Güneyli alimin xanımı İsveç baş nazirinə etiraz etdi- Bu ayrı-seçkilikdir

SON XƏBƏRLƏR

Güneyli alimin xanımı İsveç baş nazirinə etiraz etdi- Bu ayrı-seçkilikdir

2024.06.17, 15:00

Tehranın Evin həbsxanasında saxlanılan və barəsində ölüm hökmü çıxarılan İsveç vətəndaşı olan güney azərbaycanlı alim professor Əhmədrza Calalinin həyat yoldaşı Vida Mehranniya İsveçin baş naziri Olaf Kristersona etiraz edib.

Gunaz.tv

O, bu barədə sosial media hesabında paylaşım edib.

Mehranniya, İsveçin bu ölkənin İranda həbsdə olan iki vətəndaşının İsveçdə həbsdə olan iranlı keçmiş prokuror köməkçisi Həmid Nuri ilə mübadilə edildiyini, ancaq onun həyat yoldaşı professor Əhmədrza Calalinin azadlığı üçün addım atılmadığını deyib.

Azərbaycanlı alimin xanımı baş nazir Olaf Kristersonu ayrı-seçkilikdə və iddia etdiyi demokratiya və insan hüquqlarını pozmqda günahlandırıb.

Qeyd edək ki, İranda casusliq ittihamına görə həbsdə olan iki İsveç vətəndaşı Yuhan Flodrus və Səid Əzizi iyunun 15-də azad edilib və İsveçə qayıdıblar.

Bu, 1988-ci ildə İran həbsxanalarında siyasi məhbusların kütləvi edamınlarının həyata keçirilməsində iştirak etdiyinə görə 2019-cu ildəİsveçə səfəri zamanı saclanılaraq ömürlük həbs cəzasına məhkum edilən iranlı keçmiş prokuror köməkçisi Həmid Nurinin sərbəst buraxılması qarşılığında olub.

İsveç vətəndaşı olan güney azərbaycanlı Əhmədrza Calali isə 2016-cı ilin april ayında Tehran və Şiraz universitetlərinin dəvəti ilə elmi konfransa qatılmaq üçün İrana səfər etdikdən sonra həbs edilib.

2017-ci ilin sentyabr ayında Tehran İnqilab Məhkəməsi azərbaycanlı alimi "İsrailə casusluq" ittihamına görə edama məhkum edib və qərar daha sonra İran Ali Məhkəməsi tərəfindən də təsdiq olunub.

GünazTV

GUNAZ.TV

SON XƏBƏRLƏR