 

آیا بو عدالت دیر یوخسا زوراکیلیق؟! 

بوآزادلیق و عدالت ایسته ین بیر شخصین سسینی بوغمادیر!

دیشلری زینداندا آغیرییر آنجاق معالجه اوچون اونا مرخص لیک وئرمیرلر!

 

۳-روزبه پیری- (تبریزلی_ تبریز زیندانی)

۴ ایل ۸ آی حبسه محکوم ائدیبلر، اتهام ووروبلار ۱۳۹۸ اعتراضلاری ایله ایلگیسی واردیر.

ایندیلیکده برک خسته دیر. آنجاق معالجه اوچون مرخصلیک وئرمیرلر.

 

۴-جعفر اسماعیل زاده- ( تبریزلی- تبریز زیندانی)

وطن سئوه رلیگه خاطر اؤزونو ده یاخالاییرلار، اوغلونودا یاخالاییرلار! هرایکیسین قول-قولا باغلاییب زیندانا آپاریرلار و…. ایندی نئچه آی دیر آیریدان یاخالانیب و زیندا دیر.

 

۵-محمد عینی-(رشت تورکلریندن-رشت زیندانی)

بیرچوخ شهرده تورک توپلوملاری باشقا ائتنیکلرله بیرگه یاشاییرلار. اوشهرلرین بیری ده رشت شهری دیر. میللی چالیشقان محمد عینی، رشت شهرینده دینج و خشونتدن اوزاق اولاراق، تورکلرین  میللی حقلری اوغروندا چالیشیر. 

 

کئچن ایل بهمن آیینین ۳-نده امنیتی قوّه لر طرفیندن توتوقلانیب و بوگونه دک تاسفله باسقیلاردان دولایی، هابئله عایله سی و یاخینلاری علیهینه ایشلنمیش تهدیدلر نتیجه سینده محاکمه سینین گئدیشاتیندان هئچ بیر خبر یاییلماییبدیر. حتی آغیزدان آغیزا دئییلنلر اساسیندا بو عزیز میللی فعالیمیزه وئریلن آغیر حُکمدن ده دقیق بیر بیلگی الده یوخدور.

 

۶-شُـکرالله قهرمانی-(خودآفرینلی-گؤز آلتینا آلینیبدیر= بازداشت)

تزه لیکده بئش – اون نفر امنیتی قوه خبرسیز و هئچ بیر محکمه حُکمو گؤسترمه دن، عایله سینین دورومونو نظره آلمادان زوراکیلیقلا ائولرینینه تؤکولوب، یاخالاییب، گؤز آلتینا آلمیشدیلار. هابئله بیر سیرا شخصی وسایلینی ده ضبط ائتمیشدیلر. 

 

بو زوراکیلیقلارا دا هئچ بیر دلیل ده ارائه ائتمه میشدیلر. 

یعنی هرکسه شک ائتسه لر اول یاخالاییرلار و باجارسالار قارا یاخیب بوینونا جرم یازیرلار…

 

۷-اکبر ابولزاده – (اهرلی- تبریز زیندانی)

تبریز زیندانیندا ساخلاییرلار. 

تهران تئلئویزیونون فیتیله آدلی برنامه سینده عمومن تورکلره و اؤزللیک له آذربایجان تورکلرینه چیرکین و رذیلجه سینه اهانتلر ائتمیشدیلر! اتهام بودور کی، نییه بو رذیل اهانته لره اعتراض ائدیبدیر. بو نئجه بیر اویون دور کی، انسانلاری ملی اهانت قارشی سیندا سوسماغا مجبور ائتمه یه چالیشیرلار!؟ 

 

آنجاق من معتقدم رشید آذربایجان تورکلری هئچ بیر اهانته سوسماز و هئچ بیر تحقیره دؤزمزلر!

 

۸-بهنام زارعی-(ورزقانلی_گؤز آلتینا آلینیبدیر=بازداشت-اهر زیندانی) 

تخمینن بیر آی اولار یاخالاییبلار. بهنام زارعی یاشام چئوره سینی(محیط زیستی) قورویوب ساغلام ساخلاماق اوچون چالیشیر و بو موضوع ایله ایگیلی یاخالانمیشدی. 

