Contact Us

SON XƏBƏRLƏR

Milli fəal Evin həbsxanasına qaytarılıb

2024.05.12, 10:49
Milli fəal Evin həbsxanasına qaytarılıb

Girov qarşılığında qısa müddətli məzuniyyətə buraxılan milli fəal Əli Rəzizadə Nadarlı yenidən həbsxanaya qaytarılıb.

Gunaz.tv

Bu barədə fəalın yaxınlrı məlumat verib.

Bildirilib ki, Tehranın Evin həbsxanasında saxlanılan və mayın 6-da 1 milyard tümən girov qarşılığında 3 günlük məzuniyyətə buraxılan Əli Rəzizadə Nadarlı, mayın 11-də həbs müddətinin qalan hissəsini çəkmək üçün həbsxanaya geri qaytarılıb.

Əli Rəzizadə 29 oktyabr 2023-cü ildə həbs cəzasını çəkmək üçün Evbin həbsxanasına salınıb.

O, "pantürkizm qruplaşmasına üzv olmaqla ölkənin milli təhlükəsizliyinə xələl gətirmək"də ittiham edilib.

Əli Rəzizadə Nadarlıya qarşı irəli sürülən ittihamnamədə bildirilib ki, fəal instaqramda etnik və pantürkist düşüncələri təbliğ edib və videolar yayaraq qanunsuz GAMAC təşkilatını, separatçı düşüncələri, Abbas Lisani, Lətif Həsəni, İbrahim Nuri və başqalarını dəstəkləyib.

Bu ittihamlara görə, Tehranın Apellyasiya Məhkəməsinin 36-cı bölməsi milli fəalın barəsində çıxarılan 3 illik həbs cəzasını təsdiq edib, cəzanın 1 ilinin çəkilməsinə, 2 ilinin isə 5 il müddətinə təxirə salınmasına qərar verilib.

Bununla yanaşı,  həbsdən buraxıldıqdan sonra daha iki il müddətinə siyasi, ictimai qurumlarda üzvlüyünə, sosial mediada fəaliyyətinə və ölkədən çıxışına qadağa qoyulub.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar