تبریزلی علی عرب و تورک لری "ظالیم و ییرتیجی و دیل بیلمز "کیمی تقدیم ائدنلله رین ایرییق چیلینه اعتراض ائدیر. او یازیر:"بس فیردوسی عرب الیفباسیله نه اوچون تورک شاهی ماحمود غزنوییه "شاهنامه "سین یازیب؟ بو اوزون چاغلار حکیم فررخی سیستانی ، عنصری، انوری، قاآنی شیرازی، حافیظ شیرازی ، ووصال شیرازی، سعدی شیرازی، کمالدین ایصفهانی، ملیک الشعرا باهار خوراسانی و یوزلرجه و مینلرجه شاعیرلر و مداح لار هونرلرین و باجاریقلارین عرب ، مخصوصا تورک اوچون نسار (قوربان، هدییه) و تقدیم ائدیب لر." او تورک حوکومت لرینین فارس دیلی و ادبییاتینا قیوم لوغونو گورمه ین و بو حوکومدارلاری یئری گلدی گلمه دی آشاغیلییان تورک دیلینه ایکراهلا یاناشان ایریق چی موعللیف لری اینصافلی اولماغا چاغیریر.

تبریزلی علی اییریق چی موعللیف لره قیزدیغی کیمی ، تورک حوکوم دارلارین میللی دیل و ادبییاتینا بیگانه لیینه ده ایچدن یانیر."شیمالدان-جنوبا، شرق ایدن غربه کیمی بویوک-بویوک ایمپیراطور لار قوران،" "اوزگه میللت لره دیل و میللیت تحمیل ائتمه ین "تورک سولاله لرینین سیاستینین بدلی نین ("جریمه سینی") چاغداش سویداشلاری اودمه لیدیر. تبریزلی علی همین تورک سولاله لرینی قیناییر:"قولاقلاریندا یوزلر جه بالاجا شاهلار، حوکومت لر، تاریخ یازان لار ، ادیب لر و شاعیرلر، و معمارلار و طبیب لر اولان آتا و بابالاریمیز گلجک نسیل اوچون یانی بیزلر اوچون هیچ بیر گوزل میللی میراث ، میللی دیل و ادبییات ، میللی تاریخ قویمایب لار. فقط گونون نقد اولان قودرت و گوجونه قانع اولوب، زامانی و دونیانی کیچیک و قیسا دوشونوب لر."

اورتا یوز ایللرده تورک ائلیتی ایچینده ائتنیک تعصوبون اولماماسی (نوایی حیرت لندیریجی استثنالاردان بیریسیدیر)XX ایرمینجی یوز ایلده اغیر سونوژ لار وئردی. تبریزلی علی یازیر:"وارا و ثروته ، قودرته و گوجه ، یاخشی یئیب و ایچمه یه ، هابئله ائو بزه کلرینه و یوز لرجه بئله شئیله ره و ایشله ره قیمت و دیر قویلوردو، امما دیله، ادبییاتا، میللی فرهنگه، اوزون و میللتین تانیماغا ائله بیر کونول و علاقه گوستریل میردیر.و ایندی بودورکو بو گونکو نسلین الینده بیر اویله میللی فرهنگ یوخدور و اولوب -قالان وارسا دا یا یا گوزلردن ایتگین دیر و یا زامان پاسی و توزو ایله اورتولودور."

تبریزلی علی اورتا چاغلارداکی تورک-فارس موناسیبت لرینه آیدینلیق گتیرمک اوچون ماحمودغزنوی-فیردوسی حیکایه سینی اورنک اولاراق اله آلیر. او خاطیرلادیرکی الده اولان سئرک قایناقلار اوزللیکله شاعیر اسدی نین آرتیق یازمیش اولان شعریلری بیر یئره ییغیب "سولطان ماحمود غزنوی نین ایمپیراطورلوغوندا اولان میللت لری وحدته و بیرلیگه چاغیرماسی"شاعیر فیردوسییه توصییه اولونوب.آنجاق حاضیرلادیغی "شاهنامه"ایله "فیردوسی وحدت و بیرلیک یئرینه میللی ایختیلاف لار و قومی کینه لر توره تمیشدیر." فیردوسی دیلسیز (عجم) فارسلاری یاشاتماق اوچون "باشدان -باشا بوینوزلو یالانلارلا دولو بیر چووال"یاراتدی فارس اولمویان لاری آشاغیلادیر.محض بونا گورادا فیردوسیع وعد ائدیلمیش انعام اوده نیلمدیر.

سونرالار فارسلار فیردوسی نین ماحمود غزنویه هجوه دایاناراق یالان ناغیللار اویدوروب یایدیریب لار.بو تاریخی اولایا آیدین لیق گتیرن تبریزلی علی فارسلارین آنا کیتابی سایلان "شاهنامه"حاقیندا فیکیرلرینی اوزتله یه رک یازیر کی1/ بو اثرده اساس موعضولار بالکان آلبانییاسی نین میللی داستانلاریندان گوتورولوب.2/ اونو بیر نیچه آدام اوزللیکله شاعیر اسدی یازیب 3/ فیردوسی یازیلمیش حازیر ایشلری دییشدیررک اونا عداوت قاتیب.4 / فیردوسی تایید ائدیب کی فارسلا همان دیلسیز عجم لر ایمیش لریکی او اونلاری دیریلدیب دیر (عجم زنده کردم).5/ او شاهی یئر اوزونون تانری سی و میللت لری اونون بنده سی ساییب دیر. تبریزلی علی نین بو اثرینده دیققتی چکن باشقا بیر اوزللیکده گونئیده ایلک دفه تورک چو تاریخ کونسئپ تینین یئر آلماسیدیز.

گوناز تی وی

H.K