عباس لسانی سئچگی لرله باغلی؛ آذربایجانین بوتون شهرلرینده تحریم اولونمالیدی آنجاق باتی آذربایجان دا مشارکت

آخرین خبرها

عباس لسانی سئچگی لرله باغلی؛ آذربایجانین بوتون شهرلرینده تحریم اولونمالیدی آنجاق باتی آذربایجان دا مشارکت

۱۴۰۲.۱۲.۱۰, ۰۷:۳۱

عباس لسانی سئچگی لرله باغلی؛ آذربایجانین بوتون شهرلرینده تحریم اولونمالیدی آنجاق باتی آذربایجان دا مشارکت

Gunaz.tv

اولو تانری‌نین آدی ایله

آییق و بؤیوک آزربایجان تورک میللتی

بیلدیینیز کیمی ایران آدلانان اؤلکه ده پارلمان سئچگیلرینین گؤستریسی(نمایش) ایله اوز-اوزه‌ییک و حاقلی اولاراق اکثریتین قراری بو گؤستری‌نی بایکوت ائتمک دیر نییه‌کی بوردا دموکراتیک بیر حاکیمییتله قارشیلاشمیریق، بوردا ایللر بویو سؤز آزادلیغی، توپلاشما آزادلیغی، پارتییا قورماق آزادلیغی، مئدییا آزادلیغی، نه ده میللت‌لرین حاقلاری و ساییرا حقوق‌لاردان سؤز گئده بیلمز.

اوسته‌لیک کئچن ایللرده خیابانلاردا اعتراض ائدنلری سیویل اینسانلاری قان گؤلونده بوغوب، مخالفت ائدن لری حبس ائدیب و اعدام ائدن بیر سیستم، توپلومون آجیغینی و غضبینی قازانیب و مشروعیتین ایتیرمیش‌دیر، او اوزدن ده یئنیدن خالق حاکیمییتین آرخاسیندادیر دئیه غئیر دموکراتیک بیر شکیلده اؤز آدای‌لارینی فیلتریندن سووشدوروب توپلومو صاندیق باشینا چکمک نییتینده‌دیر.بو اوزدن دیر کی بیز بو سئچکیلرده آذربایجاندا بایکوت و تحریم دن یاناییق.

آنجاق نه یازیق‌کی ایللر بویو فارس شووینیزمی‌نین حاکیم اولدوغو بیر اؤلکه ده اؤزللیکله آنتی تورک سیاستینی هر بیر فورصت‌ده یئریدن سیستم، کئچن اون ایللرین‌ بویونجا باتی آزربایجاندا بیر توخوم اکمیش‌دیر.

مرکزی حاکیمییت جمعیت دییشیمی سیاستی‌ایله یوز مینلرجه کؤچری کوردلری بؤلگه‌یه کؤچوردوب و اونلاری آزربایجانین ازلی و ابدی بؤلگه و شهرلرینده یئرلشدیرمیش‌دیر.

بو کؤچری ائتنیک ایسه قوناقلیق و قونشولوق قایدالارینی بیر قیراغا قویوب‌دا هر زامان اللرینه فورصت کئچن‌ده تورک میللتینه، یعنی سیغیندیغی و چوره‌یین یئدیگی بیر میللتین دوزون ایتیریب و وحشی‌جه سینه قتل عام‌لار تؤرتمیش‌دیرلر.

ایندی ده بو چاغدا توپراق ادعاسیندا اولان چاغیریلمامیش قوناقلار چالیشیرلار آزربایجان‌تورک میللتی‌نین مرکزی حکومته مدنی اعتراضی اولاراق صاندیق باشینا گئتمه‌مه‌گیندن سو استفاده ائدیب و اؤز توهم‌لرینه دایاناراق کوردلری صاندیق باشینا چکسین‌لر و بو تورپاق‌لاردا موجودیت‌لرینه کاذیب ده اولموش اولسا سندیت قازاندیرسینلار.

اونلارکی اؤزلرین، زن، زندگی ، آزادی انقلابینین یییه سی کیمی گؤستریب ان چوخ هزینه وئرن‌لر آدلاندیریرلار، ندن باتی آزربایجاندا اؤزللیکله اورمو و سولدوز و... باشقا شهرلرده بیر میللت وکیلینی پارلمانا گؤندرمک اوچون بوتون گوجلرینی توپلاماقدادیرلار؟

همده سس و رای لری داغیلماسین دئیه هده-قورخولارلا بئله، کورد آدای‌لارین چوخونلوغون قیراغا چکیلمه‌یه مجبور ائدیرلر.