 

ورزقان شهری اهرین یاخینلیغیندا دیر و آذربایجانین بؤیوک، غنی و دولغون مس معدنی بو شهرین یاخینلیغیندا یئرلشمیشدیر.

 

-عباس لسانی-(اردبیللی-اردبیل زیندانی–هله لیک استعلاجی مرخصی لیکده)

دفعه لرله یاخالانیبدیر. حبس و تبعیده محکوم ائدیبلر. سون دفعه تبریز ده محکمه دن(دادگاهدان) چیخاندا اردبیلین امنیتی قوه لری طرفیندن یاخالانیب، اردبیل اطلاعاتینا آپاریلیب و بیر آی اوردا باسقیلار آلتیندا ساخلانیلدیقدان سونرا، زیندانا آپاریبلار. بیرینجی محکمه ده ۸ ایل حبسه محکوم ائدیلمیشدیر! و اعتراض ائتدیکده ۱۵ ایل حبسه و ایکی ایل سورگونه( یزد شهرینده) محکوم ائتمیشدیلر. البته ۱۰ آی دا تبریز محکمه سینده حبسه محکوم ائدیلیب. دفعه لرله قانونسوزجا و زوراکیلیق لا یاخالاندیغی زامان  بئلینین اومورغاسینین مینجیقلارینا(ستون فقرات مُهره لرینه) صدمه دیمیشدیر. ایندی تقریبن آلتی آی دیر محکمه حکیمی(پزشکی قانونی)-نین نظری ایله استعلاجی مرخصلیگه گلمیشدیر. دوکتورلارین مستند نظرینه گؤره اگر کامل شکیلده معالجه اولونماسا آللاه ائتمه سین فلج اولا بیلر. بو گونلر مرخصلیگی قورتارماق عرفه سینده دیر و احتمالی وار محکمه حکیمی(پزشکی قانونی)-نین نظرینین عکسینه، زیندانا قایتاریلا. 

 

گؤره سن بئله زواکیلیقلارین قارشیسیندا کیمسه مسئولیت حس ائدیر یا یوخ؟!

 

۱۰-علیرضا فرشی  -(مرندلی- تهران بزرگ زیندانی- هله لیک استعلاجی مرخصی لیکده-پابندله=ائلئکتئرونیک آیاق باغی ایله)

 

۱۳۹۲ –جی ایلده آنا دیلی گونو مناسبتی ایله ایلگیلی قورولان بیر مراسیمده اشتراک ائتدیگی اوچون حمید منافی، بهنام شیخی و اکبر آزاد ایله بیرلیکده یاخالانیب، اول ۱۰ ایل حبس و ایکی ایل سورگونه محکوم ائدیلمیشدیلر. سونرا حُکم سیندیریلیب ایکی ایل حبس وایکی ایل سورگون حکمو وئرمیشدیلر.  داها سونرالار زینداندا اولارکن باشقا بیر اتهام اساسیندا مجموع دا ۵۰ آی زیندان حکمو ده وئرمیشدیلر.

 

علیرضا فرشی خبرسیزجه یاخالاندیغی زامان گؤزلرینه ضربه دیمیشدیر و سول گؤزونون قارا گیله سینه شدتله صدمه وورولموشدور. آللاه ائتمه سین، گؤزو کور اولماق خطری ایله قارشی-قارشییا اولدوغو اوچون ایندیلیکده استعلاجی مرخصلیکده دیر.

 

۱۱-علی واثقی-(اردبیللی- اردبیل زیندانیندا- هله لیک  مرخصی لیکده- پابندله=ائلئکتئرونیک آیاق باغی ایله)

 

قارداشی رضا واثقی ایله بیرلیکده وطن سئوه رلیک اوجوباتیندان ایکی ایل زیندانا محکوم ائدیلمیشدیلر. ایندیلیکده مرخصی لیکده دیرلر.

