Contact Us

SON XƏBƏRLƏR

İranda insan haqları üzrə BMT-nin xüsusi məruzəçisi yeni hesabat təqdim edib

2024.03.04, 12:23
İranda insan haqları üzrə BMT-nin xüsusi məruzəçisi yeni hesabat təqdim edib

Cavid Rahman BMT-nin İnsan Haqları Şurasının 55-ci iclasına İran barədə hazırladığı hesabatda İranda qeyri-fars etniklərə qarşı siyasətlərin hələ də davam etdiyi bildirilib. 

Gunaz.tv

42 səhifəlik hesabatda İranda qeyri-fars etniklərin hüquqlarının və dini azlıqların ötən illərdəki kimi pozulduğu və etniklərə qarşı ayrı seçkilik siyasətlərinin yürüdüldüyü və hələ də davam etdiyi vurğulanıb. 

Hesabata əsasən İranda 2023-cü il üzrə edam qərarı və icrası artaraq 834-ə yüksəlib, bu isə ötən illə müqayisədə 43 faiz çoxdur.

Məruzəçi 2009, 2019 və 2022-ci illərdəki etiraz hərəkatlarına toxunaraq sivil aksiyaçıların özbaşına saxlanıldıqlarını, yox edilmələrini, tələskən edam olunmalarını və onlar barədə ədalətli məhkəmə prosesinin keçirilmədiyini bildirib.

Həmçinin əcnəbi vətəndaşların və ikili vətəndaşlığı olan iranlıların saxlanılmaları və onlardan 8 nəfərin 2023-cü ildə azad olunduqları bildirilib. 

Cavid Rahman həmçinin bu tərz hərəkətin hakimiyyət tərəfindən davam etdiyini deyərək prosesin dayandırılmasını və digər məhbusların azad olunmalarını istəyib. 

Hesabatın digər bir hissəsində İranda qadın və qızların sərbəstlik durumu barədə yazılaraq hakimiyyət tərəfindən icbari hicabın tətbiq olunmasına cəhd, qadın haqlarının davamlı pozulduğu qeyd olunub. 

Xatırladaq ki, BMT-nin İnsan Haqları Şurasının 55-ci iclası favralın 26-da başlayıb və mart ayının 7-dək davam edəcək. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar