Contact Us

SON XƏBƏRLƏR

Təbrizin Gülüstan bağı dağıdılır

2024.09.12, 12:02
Təbrizin Gülüstan bağı dağıdılır

Təbriz şəhərinin mərkəzində yerləşən tarixi Gülüstan bağında uzun ömürlü ağaclar kəsilir, yaşıllıq zolağı məhv edilir.

Gunaz.tv

Bu barədə yerli ekofəallar məlumat yayıb.

"Təbriz bələdiyyəsi Gülüstan bağı ərazisinin 1000 kvadrat metrini təhlükəsizlik orqanlarından birinin ixtiyarına verib. Bundan sonra tarixi parkda ağaclar kəsilib və yaşıllıq zolağının məhv edilməsi davam edir",- məlumatda bildirilib.

5.2 hektar ərazisi olan və şəhərin mərkəzində yerləşən Gülüstan bağı Təbrizin, ümumilikdə isə İranın ən qədim şəhərdaxili parklarından biri sayılır.

Bir sıra tarixi qaynaqlarda hazırkı Gülüstan bağının ərəblərin Azərbaycanı işğalından sonra Abbasi xəlifəsi Harun ər-Rəşidin həyat yoldaşı Zübeydə Xatunun Təbrizə səfəri zamanı salındığı yazılıb. 20-ci əsrin əvvəllərində yenidən park kimi istifadəyə verilən Gülüstan bağı bir çox siyasi və ictimai hadisələrin şahidi olub.

Burada Azərbaycan və Təbrizin siyasi, ictimai və mədəni həyatında əhəmiyyətli rol oynayan yığıncaqlar, mitinqlər keçirilib.

1961-ci ildə İranda qastrol səfərində olan Rəşid Behbudovun Gülüstan bağındakı konserti yaşlı təbrizlilərin yadında qalan ən əhəmiyyətli mədəni hadisələrdən biridir.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar