کونقرئسمن دانا روهراباکئر: “قطع‌نامه لاییحه‌سی - بیرینجی آددیم‌دیر”

گوناذ تی‌وی: “ایران آذربایجان‌لی‌لارینین اؤز موقددراتینی تعیین ائتمه حوقوقونون تانینماسنا دایر نماینده‌لر پالاتاسینین خاریجی علاقه‌لر کومیته‌سینه تقدیم ائتدیییم قطعنامه لاییحه‌سی مقصده دوغرو بیرینجی آددیم‌دیر”، آمریکا کونقرئسسمنی دانا روهراباکئر جومه گونو موصاحیبه‌سینده بئله دئییب.

ه.جون.رئس.137قطع‌نامه لاییحه‌سی “آذربایجان و ایران آراسیندا بؤلونموش آذربایجان خالقینین اؤز موقددراتینی تعیین ائتمک، اؤلکه‌سینی سئچمک حقوقوندان” بحث ائدیر.“منیم اساس مقصدیم بو ایدئیانی بئین‌الخالق موذاکیره‌یه چیخارماقدیر. بیز اونو قانون حالینا سالما‌لی ایدیک کی، هم بیرلشمیش ایشتات‌لاردا، هم ده دونیانین باشقا یئرلرینده گئنیش دئبات مؤوضوسو آچا بیلک. .... نؤوبتی آددیم ایسه کونقرئسده قطعنامه لاییحه‌سی اوزرینده دینلمه‌یه نایل اولماق و قانون‌وئریجی مرحله‌لر اوزره ایره‌لیله‌مک‌دیر”، دئییب عینی زاماندا نماینده‌لر پالاتاسینین خاریجی مسئله‌لر و تحقیقات‌لار اوزره آلت کومیته‌سی‌نین صدری اولان کونقرئسمن روهراباکئر ژورنالیست الکبر رائوف‌اوغلو ایله صحبتینده.کالیفورنیا‌دان سئچیلمیش رئسپوبلیکا‌چی کونقرئسمن یول آییندا دؤولت کاتیبی هیلاری کلینتونا مکتوب یازا‌راق آذربایجان خالقینین، اؤز راضیلیغی اولما‌دان 1828-جی ایلده روسیه و فارس ایمپئریا‌لاری آراسیندا بؤلوندویونو بیلدیرمیشدی. دؤولت دئپارتامئنتی مکتوبدان آگاه اولدوغونون و اؤلکه‌لرین “اراضی بوتؤو‌لویونو دستکله‌دیینی” اعلان ائتمیشدی.رئفئرئندوم، میللی کیملیک، مدنی حاق‌لار...کونقرئسمن روهراباکئرین تعبیرینجه، اونون تشببوثو سرحد دَییشیک‌لیی‌نین دستکلنمه‌سی آنلامینا گلمه‌مه‌لی‌دیر. ساده‌جه، او حساب ائدیر کی، آذربایجانین ایران ایالت‌لرینده یاشایان آدام‌لارین آیریلماق ایسته‌دیینی بیلیب-بیلمه‌مک اوچون رئفئرئندوم کئچیریلمه‌لی‌دیر.“منیم مئساژیم اودور کی، آذربایجانلی‌لارلا دونیا‌داکی بوتون خالق‌لارلا کیمی ایله اولدوغو کیمی داورانیلما‌لی‌دیر. ایلک نؤوبه‌ده اونلارا اؤز گله‌جک‌لرینی موعینلشدیرمک حاقی وئریلمه‌لی‌دیر... من دئمیرم کی، بو گله‌جک کونکرئت هارادا اولما‌لی‌دیر، اما بیر شئیه امینم کی، او، موطلق سئچکی قوطولاریندا، اؤزو ده ساختالاشدیریلمامیش سئچکی‌نین نتیجه‌لری اساسیندا موعینلشمه‌لی‌دیر”، دئییب قانون‌وئریجی.اونون فیکرینجه، اساس مسئله “بو اینسان‌لارا میللی کیملیک‌لرینی، مدنی حاقلاینی موعینلشدیرمک ایمکانی وئرمک‌دیر”“آذربایجانلی‌لار سس وئرمک، سئچمک و گله‌جک‌لرینی هارادا - ایراندا، آذربایجان یوخسا تامامیله موستقیل بیر اؤلکه‌ده گؤردوک‌لرینی اؤزلری موعینلشدیرمک اقتداریندا اولما‌لی‌دیرلار. بو، اونلارین تمل حاق‌لاری‌دیر و دونیا‌داکی باشقا خالق‌لار کیمی، اونلارین دا بو بون‌دان بحره‌لنمک اؤز موقددراتینی تعیین ائتمک حقوقو وار”، علاوه ائدیب کونقرئسمن.او همچینین یادا سالیب کی، اساساً ائتنیک آذربایجانلی‌لارین یاشادیغی ایران ایالتلری شرقی و غربی آذربایجان آدلانیر. بونونلا دا تئهران حؤکومتی تصدیق ائدیر کی، آذربایجانلی‌لارین وطنی بؤلونوب...مقصد آددیم آتماق‌دیر“بو قانون لاییحه‌سی اصلینده کونکرئت بیر مقصده یؤنه‌لیب -- آددیم آتماق. کونقرئسده موذاکیره‌لرین نتیجه‌سیندن آسیلی اولمایا‌راق، بو بیر تاریخدیر و حاضیردا باش وئرنلر ده تاریخه یازیلیر”، دئییب کونقرئسمن..اونون تعبیرینجه، بئین‌الخالق ایجتیماعیت بو گونلر “ایران آذربایجان‌لی‌لارینین حاقلاری اوغروندا قیزغین موذاکیره‌نین ایشتیراکی اولوب، موناسیبتینی بیلدیره‌جک”.“بئله‌لیکله، حاضیردا بیز بیرینجی مرحله‌ده‌ییک - یعنی میللی و بئین‌الخالق موذاکیره‌لر... اساس سوال ایران آذربایجانلیلارینین اؤز موقددراتینی تعیین ائتمک حاق‌لارینی تانیماق‌دیر” وورغولاییب قانونوئریجی.آمریکانین سیاستیموصاحیبه بویو کونقرئسمن تشببوثونون تنقیدچی‌لرینه ده مئساژ عونوانلاییب. بئله کی، اونو “آذربایجان‌لی‌لارین مسئله‌سینی” قابارتماقلا آمریکا-ایران گرگین‌لییینی، آذربایجان‌لی‌لارین اؤزلرینی، ائله‌جه ده باکی-تئهران موناسبت‌لرینی ریسک قارشی‌سیندا قویماقدا اتهام ائدن‌لر وار.“بیرلشمیش ایشتات‌لارین تاریخی سیاستی خالق‌لارا تجاووزون و اونلارین حقوق‌لارینین پوزولماسینین قارشی‌سینین آلینماسیندان عیبارت اولوب”، یادا سالیب کونقرئسمئن.“منیم مئساژیم اودور کی، خالقا خاریجی مجبوریت اولما‌دان، صولح و باریش ایچینده یاشایان میللت‌لر بیرلیینده اؤز ایستاتوسونو سئچمک ایمکان‌لاری وئریلمه‌لی‌دیر”، دئیه او وورغولاییب.باکینین مؤوقئعی همچینین کونقرئسمندن قطعنامه لاییحه‌سینی اؤتن هفته ‌سونو باکی‌یا سفریندن درحال سونرا ایره‌لی سورمه‌سی‌نین سبب‌لرینی سوروشوب، بئله کی، آذربایجانین رسمی سیاستی سؤزو گئدن تشببوثو اینکار ائدیر.کونقرئسمئن باکیداکی احوال-روحیه ایله “یاخیندان ماراقلاندیغینی” دئییب.“باکی‌دا اینسان‌لارلا صؤحبت‌لریمیز اساسیندا آذربایجان خالقینین بو ایدئیایا موثبت یاناشدیغینین شاهیدی اولدوق. اونلار دا ایراندا آذربایجانلی‌لارین گله‌جه‌یی‌نین سئچکی ایله موعینلشمه‌سی‌نین واجیب‌لییی دوشونجه‌سیده‌دیر”، دئییب کونقرئسمئن دانا روهراباکئر.

م.ر