Contact Us

SON XƏBƏRLƏR

Beynəlxalq Atom Enerjisi Agentliyinin məxfi hesabatı: Tehran zənginləşdirilmiş uran ehtiyatını artırıb

2024.05.28, 12:24
Beynəlxalq Atom Enerjisi Agentliyinin məxfi hesabatı: Tehran zənginləşdirilmiş uran ehtiyatını artırıb

İslam Respublikası zənginləşdirilmiş uran ehtiyatının həcmini artırıb və agentliyin bir sıra təcrübəli müfəttişlərinin İranın nüvə obyektlərinə girişini və nəzarətini qadağan etmək qərarından əl çəkməyib.

Gunaz.tv

Bu barədə "Associated Press" Beynəlxalq Atom Enerjisi Agentliyinin məxfi hesabatına istinadən məlumat yayıb.

"İran hazırda 60% zənginləşdirmə ilə 142 kq-dan çox uran ehtiyatına malikdir. Bu miqdar bu qurumun cari ilin fevralında verdiyi əvvəlki hesabatla müqayisədə 20 kiloqramdan çox artım göstərir",- deyə məlumatda deyilib.

Məlumatda həmçinin əlavə edilib ki, İranın ümumi zənginləşdirilmiş uran ehtiyatı hazırda 6201 kq-dan çoxdur və bu miqdar həm də Beynəlxalq Atom Enerjisi Agentliyinin əvvəlki hesabatı ilə müqayisədə Tehran hökumətinin ümumi uran ehtiyatının 675,8 kq artmasına dəlalət edir.

Bildirilir ki, Tehran 2023-cü ilin sentyabrında bu təşkilatın bir sıra təcrübəli müfəttişlərinin nüvə obyektlərinə girişini və nəzarətini qadağan edən qərarını kəğv etməyib.

Qeyd edək ki, İranın nüvə proqramının dinc xarakter daşıdığını iddia tməsinə baxmayaraq, Atom Enerjisi Təşkilatının baş direktoru Rafael Qrossi dəfələrlə Tehranın kifayət qədər hərbi səviyyədə uran zənginləşdirdiyini və istəsə bir neçə nüvə bombası yarada biləcəyi barədə xəbərdarlıq edib.

Bununla yanaşı o, başçılıq etdiyi təşkilatın Tehranın zənginləşdirmə üçün gizli sentrifuqalar kolleksiyasına malik olmadığına zəmanət verə bilməyəcəyini açıqlayıb.

Qeyd edək ki, mayın 27-də Əli Xameneinin nəzarətində olan Strateji Xarici Əlaqələr Şurasının katibi Abbas İrraqçı İsrailin təhdidlərinin davam edəcəyi təqdirdə İranın nüvə doktrinasında dəyişiklik edə biləcəyini deyib.

Ondan bir neçə gün əvvəl isə Xarici Əlaqələr Strateji Şurasının rəhbəri və Əli Xameneinin ali müşaviri Kamal Xərrazi , İslam Respublikasının mövcudluğunun İsrail tərəfindən təhdid ediləcəyi təqdirdə ölkəsinin nüvə doktrinasını dəyişəcəyini bildirib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar