اکبر بئی آزادین مناظره باره سینده آچیقلاماسی

آخرین خبرها

اکبر بئی آزادین مناظره باره سینده آچیقلاماسی

۱۴۰۰.۰۷.۲۸, ۰۷:۳۶

Gunaz.tv

گوناز تی وی: گونئی آذربایجانین تانینمیش میللی و مدنی فعالی اکبر بئی آزاد جنابلاری سایین حجت الاسلام عظیمی قدیم و سایین عباس بئی لسانی نین بیر آچیقلاما یایاراق مناظره لری ایله باغلی مقدماتین حاضیرلانماسی ایله باغلی یاردیم ائدجیینی بیلدیریب.

اکبر بئی آزادین آچیقلاماسی نین متنی آشاغیداکی کیمی تقدیم اولونور:

بؤیوک آللاهین آدییلا

مناظره باره سینده

گئچن سون گؤنلرده آذربایجان ملی فعاللاری آراسیندا مناظره(دئییشمه) قونوسو گونده مه گلمیشدیر. ایلک اولاراق جناب حجت الاسلام عبدالعزیز بی عظیمی قدیم مشروط بیر حالدا جناب عباس بی لسانی نی مناظره یه چاغیرمیشدیرلار!

عباس بی لسانی ده فاصله وئرمه دن بو چاغریشدان استقبال ائدیب، مناظره اوچون حاضرلیغینی بیلدیرمیشدیلر!

مناظزه :

ایکی شخص و یا ایکی جریان معین مسئله لرده اختلافا چاتاندا و بیر- بیرلرینه قارشی دوراندا، مسالمت یول ایله کوتله لر حضوروندا یارانان پروبلئملر باره ده اؤز دوشوندوکلرینی مستند اولاراق مطرح ائده رلر.

کوتله لرده بو دانیشیقلار اساسیندا اونلاری دیه رلندیره رلر. آیدین دیر مناطره دن اساس مقصد کوتله لره و عموم خلقه آییق لیق و بیلیک وئرمک دیر!

منجه حال حاضرده آذربایجان ملی حرکتی چرچیوه سینده بئله بیر مناظره لره احتیاج یوخ ایدی. اولا بیلردی دوستلار حضوری و خصوصی گؤروش و دانیشمالاردا آرالاریندا یارانمیش پروبلئملری چوزوب حل ائتسینلر!

مالأسف ایشلر باشقا بیر جهت ده ایره لی گئدیب و حال حاضرده مناظره نین قورولماسی، ضروری نظره گلیر!

بو نه دنه گؤره ده جناب عزیز بی پورولی اؤز ائوینی مناظره نین قورولماسی ایچین اختصاص وئرمه یه، حاضرلیغینی بیلدیرمیشدیر.

من ده اؤز نوبه م ده حاضرام اوتوردوغوم ائوی بو مناظره نین قورولماسینا اختصاص وئره م.

البته مناظره نین قورولماسیندان اؤنجه؛ جناب حجت الاسلام عبدالعزیز بی عظیمی قدیم و جناب عباس بی لسانی نین اؤزلری و یا نوماینده لری، مناظره نین نئجه قورولماسی باره ده مذاکره و توافق ائتمه لیدیرلر.

من بو بارده ده یعنی مناظره نین مقدماتی نین حاضرلانماسینا دا یاردیم ائتمه یه حاضرلیغیمی بیلدیریرم!

سایغی ایله اکبر آزاد

30 آذر 1396 هجری شمسی