اونلار بو سئچگی‌لری و گؤندره بیله‌جکلری آدای‌لاری، (بیز بوردا واریق و چوخوق) گؤسترگه اولاراق گؤرمکده‌دیرلر تا پروپاگاندا گوجلرینه دایاناراق باتی آزربایجانا اولان بوش ادعالارینی مثلا بلگه‌لندیرسین‌لر(مستند ائتسین‌لر).

باتی آذربایجاندا مسئله تام فرقلی‌دیر. بوردا تورپاق و شهر کیملییینی گؤسترن مکانیزمدن سؤز گئدیر، اوردا صاندیق باشینا گئدن تورکلر حاکمیتین و اونون یاراتدیغی سیستم و مکانیزمانین ساوونانی دئییل‌لر و سانیلابیلمزلر.

آنجاق نه یازیق‌کی بونو گؤرمه‌ین و یا بعضی آلیش وئریشلر اوجوباتیندان بو آغیر دورومو و توپراق مجادله‌سینی گؤرمک ایسته‌مه‌ین‌لریمیز وار، اونلارین سون چیخیشلاری و توتوملاری اؤزللیکله باتی آزربایجانی استثنا ائتمه‌دن و گئدن دورومو و پلانلاری دوشونمه‌دن، سئچگیلری بایکوت ائتمک‌لری چوخ آغیر و شاشیردیجی بیر اولای‌دیر!

بو قدر سورومسوز اولوب میللی منفعتلریمیزه گؤز یومان‌لارا میللتچی و میللی فعال دئمک اولارمی؟ ندن بونلارین توتوملاری کورد ترور قروپلاری و مرکزچی جریانلارین شوم سیاست‌لریله اوست اوسته دوشور؟ کسینلیکله آزربایجان میللتی، بو سورولاری، آدینی میللتچی قویوب میللی منافعی دوشونمه‌ینلردن سوراجاق‌دیر.

بوگونکو دورومدا بوتون آذربایجانلیلار و میللی فعاللار هر آراج و ائتگی سی ایله ایران آدلانان اؤلکه ده سئچگیلری بایکوت ائدیرسه یورولمادان چالیشسینلار، آنجاق باتی آزربایجان اؤزللیکله اورمو، سولدوز، داش ماکی، تیکان تپه و ... نه تکجه استثنادیرلار بلکه هر بیر تورک و تورک میللتچی‌سینه تاریخی بیر گؤره‌و‌دیر میللتی صاندیق باشینا آپاریب و بو توپراق مجادیله سینده ایرانشهری آدلانان فارس راسیستلری و کورد ترور تشکیلاتلارینین پلانلارینی پوزوب آیاقلار آلتینا آتسین‌لار.

بونلارا رغمن باتی آزربایجاندا بو حاقلی یولدا چالیشانلار اؤزللیکله شرفلی، غیرتلی و اؤزونو دیپلمات سانانلاردان، قات- قات آرتیق سیاسی و میللی دوشونجه‌یه صاحیب اولان گنج و جاوان میللی فعاللارین قوتسال چالیشمالارینی آلقیشلایاراق اؤنلرینده باش اَییرم.

آرتیرمالی یام؛ اورمو شهرینده 《بیرلیک سسی》 آدی ایله بیر لیسته یارادابیلن گنجلرین بو گونکو توتوم‌لارینی اونایلاییب، آرخالاریندا اولماغیمی بیلدیریرم.

(بیرلیک سسی نین وئردییی لیست ده کی آدایلارین نه سیاسی ماهیتلری، نه شخصی دوروملاری، یالنیز اونلارین تورک اولماقلاری بیزه اولچک و معیاردیر)

سونوندا اوز توتورام مرکزین آنتی تورک سیاستی دوغرولتوسوندا نگهبان شوراسیندان یوز اوتوز نفردن آرتیق( آماج رای لرین داغیلماسی دیر) صلاحیت آلان تورک آدایلارا کی، گئج اولمامیش شخصی سئودالاریندان واز کئچسینلر و بیرلیک سسی اؤنردیگی لیستین نفعینه قیراغا چکیلسینلر، یوخسا آزربایجان میللتینین قارشیسیندا جاواب وئرملی اولاجاقلار.

عباس لیسانی ۱۴۰۲/۱۲/۹

گونازتی‌وی

SH.A