 

۱۲-رضا واثقی -(اردبیللی- اردبیل زیندانیندا-هله لیک  مرخصی لیکده- پابندله=ائلئکتئرونیک آیاق باغی ایله)

 

قارداشی علی واثقی ایله بیرلیکده وطن سئوه رلیک اوجوباتیندان ایکی ایل زیندانا محکوم ائدیلمیشدیلر. ایندیلیکده مرخصی لیکده دیرلر.

 

۱۳-حمید منافی-(تبریزلی- ایکی ایل سورگون- هله لیک  مرخصی لیکده)

 

۱۳۹۲ –جی ایلده آنا دیلی گونو مناسبتینه قورولان بیر مراسیمده اشتراک ائتدیگی اوچون علیرضا فرشی، بهنام شیخی و اکبر آزاد ایله بیرلیکده یاخالانیب، اول ۱۰ ایل حبس و ایکی ایل سورگونه محکوم ائدیلمیشدیلر. سونرا حُکم سیندیریلیب ایکی ایل حبس و ایکی ایل سورگون حکمو وئرمیشدیلر. حال حاضرده حبسی قورتاریب و سورگون مرحله سینده دیر.

 

۱۴-بهنام شیخی-(اردبیللی- ایکی ایل سورگون- هله لیک  مرخصی لیکده)

۱۳۹۲ –جی ایلده آنا دیلی گونو مناسبتینه قورولان بیر مراسیمده اشتراک ائتدیگی اوچون علیرضا فرشی، حمید منافی و اکبرآزاد ایله بیرلیکده یاخالانیب، اوّل ۱۰ ایل حبس و ایکی ایل سورگونه محکوم ائدیلمیشدیلر. سونرا حکم سیندیریلیب ایکی ایل حبس وایکی ایل سورگون حکمو وئرمیشدیلر. حال حاضرده حبسی قورتاریب و سورگون مرحله سینده دیر.

 

۱۵- اصغر فرجی(تهراندا ساکین دیر- ائوین زیندانی)

۱۴۰۱-جی ایلین خورداد آیینین سون گونلرینده بئش ایللیک حبس چکمک اوچون تهرانین ائوین زیندانینین ۴-جو بندینین قرنطینه بؤلومونه آپاریلمیشدیر. بو تورک آذربایجانلی میللی فعالین اتهامی « میللی امنیتی پوزماق نیّتی ایله اجتماع و تبانی ائتمکدیر.» 

 

البته بو اتهامی هر بیرمیللی چالیشقانا نسبت وئریرلر. هابئله هر یئریندن دورانا «تشکیلات قورماق» اتهامی وورورلار. حال بو کی اوچ نفرلیک بیرNGO –یا دا اجازه وئرمیر یارانسین!

 

هر منطقی اعتراضی «نظامین علیهینه تبلیغی فعالیت» کیمی دیه رلندیریرلر.

 

ایللردیر بو کیمی اپریمیش اتهاملارلا آذربایجان میللی حرکتینی بوغماق ایسته ییرلر. آنجاق من یقین ائدیرم بو حرکت:

 

بوغولان دئییل، سوسان دئییل، دوران دئییل و گونه-گوندن اؤز حق یولوندا ایره لی لییر!

 ۱۶- و ۱۷ و ….

 

یوخاریداکی زیندانیلری و اونلارا اوخشار باشقا زیندانیلر هر طرفلی باسقی آلتیندا اولورلار:

-شخصی وسیله لری قانوندان قیراق مصادره وضبط اولونور

-عایله لرینه آغیر باسقی و تضییقلر اعمال اولونور

-معیشت و ایش باخیمیندان آغیر-آغیر سیخینتیلارا معروض قویولورلار و مناسب بیر یئرده ایشه باشلاییب چالیشمالارینین قارشیسی آلینیر

-چئوره لرینده اولان انسانلار، مختلف رویه ایله تهدید اولورلار و زیندانیلردن اوزاقلاشدیرماغا چالیشیرلار-بعضن یاخالاندیقلاری زامان ویا زینداندا اولدوقدا ایشکنجه اولورلار و آغیر جسمی و روحی صدمه لره معروض قالیرلار. و….

