İran beynəlxalq miqyasda təxribat planlarını artırır

SON XƏBƏRLƏR

İran beynəlxalq miqyasda təxribat planlarını artırır

2023.12.19, 13:53

“Okeanlar üzrə əməlyyatlar məqsədi ilə “ Dəniz Bəsic Qüvvələri”ni planlaşdırıb hazırlamışıq”. Bunu SEPAH-ın Dəniz Qüvvələrinin komandiri deyib.

Gunaz.tv

Qeyd edək ki, səfərbərlik qüvvələri anlamında olan “Bəsic” İran hakimiyyətinə bağlı yarımhərb qurumdur.

Bu qüvvələr ilk olaraq İran İslam Respublikası sisteminin 1978-ci ildə ölkəyə hakim olduğu və İran-İraq müharibəsi zamanı SEPAH-la eyni vaxtda təşkil olunub.

Hazırda bu qüvvələr hərbi əməliyatlar və İran daxilində keçirilən etiraz nümayişlərində müxaliflərə qarşı istifadə olunan repressiya qüvvəsidir.

Polkovnik-leytenant Əlirza Təngsiri sözlərinin davmında “Dəniz Bəsic Qüvvələrinin” artıq təşkil olunduğu və əmliyyat miqyası barədə məlumat verib.

“Bu qüvvələrimiz Tanzaniyaya qədər naviqasiyaya qadir 33 min böyük gəmiyə və döyüş qayıqlarına malikdir. Növbəti məqsədimiz “Kölgə Dənzi Qüvvələri”ni təşkil etməkdir”.

“Kölgə Dəniz Qüvvələri” (İngiliscə: Shadow Sea Forces) bir növ qeyri-rəsmi və yardımçı qüvvələrə deyilir.

Təngsiri həmin qüvvələrin təşkili mərhələləri barədə danışıb.

“Dəniz Bəsic Qüvvələri birinci mərhələ olaraq Körfəzdə (onun ifadəsi ilə Fars körfəzində) təşkil olunub. İkinci mərhələdə respublikanın şimalında təşkil etmək niyyətindəyik”-deyə SEPAH komandiri bildirib.

Təngsirinin həmin qüvvələrin “Respublikanın şimalında təşkil etmək niyyətində” olduğunu dedikdə Xəzər dənizi nəzərdə tutulur.

Azərbaycan Respublikasının İranla Xəzər dənizində birgə sərhədlərə malik olduğunu nəzərə alaraq, bu məsələ Azərbaycan üçün potensial təhlükə hesab oluna bilər.

Taymaz

GUNAZ.TV

SON XƏBƏRLƏR