‘Eşqimiz öz dilimiz’ deyən Təbriz cümə imamının məqsədi nədir? - Müsahibə

15.08.2018, 17:35

GünAz TV: Güney Azərbaycanda türk dil haqları müdafiəçilərinin bir çoxu nəzarət altına alınıb və bəzən ağır həbs cəzalarına məhkum edilərkən, bəzi siyasətçilər də ana dilinin tədrisinə dair vədlər verib və hətta türk dilini sevdiklərini bəyan edirlər. Siyasi ekspert Kərim Əsgəri “Amerikanın Səsi”nə müsahibədə bu ziddiyyətli vəziyyətlə əlaqədar öz şərhlərini paylaşıb.

 

Kərim Əsgəri siyasətçilər və din xadimlərinin türkcə və türkcənin tədrisinə dair göstərdikləri diqqətin həm müxtəlif qrupların arasındakı siyasi rəqabətlə, həm də İslam Respublikasının yaşadığı böhranlarla əlaqədar olduğunu önə çəkir.

 

Keçən həftələrdə İran təhsil naziri bəzi bölgələrdə müəllimlərin sinifdə ‘yerli dillərdə’ danışmasını təhlükəli hesab edib və fars dilini İranın birlik rəmzi olaraq qiymətləndirmişdi.

 

Nazirin ifadələrinə qeyri-fars bölgələrdən sərt təpkilər gəldi.

 

Təpki göstərənlərin biri Təbrizin yeni cümə imamı və ali ruhani liderin Şərqi Azərbaycan vilayətindəki təmsilçisi Seyyid Məhəmmədəli Ali-Haşim idi. Onun “eşqimiz öz dilimiz” ifadəsi daha sonra yüzlər sosial media istifadəçisinin paylaşımlarına hashtag oldu.

 

Ali-Haşim və digər mühafizəkar siyasətçilərin təpkilərini dəyərləndirən Kərim Əsgəri deyir, “məncə, bu etirazların bir səbəbi İranın yaşadığı siyasi böhranlar və problemlərə dayanır. İkincisi də bu ki, hər nə olur olsun, bu məsullar özləri də türkdür. Nazirin bu ifadələri istər-istəməz onlar üçün də təhqir sayılır.”

 

O həmçinin mühafizəkar və islahatçı/mötədil qruplar arasında siyasi rəqabəti də bu təpkilərin arxa planında olan önəmli bir parametr kimi hesab edir:

“Təbrizin cümə imamı ya mühafizəkar millət vəkilləri bu etirazları ilə mütləq siyasi hədəflər də güdürlər. Gələcək seçkilərdə deyəcəklər ki, bəli, biz bu təhqirlərə etiraz etdik... Həsən Ruhani də prezident seçkilərinin hər iki dövründə, Azərbaycana gedəndə, türkcənin tədris olunacağına dair vəd verdi və dedi ki, türklərin bundan sonra bu mövzu ilə bağlı problemləri qalmayacaq. Amma əməldə heç bir müsbət addım atılmadı və hətta dediklərinin əksini etdilər.”

 

Seyyid Məhəmmədəli Ali-Haşim 2017-ci ilin may ayında Mühsin Müctəhid Şəbistərinin yerinə Təbrizin cümə imamı və İslam Respublikasının rəhbəri Seyyid Əli Xameneyinin Şərqi Azərbaycan vilayətindəki nümayəndəsi təyin olunub.

 

Keçən bir ilin ərzində Ali-Haşim Təbriz qəzetlərində “əhalinin sevdiyi cümə imamı” kimi təqdim olunur.

 

Kərim Əsgərinin dediklərinə görə, Ali-Haşim sabiq cümə Müctəhid Şəbistəriyə görə, özünü daha çox əhaliyə sevdirməyə çalışır:

“Cənab Ali-Haşim misal üçün çörək növbəsinə durur və çörəyini alır. Ya avtobusa minir və biletini verir. Dağa gedir. İstəyir ki, özünü xalqdan biri kimi göstərsin. Bunlar [mediada] yayımlanır... Fikrimcə, İran rəsmiləri də çalışırlar ki, Ali-Haşimin ağzından bəzi sözlər deyilsin.”

 

Siyasi şərhçi əlavə edir ki, “keçən dekabr və yanvar ayından bəri İranda etiraz aksiyaları var. Sabitsizlik var... Türklər hələ bu etirazlara qoşulmayıblar, amma bu onların bundan sonra qoşulmayacaqları anlamına gəlməz. Türklər öz milli hədəfləri yönündə etirazlara qoşulub, ya başqa etiraz aksiyaları başlada bilərlər... Bu durumda, Ali-Haşim kimi insanların az da olsa toplumda öz tərəfdarları arasında nüfuz və təsirlərindən istifadə edə bilərlər.”

 

Audionu dinləmk üçün qaynağımız olan aşağıdakı LİNK-ə müraciət edə bilərsiniz:

https://www.amerikaninsesi.org/a/kerim-esgeri-musahibe/4527579.html

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Qərbi Azərbaycanda minlərlə dərs otağı çatışmır

2022-08-10

gun az article

SEPAH mediası Mirhüseyn Musəviyə qarşı hücuma başlayıb

2022-08-10

gun az article

Şərqi Azərbaycanın 6 şəhərində təhlükəli vəziyyət elan olundu

2022-08-10

gun az article

Güneyli müəllim Əhər zindanına köçürülüb

2022-08-10

gun az article

İranda qaşqay mədəni fəal həbs edilib-VİDEO

2022-08-10

gun az article

“Özümüz” proqramında müzakirə: “Səfəvi imperiyası: təriqətdən şəriətə” -VİDEO

2022-08-10

gun az article

Güneyli məhbus barədə yeni cinayət işi açılıb

2022-08-10

gun az article

Şərqi Azərbaycanda işsizlərin 68 faizi universitet məzunlarıdır

2022-08-10

gun az article

Həmədanda qaz borusu partlayıb-Ölən və yaralananlar var

2022-08-10

gun az article

"Onun divarda “Ya Hüseyn” yazması dini məsələ deyil"-Əhməd Obalı-VİDEO

2022-08-09

gun az article

Muğanda "yaşıl soyqırım": Yüzlərlə çoxillik ağac kəsilib-VİDEO

2022-08-09

gun az article

Milli fəal Ruzbeh Pirinin xəstəxanaya köçürülməsinə icazə verilmir

2022-08-09

gun az article

Urmu gölü ilə bağlı son durum açıqlandı: Su həcmi ekoloji vəziyyətlə müqayisədə 88 faiz azalıb

2022-08-09

gun az article

Cəfər Pənahi müalicə olunmadan həbsxanaya qaytarılıb-"Ondan xəbər ala bilmirik"-Xanımı

2022-08-09

gun az article

“Parlaq gələcək”də müzakirə: “İran terrorçuluğunda yeni gəlişmələr” və “Şuubiyyə, Məhərrəmlik və pan-İranizmin tavrları”- VİDEO

2022-08-09

gun az article

Türkiyədə "İranda türkcə yer adları" kitabı nəşr edilib

2022-08-09

gun az article

Əhərdə işsizlərin sayı artıb

2022-08-09

gun az article

Güney Azərbaycan təşkilatları İranın anti-Azərbaycan siyasəti ilə bağlı bəyanat yayıb

2022-08-08

gun az article

Güneyli fəaldan Urmu gölü ilə bağlı maraqlı aksiya-VİDEO

2022-08-08

gun az article

"Yarpaq" ekoloji cəmiyyəti Xoyda aksiya keçirib-FOTO

2022-08-08