Contact Us

SON XƏBƏRLƏR

ABŞ Dövlət Departamenti İranda insan haqları ilə bağlı illik hesabatını yaydı

2024.04.23, 09:09
ABŞ Dövlət Departamenti İranda insan haqları ilə bağlı illik hesabatını yaydı

ABŞ Dövlət Departamenti aprelin 22-də İranda insan haqları ilə bağlı illik hesabatını yayıb.

Gunaz.tv

Hesabatda 2023-cü ildə də İran hökumətinin vətəndaşlara qarşı zorakılıqlarının artdığı və iranlıların təməl hüquqlarının pozulması hallarının genişləndiyi qeyd olunub.

Bununla yanaşı qadınlara, fəallara, jurnalistlətrə, müəllimlərə qarşı təzyiqlərin artması ilə yanaşı, milli və dini azlıqların da hüquqlarının pozulduğu deyilib.

Ölkədə edam sayının artmasını bildirən ABŞ Dövlət Departamenti, 2023-cü ildə İran həbsxanalarında 798 nəfərin edam edildiyini və bunun 2022-ci illə müqayisədə 37 faiz artığını diqqətə çatdırıb.

ABŞ Dövlət Departamentinin hesabatında azərbaycanlılara qarşı ayrı-seçkilik siyasətinin yürüdüldüyü barədə də faktlar yer alıb.  

"Əhalinin təxminən 24 faizini və ya 18 milyondan çoxunu təşkil edən etnik azərbaycanlılar digər etnik azlıq qruplarına nisbətən hökumətə və cəmiyyətə daha çox inteqrasiya olunsalar da, yerli fəallar və təşkilatçılar sıxışdırılırlar",- hesabatda bildirilib.

Hökumətin azərbaycanlı fəalları və ya təşkilatçıları təqib edərək onlara qarşı ayrı-seçkilik etdiyi, bəzi valideynlərin uşaqlarına türk adları qoymasına mane olduğu qeyd edilib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar