خدیجه ایسماییلووا ایرانین کئچمیش پرئزیدئنتی محمد خاتمی‌نین و دیگر اصلاحات‌چی دینی لیدئرلرین آذربایجان‌لی‌لار حاقیندا لطیفه دانیشیب گولمه‌سینی گؤسترن ویدئو مای آییندا اونسوز دا تلاطوم‌لو اولان ایران آذربایجانیندا حیسس‌لری بیر قدر ده گریب. آنیم مراسیمی اعتراض آکسیاسینا چئویریلیب مایین 25-ده سولدوز (نقدئه) شهرینده 2006-جی ایلین ماییندا بو شهرده کئچیریلن کاریکاتورایا اعتراض میتینق‌لری زامانی اولن 4 نفرین آنما مراسیمی ده اصلاحات‌چی لیدئرلرین یومور حیسسینه اعتراض نیطق‌لری ایله باشا چاتیب. یئرلی قبیریستان‌لیقدا موختلیف شهرلردن گلمیش یوزلرله آدامین توپلاشدیغی مراسیمده تورک‌لرین تحقیر اولونماسینا اعتراض ائدرکن حیاتینی ایتیرن‌لرین خاطره‌سینه دعا‌لار اوخونوب، آذربایجان حاقیندا شئعرلر دئییلیب، نیطق‌لر سؤیلنیب. چیخیش‌چی‌لاردان بیری خاتمی‌نین اوزر ایستیجیینی دئییب. خاتمی‌نین ویدئوسو محکمه‌یه آپاریلا‌جاق رشت شهرینده ایسه خاتمی‌نین لطیفه‌سی مایین 26-دا کئچیریله‌جک محکمه‌ده اشیایی-دلیل قیسمینده تقدیم اولونا‌جاق. مایین 26-دا رشت اینقیلاب محکمه‌سینده ایراندا آذربایجان‌لی‌لارین میللی حقوق‌لاری اوغروندا فعال‌لاردان بیری ودود اسدی یه وئریلمیش بیر ایللیک حبس قرارین‌دان آپئللیاسیا باخیشی کئچیریله‌جک. میللی فعالین 400 صحیفه‌لیک ایتتیهامنامه‌سینده اونون نیظام علئیهینه تبلیغات آپاردیغی دئییلیر. یالنیز آنا دیلینده تحصیل کیمی مدنی حاق‌لارینی طلب ائتدیگی اوچون محکمه‌یه دوشدوگونو دئین ودود اسدی ایسه دئییر کی، او نیظامین یوخ، بئله گؤرونور، نیظام اونون و اونون کیمی ایراندا یاشایان میلیون‌لارلا تورکون علئیهینه‌دیر. اسدی دئییر کی، صاباه محکمه‌یه پرئزیدئنت خاتمی‌نین ویدئوسونو اؤزو ایله آپارا‌جاق. دئییر کی، اونون نیظام علئیهینه تبلیغات کیمی قلمه وئریلن دیسکریمیناسیا باره‌ده شیکایت‌لری‌نین ثبوت‌لارین‌دان بیری ده بودور. اگر آپئللیاسیا محکمه‌سینی دلیل راضی سالماسا، ودود اسدی بیر ایل حبسده اولا‌جاق. اما بو، اونو او قدر ده ناراحات ائلمیر. اسدی‌نین سؤزلرینه گؤره، دیگر دینی لیدئرلرین هئچ بیر رئاکسیا وئرممه‌سی، خاتمی‌نین زارافات‌لارینی پیسلممه‌سی موسلمان قارداش‌لیغی حاقدا دانیشیلان‌لارین دوغرولوغونا شوبهه اویا‌دیر. موسوی تورک‌لردن سس ایستییرسه… بو گون خاتمییه اعتراض آکسیاسی کئچیرن زنگان‌لی طلبه‌لرسه اومیدلی‌دیرلر کی، ایرانین کئچمیش پرئزیدئنتی آذربایجان‌لی‌لاردان اوزر ایسته‌یه‌جک. زنگان اونیوئرسیتئتی‌نین طلبه‌سی سجاد زینا‌لی دئییر کی، اعتراض ائدن 50-100 آراسی طلبه‌نین ایراندا پرئزیدئنت سئچکی‌لری‌نین نتیجه‌سینه تأثیر ائتمک نیتی یوخ‌دور. خاتمی‌نین ویدئوسونون و بون‌دان دوغان اعتراضلارین حاضیرکی پرئزیدئنت احمدی نژادا خال قازاندیراجاغی، اصلاحات‌چی نامیزد موسوی‌نین شانس‌لارینی آزالداجاغی باره‌ده صحبت‌لره گلینجه، بو دا اعتراض ائدن طلبه‌لرین ایستیی دئییل. ودود اسدی ایسه دئییر کی، ایراندا یاشایان تورک‌لر عنعنوی اولا‌راق تورک اصیل‌لی نامیزدلره اوستونلوک وئریر کی، موسوی ده بئله‌لرین‌دن‌دیر. اما فعالین سؤزلرینه گؤره، موسوی تورک‌لره قارشی حقارتی پیسلمه‌سه، چتین کی، آذربایجان‌لی‌لارین قلبینی و آغلینی فتح ائده بیلر. مایین 25-ی آخشام موسوی‌نین تبریزه سفری باشلاما‌لی‌دیر.