Tehran həbsxanasında saxlanılan Əlirza Fərşi və 8 məhbus etiraz məktubu yaydı

06.11.2021, 08:57

Tehranın “Fəşafuyə” həbsxanasında saxlanılan türk dili fəalı Əlirza Fərşi və başqa 8 məhbus açıq məktub yazaraq zindanda onlara qarşı basqılara, cəza olaraq bölmələrinin dəyişdirilməsinə etirazlarını bildiriblər.

Gunaz.tv Quote | Gunaz article

“Zindanın 2-ci bölməsinin rəhbərliyinin, xüsusilə Mir Yusifin yanlış idarəçiliyinə etiraz edən biz məhkumların yerini əlavə cəza metodu olaraq dəyişib, verdikləri hesabatlarda bizi iğtişaşçı və baş verən xaosun səbəbkarı kimi göstərərək hüquqlarımızdan məhrum ediblər”-deyə, məktubda qeyd olunub.

Məktubda həbsxana rəhbərliyinin yuxarı orqanlara verdikləri hesabatda ağır cinayətlər törətmiş məhkumlar tərəfindən döyülən və yaralanan siyasi məhkumları qəsdən iğtişaşın baş verməsində maraqlı tərəf kimi qələmə verildiyi yazılıb.

Fərşi və məktubu imzalayan başqa 8 dustaq bunun siyasi məhbuslara qarşı basqı olaraq edildiyini, onların ağır cinayətlər törətmiş məhkumlarla eyni bölmədə saxlanılmasının qanuna zidd olduğunu bildirilib.

Məktubda baş verən qarşıdurmadan sonra siyasi məhbusların ağır şəraiti olan bölməyə köçürüldüyü qeyd olunub.

Məktub müəllifləri bütün bunları özlərinə qarşı qanunsuzluq kimi dəyərləndirib və həbsxana rəhbərliyinin bu davranışına etiraz ediblər.

"Biz bu məktubu imzalayanlar həbsxana rəhbərliyinin fırıldaqçı, qərəzli və ədalətsiz davranışlarını pisləyir, bu insanlar tərəfindən bizə qarşı ağ işgəncələrə son qoyulmasını tələb edir və bütün insan haqları təşkilatlarını durumumuzla tanış olmaq üçün zindandan baxış keçirmələrini istəyirik"-deyə, məhbuslar insan haqları təşkilatlarını zindanı ziyarət etməyə çağırıblar.

Bundan öncə oktyabrın 11-i, axşam saatlarında zindana xüsusi qüvvələr gətirilib, türk dili fəalı Əlirza Fərşi və başqa bir neçə məhbusun zindanın 1-ci bölməsinə köçürülüb. 

Rəsmi qurumların birgə yaydığı məlumata görə, Həbsxanalar Təşkilatının başçısı, müfəttişləri və başqa əlaqədar qurumların rəhbərlərinin iştirakı və xüsusi qüvvələrin müşayiəti ilə Fərşi də daxil zindanın 9-cu bölməsində saxlanılan bir qrup məhbus həbsxananın 1-ci bölməsinə köçürülüb.

Məsullar bunu 9-cu bölmədə məhbusların saxlanılması üçün uyğun şəraitin olmaması ilə əlaqələndirib və məhbusların etirazlarına baxmayaraq onları yeni bölməyə köçürüblər.

Tehran əyalətinin Həbsxanalar, Təhlükəsizlik və Təlim Tədbirləri Təşkilatının müfəttişi bildirib ki, göstəriş yuxarıdan, təhlükəsizlik orqanından verilib və köçürülmə mütləq həyata keçiriləcək.

Qeyd edək ki, oktyabrın 8-də Tehranın “Fəşafuyə” zindanında ağır cinayətlərə görə cəza çəkən məhkumlar siyasi məhbuslara hücum edib.

İnsident zamanı siyasi məhbuslar döyülüb. Hücuma məruz qalan siyasi məhbuslardan bir neçəsi bədən xəsarəti alıb.

İranda məhbusların ittihamlarına görə təsnifatlandırılması və yerləşdirilməsi qanunu icra edilmədiyi üçün ağır cinayət törətmiş müttəhimlərlə siyasi məhbuslar bir yerdə saxlanılır.

