بیر قوروپ "اورمو میللی فعاللاری" و اونیوئرسیته لرینین تبریزده کی توتوقلامالارلا باغلی بیانیه سی

ایران حوکومتی قوشقوسوز 33 ایللیک عؤمرونون ان حساس دؤنمینی یاشاماقدادیر،ایقتیصادی کیریز،مرکزده کی قودرت پایلاشیم ساواشی، اولوسلارآراسی ایلیشگیلر کیریزی، آردی آردینا گلن یاپتیریملار،هسته ای سورون و ائتنیکسل سورونلار، ایسلامی رئژیمی چیخماز بیر نوقطه یه سوروکله مکده دیر.

ایرا ن گئنلینده ائتنیکسل(قومي) و کیملیک آختارما حرکتلری گوجلو بیر دَییشیم پوتانسیلی داشییاراق اوزون سوره ده رئژیمین اساسی چلیشگی لریندن بیری اولماقلا یانی سیرا رئژیمین بو تور حرکتلرله ایلگیلی یاخلاشیم و تئپکی لری ، ترسه ائتکی یاراتاراق دوستاقداکی میللتلری حاقلارینا قوووشما ائیلمینده بیر کاتالیزاتور کیمی ائتکیسینی گوسته ریر.

شوبهه  سیز ایرانداکی میللی حرکتلیرن اَن اونده گئدنی و قدر بلیرجیسی(سرنوشت ساز) گونئی آذربایجان تورکچولوک حرکتیدیر. سون ایللرده گونئی آذربایجان میللی حرکتی اوتوز میلیوندان چوخ اینسانی گوجه آرخانالاراق گئده رک گوجلو بیر اوپوزوسیون قونومونو الده ائدرک یئنی بیر گوج  دئنگلمی(معادله) یاراداراق ایراندا و اورتادوغودا بوتون سیاسال دئنگلملری آلت اوست ائله ییبدیر.88 ده جومهور باشقانی سئچیم اولایلاریندا تاریخی توتومو، تیراختور تاخیمینین اویونلاری و اورموگولو اولایلاری، بونون اساس قانیتلارینداندیر.

حوکومتلرین موخالیف گوجلره توتوم و یاناشما سیاستلرینین اساس اؤلچوتلری، موخالیفلرین گوج اورانی و اوزون سورجده کی دَییشیم پوتانسیلی داشیما اولاناغیدیر؛ سون ایللرده ایرانداکی باشقا اوپوزوسیونلارین مرکزی حوکومتدن دویدوقلاری تپکی لری گوز اونونه آلارساق،گونئی آذربایجان میللی حرکتی داها آرتیق سرت تپکی گوروب،اوزللیکله سون ایکی-اوچ ایلده میللی فعاللاریمیزین توتقلانما اورانی هاردایسا ایران دوزئیینده باشقا اوپوزوسینلارین توپلام توتوقلانمالاریندان چوخدور؛ بودا رئژیمین ایران تورکوندن دویدوغو قوروخونون گرچک بویوتلارین گوستریر.

میللی حرکتین سون اون ایل گلیشمه سوره جین نظرده آلساق رئژیمین  بو تور تپکیلری هپ ترسه سونوج وئریب، بئله کی یاخالانمالار فعاللاری قورخوتماییب داها چوخ جیسارتلنمه سی ایله یانی سیرا میللی حرکته دینامیزم قازاندیریب، حرکتین خبری بایکوتون سیندیراراق دونیا دوزه یینده رئکلامچی سی اولوبدور.

بیز، بیر قوروپ اورمو فعاللاری رئژیمین قورخو یاراتماق آماجلی  توتوقلانمالارینی قینایاراق، دوستاقداکی فیکیرداشلاریمیزین(سايين ايبراهيم ساوالان، روزبه سعادتي، مهرداد کرمي، محمد احدي، افشين شهبازي) اولکولری اوغروندا، تومچابالارمیزلا، گوجوموزله، ییلمادان، قورخمادان، سارسیلمادان، اسکیدن ده داها ایناملی،ایشیقلی و آیدین صاباحلارا دوغرو یوروشوموزو، سارسیلمادان سوردوره جه ییک و آرتيرماليیيق  فيکيرداشلاريميزين قئيدسيز شرطسيز بوراخيلمالارين ايسته ييريک.

اورمو میللی فعاللاری، اورمو بیلیم یوردو اؤیرنجیلری، اورمو آزاد بیلیم یوردو اؤیرنجیلری،

قاضی طباطبایی بیلیم یوردو ا‍‍‍ؤیرنجیلری، صبا غیرانتفاعی بیلیم یوردو اؤیرنجیلری،اورمو پیام نور بیلیم یوردو اؤیرنجیلری و اورمو صنعتی بیلیم یوردو اؤیرنجیلری طریندن.

گلجک بیزیمدیر.