یونس آقایان: من ناراضي دئييلم. قوي، اعدام ائتسينلر 

اعدام ايجرا اولوناجاق، يوخسا لغو؟

يونس آقايانين 29 ياشي وار. او، 8 ايلدير ايراندا حبسخانادادير. حاقيندا اعدام حؤکمو چيخاريليب. ايندي اينتيظارلا تئهراندان خبر گؤزله‌يير. عالي محکمه همين حؤکمون ايجرا ائديلمه‌سي و يا لغوي ايله باغلي قرار وئرمه‌ليدير. گؤزلر تئهراندا اولدوغو بو گونلرده آتاسي اَيوب آقايانا زنگ ووردوم. دئدي کي، اعدام حؤکمو لغو اولونوب:

- عفو اولونوب.

- اؤزو بيليرمي؟

- بلي.

آما يونيس آقايانين قوهوملاريندان بيري دئدي کي، آتايا يانليش خبر وئريبلر. چونکي آلديقلاري معلوماتا گؤره، يونيسي اييونون 26-دا يئنيدن اطلاعات-آ چاغيريب دئييبلر کي، آدام اؤلدوردويونو يازيلي اعتيراف ائتسين و تؤوبه ائتسين. آما او، راضيلاشماييب، آدام اؤلدورمه‌ديگيني دئييب. عاييله ياخيني دئيير کي، يونس آقايانين قاتيل اولدوغونو ثوبوت ائدن دليل يوخدور. بونا گؤره ده اونو اعدام ائده بيلمزلر.

اهلي-حقي فرقلنديرن جهتلر...

يونس آقايان ايسلام دينينده علوي طريقتينه منسوب اولدوغو بيلديريلير. علويلر ايراندا ديني آزليقدير. ايراندا ديني چوخلوق شيعه‌لردير. علويليگين ميصيرده، عيراقدا، تورکييه‌ده و آوروپاداکي تورکلر آراسيندا داها گئنيش ياييلديغي بيلديريلير. علوي طريقتينين اساسيندا 4 قاپي و 40 مقام سيستئمي دورور. جمع حالدا توپلانان علويلر موسيقي آلتلرينين (خوصوصن ساز) موشاييعتي ايله «حلقه نامازي» دئييلن و اَييليب-دورمالارلا موشاييعت اولونان ناماز قيليرلار. علويلرده 7 ياساق موهوم اهميت کسب ائدير. بونلار اؤزونده-علويلر آراسيندا قارداشليق، زينادان قورونماق، غئيري-قانوني جينسي ياخينليقدان چکينمه و س. عمللري بيرلشديرير. اونلار اؤزلريني اهلي-حق آدلانديريرلار. علويلر محمد پئيغمبرين نوه‌سي علي نين يولونو داوام ائتديکلريني سؤيله‌ييرلر. بکتاشيليک و قيزيلباشلارين دا بو طريقتين 2 موهوم قوللاري اولدوغو سؤيله‌نير. اَيوب آغايان دئيير کي، اصلينده شيعه‌لرله اونلار آراسيندا جيدي فرق يوخدور. اونون دئمه‌سينه گؤره، جيدي بير فرق اوزون بيغ ساخلامالاريدير.

حوقوق مودافيعه چيسي ياشار حکاکپور ايسه دئيير کي، علويلر ايراندا تضييقلرله اوزلشيرلر. خوصوصن ده بيغ مسلسينه گؤره.

يونس آقايانين آدينين چکيلمه‌سيني ايستمه‌ين قوهومو دا بونو تصديقله‌يير. او دئيير:

​​

»ايراندا اهلي-حق عوضولرينه ايش وئرميرلر. نييه؟ چونکي بيغين وار. بعضيلري تسليم اولور، اعتيقاديندان دؤنور. علويلر ايراندا سيخينتيداديرلار. باشلاريندان وورولار کي، آللاهلا دوشمنسيز، سيزين عقيده نيز هئچ ندير.«