İran hökuməti və zindan rəhbərliyi bu vasitə ilə siyasi məhbuslara basqı göstərir, istənilən zaman onlara qarşı sui-qəsd törədir. 

Əlirza Fərşi 2014-cü ilin iyul ayının 21-də Tehran şəhərində beynəlxalq ana dili günü mərasimində iştirak etdiyi üçün digər milli fəallar ilə birlikdə İranın təhlükəsizlik qüvvələri tərəfindən nəzarətə alınıb, neçə gün saxlanıldıqdan sonra müvəqqəti olaraq məhkəmə iclasına qədər sərbəst buraxılmışdı.

Ə.Fərşi 2016-cı ildə, Baharistan İnqilab Məhkəməsinin 1-ci şöbəsi tərəfindən "İranın milli təhlükəsizliyini pozmaq qəsdi ilə qruplaşmada iştirak etmək" ittihamı ilə 15 il məhbəs və İranın güneyində yerləşən Xuzistan vilayətində iki il sürgün həyatı keçirmə cəzasına məhkum edilib.

Bu cəza, daha sonra Tehran Apellyasiya Məhkəməsinin 54-cü şöbəsinin sədri olan hakim Babayi tərəfindən 2 il həbs və 2 il sürgünə endirilib.

Nəhayət 2020-ci ilin iyul ayının 21-də bu milli fəal yaxalanıb və iki illik həbs cəzasını çəkmək üçün Tehran şəhərinin Evin həbsxanasına köçürülüb. 

C.E


 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Tufarqanın sənaye şəhərciyində güclü yanğın baş verib

2021-11-27

gun az article

Həmədanda İran hərbçisi öldürülüb

2021-11-27

gun az article

Zənganda quraqlıq davam edir- Bəndlərdə suyun həcmi kəskin azalıb

2021-11-27

gun az article

"Türkdilli medaya və türk dilində yazılan əsərlərə dəstək verin"-Güneyli deputat nazirliyə çağırış etdi

2021-11-27

gun az article

Təbrizli fəalı döyən kəşfiyyatçılara qarşı həbs qətimkan tədbiri ləğv edilib-Ruzbeh Piri etiraz məktubu yazdı

2021-11-27

gun az article

Qoşaçayda məktəb çatışmazlığı yaşanır

2021-11-26

gun az article

Ərdəbilli uşaqların əsərləri Yaponiyanın beynəlxalq rəsm müsabiqəsində nümayiş olunacaq

2021-11-26

gun az article

Qərbi Azərbaycanda toyuq əti qıtlığı yaşanır

2021-11-26

gun az article

Horandda qanunsuz tarixi əşya qaçaqmalçıları həbs edilib

2021-11-26

gun az article

Həmədanda Səlcuqlu və Elxanlılar dövrünə aid qiymətli tarixi əşyalar tapıldı

2021-11-26

gun az article

Təbrizdə Urmu gölü ilə bağlı aksiya keçirilib -Divarlara şüarlar yazılıb-FOTOLAR

2021-11-26

gun az article

Həmədanda çörəyin qiyməti kəskin bahalaşdı

2021-11-26

gun az article

Hökumətin laqeydliyi üzündən Təbrizdə tarixi “Bağırxanın evi" yox olmaq üzrədir

2021-11-26

gun az article

Güneyli aktyordan azərbaycanlılara müraciət: "Türkçə çəkilmiş filmlərə dəstək olun"

2021-11-26

gun az article

"Güney Azərbaycanda ətraf mühit məhv edilir"-Ərdəbilli fəallardan etiraz

2021-11-26

gun az article

Tehranda Azərbaycan Respublikasının şəhərlərinin adlarını təhrif edildi

2021-11-25

gun az article

Şərqi Azərbaycanda tibbi avadanlıqlar çatışmır

2021-11-25

gun az article

Göldən duzun daşınması Urmu əhalisi üçün problemlər yaradıb-Millət vəkilindən xəbərdarlıq

2021-11-25

gun az article

İranda ilk uşaq bağçasını və lal-karlar məktəbini açmış azərbaycanlı pedaqoqun anım günüdür

2021-11-25

gun az article

Türkcə çəkilmiş “Atabay” filmi Təbrizdə coşğu ilə qarşılanıb-VİDEO

2021-11-25