Ərdəbilli məhbus: "Hakimin ədalətsiz qərarının qurbanı olmuşam"

SON XƏBƏRLƏR

Ərdəbilli məhbus: "Hakimin ədalətsiz qərarının qurbanı olmuşam"

2022.07.18, 09:09

Gunaz.tv

Babək Dadbəxş şərlənərək həbs edildiyini deyib.

"Mən Babək Dadbəxş Ərdəbil zindanında məhkumluq dövrünü yaşayan adi vətəndaşam və polisin barəmdə açdığı qondarma cinayət işi əsasında həbs edilmişəm. İşgəncə edilərək məndən etiraf alınıb və məhkəmə prosesim bir dəqiqədən az bir müddətdə başa çatıb"-deyə, Dadbəxş yazıb.

O, barəsində açılan cinayət işinin saxyta olduğunu vurğulayıb, hakim ədalətsizliyinin qurbanı olduğunu deyib.

Qeyd edək ki, bir neçə ildir İranın müxtəlif zindanlarında işgəncələrə məruz qaldığı üçün ağır əsəb sarıntısı keçirən Dadbəxşin səhhətində başqa problemlər də yaranıb.

Ərdəbilli məhbusun vəziyyətinin ağırlaşmasına baxmayaraq zindan rəhbərliyinin onun müalicəsinə və tibbi məzuniyyətə buraxılmasına icazə vermir.

2018-ci ilin noyabr ayında Tehranda təhlükəsizlik məmurları tərəfindən həbs edilən azərbaycanlı məhkum ETTELAAT təcridxanasında işgəncə edildikdən sonra Evin zindanının 209-cu bölməsinə köçürülüb.

O, bir neçə ay təkadamlıq kamerada saxlanılıb və 16 fevral 2019-cu ildə Kərəc şəhərinin "Rəcaişəhr" zindanına aparılıb.

Babək Dadbəxş 2020-ci ilin fevralında Məhəmməd Məqisənin başçılıq etdiyi Tehran İnqilab Məhkəməsinin 28-ci bölməsində mühakimə olunub və İslami Cəza Qanunun 134-cü maddəsi ilə 16 ilinin mütləq icra edilməsi şərtilə 43 il həbs cəzasına məhkum edilib.

Babək Dadbəxş "müharibə təbliğatı aparmaq, yer üzündə fitnə-fəsad yaymaq və ölkənin milli təhlükəsizliyinə qarşı əlbir olmaq"da ittiham olunub.

Cavidan