کیم محاربه ایستییر؟-سادت جاهانگیر اخبار آذربايجان, مقالات و مصاحبه ها نظر دهید | چاپ اين مطلب آزاد تبریز- رئژیسسور ضیا شیخلینسکی‌نین “روس‌لار محاربه ایستییرمی؟” آدلی قیسامئتراژلی بیر سندلی فیلمی وار. ۱۹۹۰-جی ایلده چکیلیب. فیلمین سسئناری‌سینی گؤزل تاپینتی سایماق اولار. روس حربی خورو اوخویور -“خوتیات لی روسسکیه، خوتیات لی روسسکیه ووینا؟”، آردینجا ائکرانا سووئت قوشون‌لارینین ایشغال منزره‌لری گلیر. بوداپئشت-۱۹۵۶-جی ایل، پراقا-۱۹۶۸-جی ایل، افقانیستان-۱۹۷۹-۱۹۸۹-جو ایللر، آلما-آتا-۱۹۸۶-جی ایل، تبی‌لی‌سی-۱۹۸۹-جو ایل، باکی-۱۹۹۰-جی ایل. اینانیرام کی، مالیه ایمکان‌لاری یول وئرسیدی، ضیا معلم تاریخی بیر خیلی گئری‌دن و داها احاطه‌لی گؤتورردی. بلکه ده، قیسامئتراژلی فیلم یوخ، سئریال چکردی- بؤیوک پیوترون حاکمیته گلن کیمی تورکییه‌یه قارشی محاربه‌یه باشلاماسین‌دان، ۱۶۹۵-۱۶۹۶-جی ایللرده قارا د¬نیز و بالتیک لیمان‌لاری اوغروندا موباریزه‌سین‌دن، آزوو لیمانینی اله کئچیرمه‌سین‌دن، سونرا ایسوئچه محاربه اعلان ائتمه‌سین‌دن… پیوتر چوخ‌دان اؤلوب، اونون روس‌لاری دونیایا حؤکم ائتمه‌یه چاغیران مشهور “وصیت‌لری” ده آکتوال‌لیغینی ایتیریب- بؤیوک آرزولارین‌دان بیری اولان ایستانبولا ییه‌لنمک ایستیی ده. اما ۴ عصر سونرا روسیانین سیاستینده دییشمز قالان بیر شئی وار-ایشغال‌چی‌لیق و ایمپئریا احوال-روحیه‌سی. دوشونورم کی، بو ایمپئریا‌پرست سیاست تکجه بیزیم، گورجولرین، چئخ‌لرین، ماجارلارین، چئچئن‌لرین، افقان‌لارین، قازاخ‌لارین دئییل، هم ده او اؤلکه‌نین اؤز اینسان‌لارینین فاجعه‌سی اوزرینده قورولوب. روس خالقینین تاریخینده هر کسین سئوگیله خاطیرلایا بیلجیی بؤیوک شخصیت‌لر بئله زامان-زامان بو سیاستین عذابینی چکیب‌لر. روس شعری‌نین گؤزل اینجی‌لرینی یاراتمیش، بولشئویک ایدئولوگیاسینین بورژوازیا شاعری دامغاسییلا قارالادیغی آننا آخماتووا کیمی مغرور بیر شخصیتی نیه مجبور ائتدی‌لر بیلیرسینیز… بوتون قلبیله ایستالین رئژیمینه نیفرت ائدن بو شاعر سوندا اونو وسف ائدن شعرلر یازماق زوروندا قالدی. اما او، بون‌لاری ایکینجی دونیا محاربه‌سینده جبهه‌ده اولان اوغلونون (لئو قومیلیوو) خلاصی اوچون ائتمیشدی. آخماتووانین گوناهی نه ایدی، نه نه‌سی‌نین تورک اولدوغونو اعتراف ائتمه‌سی و اونون سوی آدینی داشیماسیمی؟ کئچمیش‌دن اوزو بری نظر سالسانیز، بو نهنگ اؤلکه‌نین تاریخینده هئچ واخت دئموکراتیک دیرلرین تام برقرار اولدوغو بیر زامان کسیگی نه راست گله بیلمزسینیز. بو ماهیتی ایله او اطرافین‌داکی‌لارا، قونشولارینا، قارشی‌سینا چیخان‌لارا دا مانع اولور، آزادلیق ایدئیا‌لارینین اؤنونو کسیر، میللت‌لره قان قوسدورور. اما بو زوراکی، ایمپئریا‌پرست روحو ایله او اؤز خالقینی دا خوشبخت اولماغا قویمور. بونو سون ایللر اؤلکه‌نین یوکسک سویه‌ده کریمیناللاشان مرکزی شهرلری‌نین تیمثالیندا دا موشاهیده ائتمک مومکون‌دور. هر ایل اؤلکه رهبرلیگی‌نین اوغورسوز سیاستینه قارشی چیخان نئچه نئچه اینسان ائوی‌نین کانداریندا، کوچه‌ده، ایش یولوندا وحشیجه‌سینه قتله یئتیریلیر. اؤز هموطن‌لری‌نین دئموکراتیک بیر جمعیتده یاشاماسینی آرزولایان، دیکتات ایداره‌چی‌لیک سیستئمی ایله بونو اینسان‌لارا حرام ائدن پرئزیدئنت پوتینی ان سرت شکیلده تنقید ائدن باشقا بیر آننا دا بو جزا‌سیز جینایتکارلیغین قوربانی اولموشدو. اونو پوتین ین آد گونونده اؤز ائوی‌نین قارشی‌سیندا گولللمیشدی‌لر… دیکتاتورا‌لارین، ایمپئریاچیلیغین، زوراکیلیغین و ایفراط شووینیزمین سونو یوخ‌دور. بونو یاخین تاریخده هم بؤیوک بیر دونیا محاربه‌سین‌دن نصیب ینی آلمیش، هم ده ۷۰ ایللیک ایمپئریاسی سوقوطا اوغرامیش بیر اؤلکه اولا‌راق روسیا هامی‌دان گؤزل باشا دوشمه‌لی‌دیر… http://www.azadliqciragi.org/node/64