اوستاد حسن آذربایجانین توپراغا تاپشیریلما تؤره نینده، عباس لیسانینین اشاره ائتدیگی نکته لر

آخرین خبرها

اوستاد حسن آذربایجانین توپراغا تاپشیریلما تؤره نینده، عباس لیسانینین اشاره ائتدیگی نکته لر - علی خیرجو

۱۴۰۰.۰۷.۲۸, ۰۷:۳۶

Gunaz.tv

حسن آذربایجان ین توپراغا تاپشیریلما تؤره نینده عباس بی ین مینلرجه آذربایجانلی نین حضوروندا ائتدییی چیخیشدا نئچه اؤنملی و ائتگیلی نکته واردیر. داها کسگین و میللی اراده یه دایانان بیر دانیشیق.

منجه ۵ و داها آرتیق نکته لر وار بو دانیشیقدا:

۱- آذربایجان ین میللی حرکتی و میللتی دوزگون و صداقتله چالیشان میللی فعاللارینی هر زامان یاخجی تانیییب و اونلارا دیر وئریر.

۲- تبریزه حسن دمیرچی لر و ستارخان کیمی مبارزلر یاراشاری وورقولاماق، و تبریزین تبریزلیییندن سؤز آچماق، ایللر بویو آذربایجان ین شهرلری آراسیندا شهرچیلیگ یاراتماق پیلانینین یاندیریلماغینی وورقولاییر.

۳- آذربایجان میللتی اؤز یولونو تاپیب آیری جریانلارین اویونجاغی اولمایاجاغینی و میللی روحا یییه لندییینی وورقولاییر

۴- میللی حرکتده جسارت و اوستونلوک موضعیندن دانیشماغی و بو سؤزون عباس بی ین وریندن دئییلمه سی کی حسن آذربایجان تورک دونیاسینین فخر ائده جه یی بیر انساندیر. بو انسانین یئری قطعه هنرمندان یوخ بلکه مقبره الشعرادی. (بیر حالداکی شاید چوخلاری قطعه ی هنرمندان دا حسن آغانین تورپاغا تاپشیریلماسین بیر قازانج گؤروب و سس سیز بیر مراسیمین کئچیریلمه یینه راضیلاشا بیلردیلر)

۵- آذربایجان ین میللی حرکتی هئچ بیر زامان حکومتی عامیللره میدان وئرمییه جک تا حرکتین میللی مبارزلرینی و دیرلرینی اؤز چیخارلاری یولوندا خرج ائده لر. نئجه کی عباس بی گؤزه ل دئییر: " اونلارکی حسن آذربایجانا دوستاقدا ایشکنجه وئریردیلر بیلمه لییدیلر کی بو گونکو بو بویوک مراسیمی مدیریت ائده بیلمزلر . ً

و باشقا و کللی بیر نوکته بو دور کی؛ میللتین اراده سینین قارشیسیندا کیمسه دورا بیلمز، یئنه وورقولاندی؛

نئجه کی مراسیمین قورولماسینا قویولان شرطلردن بیری عباس بین اوردا مطلقا چیخیشینین اولماماغی ایدی آنجاق میللت شعار وئریب و لیسانی بیین دانیشماغین ایسته یینجه تمکین اولوندو.‌

علی خیرجو