آخرین خبرها

حاق آشیقی «دده خسته قاسیم» حاقیندا توپلانیش کئچیریله جک

۱۴۰۰.۰۷.۲۸, ۰۷:۳۶
حاق آشیقی «دده خسته قاسیم» حاقیندا توپلانیش کئچیریله جک

Gunaz.tv

گوناز تی‌ وی: «حاق آشیقی، دده خسته قاسیم» حاقیندا توپلانیش (همایش) کئچیریله جک. «عاشیقلار بیرلیگی» بیرلیکده سازلارین تورک تاریخینه کوکلیب و گله جک نسلیمیزین قولاغینا سسله یه جکلر.

 

گوناز تی وی نین معلوماتی نا گوره، «عاشیقلار بیرلیگی» تاریخین زیل بَمیمدن حاق و دوغرو سوزلری چیخاردیب و 1396.12.06 تاریخینده، ساعات 17، تهراندا، اشراق مدنیت اوجاغیندا (فرهنگسرا) «حاق آشیقی دده خسته قاسیم» حاقیندا توپلانیش (همایش) کئچیریله جک.

 

گونئی آزربایجانین آشیقلاری تورک تاریخیمیزی، غیرتلی قهرمانلاریمیزی، شاعیرلریمیزی، دوغرو و حقیقی سئوگیلریمیزی و شاهلارین حکومتینی بیر ناغیل کیمی نظمه چیخاردیب سینه به سینه سویله ییب، گله جک نسلیمیزه یئتیرللر.

 

بو پروقرامی کئچیریلن «اشراق مدنیت اوجاغی»، «ایران عاشیقلار بیرلیگی» و «آزربایجانین ادبیات و تاریخینین حاقیندا چالیشان، استاد آشیق سلجوق شهبازی» دیلار.

 

«دده خسته قاسیم» ین بیرده، آدی، سوزی، سازی و نغمه سی ایراندا یوخ بلکه دونیادا یایلاجاق. خسته قاسیم (1684-1760)؛ آذربایجانلی، افشار تورکلرینین ایمپیراتورلوق دؤنمینده یاشایان، عاریف، فیلسوف، اوزان، عالیم و شاعیری دیر. تیکمه داش شهرینده آنادان اوْلوب و همین یئرده ده دونیاسینی دییشدیریب دیر.

 

بۇ بویوک شاعیرین مقبره سی «تیکمه داش» شهرینده دیر. تیکمه داش دوغو آذربایجان بؤلگه سینین شهرلریندن بیری دیر. بۇ شهرین بستان‌آباد شهری ایله 16، تبریز ایله 61 و میانا ایله 91 کیلومتر آرالیغی وار دیر.

 

 

خسته قاسیمین شعرلری و آنجاق اونون ایلک شعر دیوانی 19-نجو عصرده، م. محمود بي اف طرفیندن یاییملانیب دیر. 1975-نجی ایلده، پروفسور سدنيك پاشايف، خسته قاسیمین بوتون و کامیل دیوانینی باکو دا یاییملاییب دیر.

 

ایراندا دا، محمدعلي نقابي 1373-نجو ایلده، تبریز شهرینده، خسته قاسیمین دیوانینی چاپا یئتیریب دیر. همین ایل ده، حسين سيامي تبریز شهرینده، خسته قاسیمین شعلرینی و حیاتی نین باره سینده آپاردیغی آراشدیرمالاری و سونوجلارینی یاییملاییب دیر.

 

گوناز تی‌ وی

R.F

 

 

 

اخبار منتخب