اگر اینسان یئر اوزونه گلدیکدن سونرا، اونجه کی دورومدا قالسایدی بو چاغدا تاریخ آدلی اولایلار یازیلمازدی. آذربایجانین میللی قهرمانی اولان اولو بابک اوز دئورینده چالیشدیغی۲۰ایلدن اوته تکجه آذربایجان توپراغین دوشونوردی و ان سون بو یولدا شهید اولدو. آنجاق هئچ یولوندان دونمه دن، و یا سید جعفر پیشه وری، تکجه آذربایجان توپراقی و میللتی نین اوزگورجه سینه یاشاماق و یئر اوزونده ان یوکسک سویه ده اولماق لارینی ایسته ییب و بو یولدا چالیشدی. ایندیسه نه اولور کی بیر سیرا دوستلاریمیز بونلاری بیله رک، اکبر اعلمی نی بیر میللی قهرمان کیمی یوکسه لدیب و نه تکجه میللی قهرمانلاریمیزا بویوک اهانت ائدیب بلکه اوز توپراقلارینی و میللت لرینی بئله نچی بیر آداما ساتیرلار؟ ایللر بویودی جمهوری اسلامی! رژیمی اوز منافعلرین، ایستکلرین و فاشیستی ایشلرینی ایره لی آپارماق اوچون اسلامدان ایستفاده ائدیر. آقای اعلمی، گئچمیشیزده او ایشلر کی بو رژیمده اولان شیطانلارا گوروبسوز، نئجه اوتانمادان آذربایجان آدینی دیلیزه گتیریرسیز و بویوک آذربایجانیمیزین منافع لریندن دانیشیرسیز؟ سیزین تکجه دوغوموز آذربایجان دا اولوب سونرا اوز یازدیقینیزا آرخالاناراق تهرانا کوچوبسوز، ۲۷ یاشینیزدا۱۳۶۰اینجی ایلده بیر تهرانلی خانیملا ائوله نیب و نکاح خطبه نیزی کیم اوخویوب؟ خمینی!!! اما سیزین انقلابدان سونرا آذربایجان اومروندا اولماماغیز وبو نظام با اصطلاح جمهوری اسلامی! یه بیر وفادار عسگر کیمین چالشدیغیز هر کسه بللیدیر. سیزین۲۰ده ن آرتیق ایشلریزدن بیر نئچه سین آد آپاریب و قضاوتی میللته تاپشیریریق: ۱- واحد سیاسی، فرهنگی سپاهین مسئولی ۲- ۸ ایل کمیسیون امنیت ملی کشور وسیاست خارجه عضو ارشدی ۳- اداره کل بازرسی و وزارت کشورین معاونی ۴- اداره کل امور انتظامی و وزارت کشورین معاونی ۵- حفاظت فرودگاه تهرانین مسئولی و بیر نئچه ایشلر داها… ایندیسه پریزیدنت سئچگیلری، هامی بیلیر سیز بو نظاما عایید بیری سیز واگر بیر خیریزاولموشسادا، ایرانا اولوب واولاجاق نه آذربایجانا. آذربایجان منافعینه چالیشماقا سوز ده وئرسز، اینانمالی دئییل چونکو سیز آذربایجان وارلیغینا اینانماییب و اینانماسیز. اوزوز قضاوت ائدین، بونجا ایشلریزدن سونرا آذربایجان خالقی سیزین سوزلریزه اینانیب و آرخا دورار؟ یازمیسیز:(بویوک کیشیلرین فرقی کیچیک کیشیلرله بودور کی کیچیک کیشیلر اوزلرینی مظلوم گوستررلر وبویوک کیشیلر ظالیم لرین قارشیسیندا دوروب و مظلوم حاقینی آلارلار) بئله دوشونورسوز کی سیز او بویوک کیشی سیز کی مظلوم آذربایجانین حاققین آلاجاقسیز؟سیزجه بونا کیم اینانار؟ آذربایجان میلتی و میللی حرکتده اولان دوستلاریمیزی اوقدر ساده بیلمه یین کی بو سوزلره اینانسینلار. چارلزرابرت داروینین علمی وتجروبی اثباتینا گوره یئر اوزونده هئچ کیمسه نین گوردوگو ایشلر نده ن سیز دئییل وآقای اعلمی سیزین ده بو سئچگیلرده قاتیلماغیزین نده نی بللی دیر، اودا آذربایجانی گئنه ده ابزار ائده رک ایرانین شونیستی سیاستلرین وخیانتلرین و تورک خالقین کیچیک سه مه له رین دستک له مکدیر. ائل اوزو یاخشینی پیسدن سئچه جک ائلینه باغلی اولان یوکسه له جک