 

سونوندا؛ بوتون وطن سئوه ر زیندانیلره، سؤز و عقیده زیندانیلرینه آزادلیق آرزو ائدیرم

و … یقین ائدیرم: میللت قارشیسیندا،

 ظلمون عؤمرو آز اولار. 

 

اکبرآزاد-۱۴۰۱/۰۵/۱۹

 

گوناز تی وی

E

 

Post | Gunaz article thumb

به اشتراک بگذارید :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
دیدگاه‌ها
نوشتن دیدگاه
gun az article

دانشجویان دانشگاه شهید مدنی آزربایجان به اعتراضات پیوستند

۱۴۰۱-۰۷-۰۵

gun az article

یورش و ورود غیر قانونی مامورین امنیتی به منزل فعال ملی آذربایجان «اشکان سعادت‌مهر» و اذیت همسر وی

۱۴۰۱-۰۷-۰۵

gun az article

گزارشی از تظاهرات در آذربایجان‌جنوبی و آخرین وضعیت بازداشت‌شدگان

۱۴۰۱-۰۷-۰۵

gun az article

تایید کشته شدن 76 نفر در اعتراض‌های اخیر

۱۴۰۱-۰۷-۰۵

gun az article

پخش گسترده بیانیه جمعی از فعالان ملی مدنی آذربایجان در تبریز؛ "آزادلیق، عدالت، میللی حکومت"

۱۴۰۱-۰۷-۰۵

gun az article

حمله مامورین امنیتی به منزل «صالح ملاعباسی» و ضرب و شتم و اذیت همسر وی و دخترانش

۱۴۰۱-۰۷-۰۵

gun az article

تداوم بی خبری و افزایش نگرانی از وضعیت فعالین بازداشتی در اردبیل

۱۴۰۱-۰۷-۰۵

gun az article

انتشار اسامی ده‌ها تن از بازداشت شدگان در تبریز توسط جمعیت ارک

۱۴۰۱-۰۷-۰۴

gun az article

اعتراض دانشجویان در تبریز آغاز شد - ویدئو

۱۴۰۱-۰۷-۰۴

gun az article

حمله وحشیانه ماموران حکومتی به یک زن بی دفاع در کرج + فیلم

۱۴۰۱-۰۷-۰۴

gun az article

برخورد وحشیانه ماموران حکومتی با سه زن در تهران + فیلم

۱۴۰۱-۰۷-۰۴

gun az article

نیما شکوهی مداح ارمنی پرست  از سرکوبگران اصلی اعتراضات تبریز + فیلم

۱۴۰۱-۰۷-۰۴

gun az article

مویه‌های مادر جواد حیدری جوان تورک آذربایجانی: قارا گؤز بالام لای‌لای + فیلم

۱۴۰۱-۰۷-۰۴

gun az article

خواهر «جواد حیدری» جوان تورک آذربایجانی بر سر مزار برادرش موهایش را برید + فیلم

۱۴۰۱-۰۷-۰۳

gun az article

جواد حیدری جوان تورک آذربایجانی به ضرب گلوله های جنگی نیروهای امنیتی ایران کشته شد + فیلم

۱۴۰۱-۰۷-۰۳

gun az article

بازداشت محمد سیامک‌ نیا، فیلمساز آذربایجانی

۱۴۰۱-۰۷-۰۳

gun az article

تایید کشته شدن آیسان معدن‌پسند؛ دختر تُرک آذربایجانی در اعتراضات تبریز

۱۴۰۱-۰۷-۰۳

gun az article

کشته شدن حدیث نجفی؛ دختر ۲۰ ساله معترض تُرک آذربایجانی در اعتراضات - ویدئو

۱۴۰۱-۰۷-۰۳

gun az article

همزمان با گسترش تظاهرات‌ها در اردبیل؛ قطع ارتباط تلفنی عباس لسانی

۱۴۰۱-۰۷-۰۳

gun az article

آتش گشودن ماموران حکومتی به سوی مردم اردبیل + فیلم

۱۴۰۱-۰۷-۰۳