معاصر چاغدا مشروطه ، خییابانی ، پیشه وری ، اللی یئدی ، خلق موسلمان و بو قیرخ نئچه ایلده اولان چوخلو آزادلیق اوغروندا اولان حرکاتلار بو یولدا و بو ایسته کلردن ساییلیر. آمما تاسفله بو چابالار و مینلرجه بو یولدا اولان شهیدلریمیز ، قاضی لریمیز ، دوستاقدا قالانلاریمیزین قارشیسیندا میلئتیمیز و وطنیمیز، ایستکلریمیزی معاصرلئشمه و انکشافی الده ائتمه ییب بئله کی اوزگورلوگوموز داهادا محدودلاشدیریلیب و میللی، مدنی، اقتصادی ، سیاسی و سوسیال حاقلاریمیز تاپدالانمیشدیر و تالانمیشدیر.

 

 بو حاقسیزلیق و ظولوم ائله بیر حدّه چاتیبدیر کی، چوخ ساده و گوندلیک معیشت و یاشاییشیمیزدان دا محروم قالمیشیق

 

 حتّا نئجه دانیشیب، نه گئییب و کیمی سئویب و کیمین یانیندا اولماغیمیز دا  باسقی  آلتیندا قالمیشدیر.

 

آما بیزه، یعنی آزربایجان تورک میللتینه یاراشان بدور کی، هر زامان اولدوغو کیمی وطنیمیزین شانلی شرفلی آسئنالاریندان، قوجامان آتالاری اوغوزخاندان و آنامیز تومروسدان الهام آلاراق قیزل آلما اوغروندا داها گوجلو و داها عظمتلی یئنی بیر تاریخ یاراتماغا و یازماغا آیاغا قالخاجاق.

 

بیز ایچه ریده چالیشان ملی _ مدنی فعاللار اولاراق مبارزه میدانلاریندا قازاندیقلاریمیزی، میز باشیندا اوتوزماماق اوچون بیر داها میدانلار عرصه سینده باشقا میللتلرین طبیعی حاقلارینا توخونمادان میللتیمیزی عملده فرقلی، مستقل و اوزل تاکتیکلر سرگیله مه یه، تطبیق ائتمه یه و اویقولاماغا دعوت ائدیب و بونون اوچون بئله بیر بیلدیرینی ایران آدلانان جوغرافیانین ایچه رسینده و خارجده یاشایان میللی تورک چالیشقانلاریمیزا و باشقا میللتلره و فعاللارینا و دونیا میللتلرینه و دولتلرینه و مئدیاسینا چاتدیرماق ایسته ییریک:

 

1-  سویداشلاریمیز  تظاهراتلاردا، یالنیز تورک دیلینده و میللتیمیزین و وطنیمیزین اساس ایسته کلرینی سَسلندیرسینلر.

 

2- واحد ایسته کلری سَسلندیرمک اوچون ایندیلیک بو شعارلاری میللی بیرایسته ک کیمی اونه ریریک:

* آزادلیق، عدالت، میللی حکومت

*آذربایجان اویاقدی  قادینلارا دایاقدی

*نه شاهچییام، نه شیخچی

میللتچییم میلتچی

 *آذربایجان اوز یولونو تاپیبدی

ولایتی، سلطنتی آتیپدی

 *قادینکیشی ال اله

ظولمون باشین ازمه یه

 *قیزیلدان اولسا قفسیم

آزادلیغا وار هوسیم

* بیز اولمگه حاضیریق

 بابکین سربازیی یق

 * و . . .

 

3- بیز آذربایجان تورکلری اولاراق هئچ میللتین علیهینه دئییلیک، آزادلیق اوغروندا اولان چالیشمالارین یانینداییق آمما وطنیمیزین تورپاقلارینا و میللتیمیزین امنیت و آزادلیغینا سالدیرانلارا قارشی دوراجاییق و بونلار آذربایجان میللی حرکتی نین قیرمزی چیزگیلری دیر. فیکیرده یا عملده بو چیزگیلری گورمزدن آیاقلایانلارا جدی شکیلده قارشی دایاناجاییق.

 

4- بیز بولگه میزده بوتون وارلیقلارین او جمله دن :

 * مئشه، اورمان و آغاجلارین، دولت، بلدیه و شخصی بنالارین و ایش یئرلرینین و بوتون آراجلارین قورونماسینا تاکید ائدیریک.

* انسانلارین دوشونجه،  اینانج و اینام  آزادلیغینا، خصوصیله قادینلار و اوشاقلارین طبیعی و مدنی حاقلارینین قورونماسینا تاکید ائدیریک

 

5- انسان حاقلاری اوغروندا مدافعه حاقی اولاراخ هر فرد یا هر شئیی کئی میداندا اولان میللی_مدنی فعال ایگیدلریمیزه قارشی دوران و اونلارا سالدیران قوه لر و  اورقانلار دوردورولمالیدیر .

 

6-آذربایجان تورک میللتی نین آزادلیق و عدالت اوغروندا آپاردیغی مبارزه، اوزل بیر مبارزه دیر و آذربایجانلی اولمایان جریانلار اونو مصادره ائدیب منیمسه یه بیلمز!

 

7- عزیز سویداشلاریمیز تمام شهرلریمیزده عمومی اعتراضلارلا یاناشی، یئری گلدیکده امنیتی شرطلری لحاظ ائده رک محله محور مبارزه لر ی ده اونوتماسینلار!

 

8- خارجده یاشایان سویداشلاریمیزی دونیانین هر یئرینده اولورلار اولسونلار، ایچه ریده جریاندا اولان آذربایجان تورکلرینین آزادلیق اوغروندا آپاردیقلاری مبارزه نی و ایراندا یاشایان سایر  تورکلری مبارزه لرینی  دونیا میللتلرینه و دولتلرینه و مئدیاسینا تانیتدیرماق اوچون و بو مبارزه لرین سَسی نی دونیایا چاتدیرماق اوچون جدیتله چالیش سینلار!

 

بو چتین گونلرده بوتون دَیَرلی فعالاریمیزی و سویداشلاریمیزی داها آرتیق بیرلیک و بیرلشمه یه چاغیریریق!

 

تانری تورکو و اونون تورپاقلارینی، قوروسون !

ایچریده چالیشان آذربایجان میللی فعاللاری

 

گوناز تی وی

E