ميللي قهرمان چينگيز موصطافايئوين دوغوم گونودور گوناذ تي‌وي: او، 1960-جي ايل آوقوستون 29-دا حربچي عاييله‌سينده آنادان اولوب. بو گون آذربايجانين ميللي قهرماني، تئلئرئپورتيور چينگيز موصطافايئوين دوغوم گونودور. چينگيز فواد اوغلو موصطافايئو 1960-جي ايل آوقوستون 29-دا حربچي عاييله‌سينده آنادان اولوب.

1983-جو ايلده آذربايجان طيبب اينستيتوتونو بيتيريب. 1985-جي ايلده ياراتديغي "جنگي" بيرليگينده‌کي فعاليتي ايله آذربايجان گنجلرينين ليدئري سويييه‌سينه يوکسه‌ليب. بو سووئت ايتتيفاقيندا باشلانان يئنيلشمه پروسئسينين آذربايجاندا تشککول تاپان ايلک يئتکين تظاهورو ايدي. آذربايجانين مدني-ايجتيماعي حياتيندا اوينماغا باشلاديغي رول چينگيز موصطافايئوي ايصلاحاتچي-نوواتور ليدئر سيماسيندا تقديم ائتمکده ايدي. ائرمنيستانين آذربايجانا قارشي قاراباغ تجاووزو باشلاياندان سونرا چينگيز ژورناليستيکايا اوز توتدو. او 1991-جي ايلدن آذربايجان دؤولت تئلئويزيياسيندا رئپورتيور کيمي چاليشماقا باشلادي. آنجاق يالنيز آذربايجان ميقياسيندا فعاليت گؤسترمکله کيفايتلنمه‌دي. اونون رئپورتاژلاري اينفورماسييا بلوکاداسيندا اولان آذربايجان حاقيندا گئرچکليکلرين آمئريکا و آوروپانين آپاريجي تئلئ‌آگئنتليکلري و تئلئويزييالارينا يول تاپدي. دؤولت تئلئويزيياسيندا مؤوجود اولان سئنزورا و جيدي ياساقلار چينگيز موصطافايئوي گئنيش فعاليت ايمکانلاريندان محروم ائديردي. اونا گره ده چينگيز آلاهيدده اولاراق 215 کل ایستوديياسي کيمي موختار قورومون يارديلماسينين تشببوثکاري و ياراديجيسي اولدو. اونون رئپورتاژلاري بير قايدا اولاراق جبهه‌دن اولدوغونا گؤره 215 کل ایستوديياسيني دا تاماشاچيلار محض موحاريبه‌دن معلومات وئرن تئلئقوروم کيمي قبول ائديرديلر. چينگيز موصطافايئو ائرمنيستان-آذربايجان موحاريبه‌سينن 1992-جي ايله قدر اولان دؤورونون اصيل سالنامه‌سيني ياراتدي.

اؤلکه‌نين دؤيوش گئدن بوتون بؤلگه‌لريندن اوپئراتيو خبرلر، آيري-آيري عسکرلر حاقدا خوصوصي رئپورتاژلار و بوتون بونلارلا ياناشي آذربايجاندا گئدن سياسي پروسئس‌لر باره‌ده اطرافلي اينفورماسييالار اونون مؤليفليیي ايله پروريش تاپيردي. چينگيز موصطافايئو آذربايجان تاماشاچيسينا هر بير رئپورتاژي ايله تانيش اولسا دا، دونيا اونو داها چوخ خوجاليدا چکديگي فيلمله تانيدي. چينگيز موصطافايئوين محض بو فيلمي ايله ائرمنيستانين ايميجي بوتون دونيادا جيدي سارسينتييا معروض قالدي. او دؤيوش زونالارينا يالنيز رئپورتيور کيمي يوللانميردي. او جبهه ده بير عسکر، بير ظابيط و حتّي بير کوماندان کيمي چوخ وظیفه‌ني اؤز اوزرينه گؤتوروردو. لاچيندان چيخان عسکرلرله اونون گئري قاييتماق باره‌ده وئرديیي کسکين و قيسا گؤستريشلر، بو امرلرين يئرينه يئتيريلمه‌ديیي تقديرده چينگيزين ائموسيونال داورانيشي ان يئني تئلئ‌تاريخين ان دراماتيک صحيفه‌لريدير. و چينگيز موصطافايئو بير تئلئ‌ژورناليست اولاراق جبهه‌ده يارانديغي کيمي جبهه دده هلاک اولدو. 1992-جي ايلين اييون آيينين 15-ده آغدامين ناخچيوانيک کندينده چکيليش زاماني آلديغي مرمي قلپه‌سيندن هلاک اولان چينگيز سونادک کامئراني سؤندورمه‌دي. بو هم ده اونون اؤلندن سونرا دا ياشاغاجاغينا ايشاره ايدي. چينگيز موصطافايئو 1993-جي ايلدن آذربايجانين ميللي قهرمانيدير. 

م.ر