İsrail-İran qarşıdurması "Traxtur"un baş məşqçisinin istefasına səbəb oldu

SON XƏBƏRLƏR

İsrail-İran qarşıdurması "Traxtur"un baş məşqçisinin istefasına səbəb oldu

2024.04.16, 14:16

Aprelin 13-dən 14-ə keçən gecə İrannın İsraillə raket və PUA-larla hücumu və Təl-Əvivin buna cavab verəcəyi ehtimalından sonra Təbrizin "Traxtur" futbol komandasının ispaniyalı baş məşqçisi Pako Xemez klubdan ayrılmağa qərar verib.

Gunaz.tv

Bu barədə "Traxtur" klubunun baş direktoru Huşəng Nəsirzadə açıqlama verib.

İran mediası baş məşqçinin istefa səbəbini "Traxtur"un son qarşılaşmada İsfahan təmsilçisi qarşısında 4-1 hesablı məğlubiyyəti ilə əlaqələndirməyə çalışsa da, Nəsirzadə bu iddiaları təkzib edib.

O, Pako Xemezin siyasi və təhlükəsizlik məsələlərinə görə istefa tələb etdiyini söyləyib.

"Xemez siyasi səbəblərə görə komandadan ayrılmaq qərarına gəlib. Ölkədə təhlükəsizlik problemi olmasa da, bəziləri bu barədə fərqli düşünür",- Nəsirzadə bildirib.

Bununla yanaşı "Traxtur" komandasında oynayan braziliyalı Qustav Vaqnin də İranı tərk etmək qərarına gəlib.

Huşəng Nəsirzadənin sözlərinə görə, Braziliyanın İrandakı səfirliyi Qustav Vaqnindən İranı tərk etməsini istəyib.

İctimai dairələrdə “Tiraxtur” futbol komandasının baş məşqçisi vəzifəsinə təyin edilmək üçün Yəhya Gülməhəmmədi, Rəsul Xətibi, Fərhad Məcidi və türkiyəli Ərtoğul Sağlam kimi baş məşqçilərin adları çəkilir.

GUNAZ.TV

SON XƏBƏRLƏR