يونس آقايانين ياشاديغي اوچتپه کندي ده علوي کنديدير. دئييلنه گؤره، بير گون رسميلر اونلارا خبردارليق ائديبلر کي، «اوزون سيبيللريني»، يني بيغلاريني قيسالتسينلار. يونس آقايانين قوهومو دانيشير:

«اهلي-حقي سيبيلله (بيغلا – ش.ب.) تانيييرلار، بو، بيزيم دينيميزده‌دير، اعتيقاديميزدادير. بونا گؤره بيزي حدله‌ميشديلر.«

آتيشما

بيغلاريني قيسالتماق ايستمه‌يین علويلر رد جاوابي وئريبلر. اونون دئمه‌سينه گؤره، 2004-جو ايلده پوليسلر کنده باسقين ائديبلر. نتيجه‌ده آتيشما باشلاييب. هم کند ساکينلريندن، هم ده پوليس دن اؤلن اولوب.

بو حاديثه دن سونرا 5 نفر حبس ائديليب. اونلاردان بيري ده يونس آقايان دير. اونونلا حبس اولونان 5 نفردن بيري – مئهدي قاسيمزاده اعدام ائديليب. 3 نفرله باغلي اؤلوم حؤکمو ايسه سونرادان دييشديريليب، اونلارا 15 ايل ياريم جزا وئريليب. يونس آقايانين قوهوموندان رسمي ايتتيهامين نه اولدوغونو سوروشوروق:

«رسمي ايتتيهام دا بودور کي، اؤزلري گليب بيزي کندده ووروبلار، حمله ائديبلر. آنجاق دئييرلر کي، سيز نيظام جومهوري-ايسلام علئيهينه چيخميسيز، قييام ائتميسيز. آما قييامي اونلار ائديبلر. اونلار ائويميزين ايچينده بيزي سيلاحلا ووروب. 6 نفريميزي اؤلدوروب، 1 نفريميزي اعدام ائديبلر.

​​حوقوق مودافيعه چيسي ياشار حکاکپورون دئديگينه گؤره، ايراندا ديني آزادليقلارين اولماماسي بئله قارشيدورمالارا، اعداملارا سبب اولور:

»البته، ايران حؤکومتينين حاقي وار کي، مملکتين امنيتينين تامين ائتمک اوچون بعضي قانونلار قويسون. آما سؤزوموز بودور کي، اعدام حؤکمو اينسانليغا قارشيدير. آيريجا علويلرين ايراندا قانوني حاقلاري دا تانينماليدير. اؤز فيکيرلريني تبليغ ائتسينلر و باسقي اولماسين.«

يونس آقايان: «من ناراضي دئييلم، قوي، مني اؤلدورسونلر«

بو گونلرده يونس آقايان دوغمالارينا مکتوب گؤندريب. اوردا يازير:

»جاوانليغيمي اليمدن آليبلار، اهلي-حق اولدوغوما گؤره، حضرتي علي ني چوخ ايسته‌ديگيمه گؤره مني حبسده قوجالديبلار. من يولومدان دؤنمرم. من بو يولو دوز بيلميشم. بو يولا باش تاپشيرميشام. اؤز يولوما، پيريمه باش قويموشام و بو يولدان قاييتمارام. دوزدور، ائده بيلرديم. بو يولدان قاييتسايديم، اعدام حؤکمو لغو اولوناردي. آزاد ائدرديلر مني. آما ايمتيناع ائتمرم. بو عقيده منيم وارليغيمدير. بو يولدا بؤيوموشم، بو يولدا دا گئده جم. من حضرت علي يولو گئديرم و بيغ ساخلاييرام. بونا گؤره مني اؤلدورمک ايسته‌ييرلر؟ من ناراضي دئييلم، قوي، اؤلدورسونلر، قوي، اعدام ائتسينلر.«

يونس آقايان حبسه 22 ياشيندا گيريب، جمعي 7 آي ائولي اولوب. 8 ايلدير حبسده‌دير. حاقيندا 5 ايل حبس جزاسي و اعدام حؤکمو چيخاريليب. بو حؤکم لغو اولونا بيلرمي؟ ياشار حکاکپور دئيير کي، احتيمال آزدير. آنجاق اوميد سونونجو اؤلور...

b.o