گونازتی وی:دادگاه تجدید نظر "عباس لسانی" مبارز سرشناس آذربایجان که با صدور کیفر خواست "ناصر عتباتی" دادستان پیشین اردبیل و حکم بدوی شعبه ۱ دادگاه انقلاب اردبیل به ریاست قاضی خدادادی به ٨ سال حبس تعزیری محکوم شده است صبح امروز دوشنبه ۲۵ شهریور ۱۳۹٨ در شعبه ۱ این استان که ریاست آن نیز اخیرا به آقای عتباتی سپرده شده برگزار گردید.

در این جلسه ٤ ساعته که توسط دو مستشار این دادگاه " بلال مظفری " و "مرحمت شهباززاده" اداره میشد، آقای لسانی و وکیل ایشان " سید محمد رضا فقیهی " با ارائه دفاعیاتی به حکم صادره در شعبه یک دادگاه انقلاب اردبیل اعتراض کردند.

بنا به اظهارات مستشاران مذکور " سید عبدالله طباطبایی " دادستان جدید اردبیل نیز با شکایت بر علیه آقای لسانی و اعتراض به روند دادرسی قبلی، خواستار تجدید نظر در حکم صادره شده بدوی علیه آقای لسانی شده است.

حکمی که در آن این فعال ملی آذربایجان از اتهامات مطروحه و تفهیم شده در جریان پرونده تبرئه ولی با اتهام جدیدِ « تشکیل گروه به قصد برهم زدن امنیت کشور » که صرفا در دادنامه و بهانه صدور حکم لحاظ شده، مجرم تلقی گردیده است.

عباس لسانی در جلسه تجدید نظر امروز، خطاب به گردانندگان این دادگاه اعلام کرده؛
«دور باطل رسیدگی در این پرونده تاکنون، مو به مو از سناریویی بوده که بازجویان اداره اطلاعات در زمان بازجویی جزئیات آن را تشریح کرده‌اند.»
به آنها گفته‌ام به شما هم میگویم؛
«حکم هر چه باشد ؛ حتی حبس ابد و اعدام! ذره‌ای عقب نشینی نخواهم کرد.اگرتنها یک سلولِ زنده هم از بدنم باقی بماند آنهم در راه ملت و وطنم آذربایجان مبارزه خواهد کرد.»

آقای لسانی در انتهای این جلسه نامه‌‌‌ای سرگشاده‌ای به شرح زیر قرائت کرده است:
متن نامه:
‍ عدالت و صداقت واریزدیرسا و اؤزونوزو وئردیگینیز ایتهاملاردا و توتدوغونوز توتوملاردا حاقلی بیلیرسینیزسه؛ قاپیلاری آچین و محکمه‌نی علنی قورون کی میللت و بوتون دونیا اؤزو قضاوته دورسون.

آذربایجان میللی حرکتی گؤبه‌لک کیمی یئردن لاپدان پیرتلاییب چیخماییب. أن آزی بیر عصر تورک میللتینه یوکلنن ظولم‌لر، آیری سئچکیلیک‌لر، آلچالدیلمالار و بوتون ساحه‌لرده اؤزللیکله فرهنگی، اقتصادی و سیاسی ظلم‌لره قارشی، قایناییب و دوغولموش بیر حرکتدیر.

بئله‌لیکله هر بیر ساغلام آذربایجان تورکو، دیلینی-کیملیگینی و توپراغینی تاپتاق آلتیندا گؤرونجک نورمال تپکیسی اولاراق اؤز دوغال و ایلاهی حاقلارینی قوروماغی و بو یولدا أن یوموشاق، دموکراتیک و باریشجیل آددیملار آتماغی چوخدان باشلاییب دوام ائدیب ، ائده‌جک و هئچ بیر گۆج اونو دوردوروب، جایدیرا بیلمه‌یجک.

ایندی گلیب ساغلام، باریشجیل و آذربایجان میللتینین ایچیندن قایناییب چیخان فعال و مدنی چالیشقانلارا قارا یاخیب، أنگ ووروب و اورا-بورا باغلاماقلا، حاکمیت و بوتون مسئوللاری عدالته چاغیرانلاری دیفاع و ساوونما توتومونا و موضعینه چکه‌بیلمه‌یه‌جکسینیز و آذربایجان میللتینی اؤز حاقلی ایستگیندن گئری اوتوردا بیلمه‌یه‌جکسینیز.

بو میللت هر فورصتده او جۆمله‌دن بابک قالاسیندا، ۸۵ ین خرداد قیامیندا، فیتیله اعتراضلاریندا، ایدمان و ورزشی میدانلاردا چالیشیر سسینی دونیانین و خصوصن حاکمیتین قولاغینا چاتدیرسین تا بیلسینلر کی بو میللتین سسینی ائشیتمه‌سه‌لر، شووینیستی و نژادپرستانه متد و سیاست‌لرینی قیراغا قویماسالار و آذربایجان میللتینین قانونی و حاقلی ایستکلرینین قاباغیندا اگیلمه‌سه‌لر، شاققیلتیسی دونیانی بورویه‌جک سینماغا حاضیر اولمالیدیرلار.

سون سؤز بوکی بو ظالیمانه و آغیر حؤکملر، سیزین دوشوندوگونوزون ترسینه، نه تکجه میللی فعالاری و میللتی قورخودوب -سوسدورمایاجاق، بلکه اونلاردا اؤز حاقلی یوللاریندا بؤیوک و تایسیز بیر اؤزگوون و اینام یاراداجاق.

بو میللتین دوستاقلیقدا و اسارتده اولانلاری آذربایجان میللی حرکتینین آزادلیق تیکینتیسی‌نین و بیناسی‌نین سارسیلماز دیرکلری، گونئی آذربایجان بویدا بؤیوک بیر دوستاقلیقدا یاشایان و چالیشانلاری دا بو تیکینتینی ان گؤزل دوروشوقدا باشا چاتدیرماغا أللریندن و جانلاریندان گله‌نی اسیرگه‌مه‌یه‌جکلر.

بورادا اۆزومو توتورام اؤزموزدن گؤرونوب اؤزگه قوللوغوندا اولانلارا؛ او جۆمله‌دن اوزده و سؤزده میللتچی گؤرونن و میللی حرکته سیزان ساتقینلارا!
اونلارکی چالیشیرلار حرکتین گؤرونتوسونو اؤزللیکله مجازی فضادا بولانیقلی گؤستره‌رک بو یوللا میللت و آذربایجانا ضربه وورسونلار.

هابئله تورک آدی داشییان و میللی فعالارا پرونده دوزلدیب اؤز میللتلرینه قارشی دوران گیزلی و رسمی گوجلره و قضاوت یئرینده اوتوروب یالان، افترا و تهمتلری اساس توتاراق آغیر حؤکملر وئرنلرده اۆز توتورام!
سیز قضاوت ائدین و ظالمانه حؤکملرینیزی وئرین، آنجاق بونو بیلین و قوشقونوز اولماسین کی داورانیشلارینیزا و قضاوت‌لرینیزه تئز یا گئج اولو تانری‌نین ایذنی و گۆجوایله اولوس طرفیندن چوخ دقیق قضاوت‌لر اولونوب و حؤکم‌لر چیخاجاق.

" اینسانلار گئدر، آنجاق حقیقت و میللتلر قالارغیدیر.
بیزیمله یا بیزسیز آذربایجان آزاد اولاجاق".

یاشاسین عدالت
یاشاسین آزادلیق
یاشاسین آذربایجان.

بوتون اسارتده اولان میللتلره آزادلیق آرزیسی ایله

عابباس لیسانی

گونازتی وی
M.Y