Keçmiş prezidentin peycer partlaması nəticəsində ölməsi mümkündür

SON XƏBƏRLƏR

Keçmiş prezidentin peycer partlaması nəticəsində ölməsi mümkündür - Parlament üzvü

2024.09.23, 12:09

Hizbullah-a peycerlərin alnmasında İranın da əli olub, Hizbullah-a isə nüfuz edilib, İbrahim Rəisi də peycerdən istifadə edirdi və onun peycerinin partlaması nəticəsində helikopterin qəzaya uğraması mümkündür.

Gunaz.tv

Bu sözləri İran parlamentinin Milli Təhlükəsizlik Komissiyasının üzvü Əhməd Bəxşayiş Ərdestani deyib.

O, İranın təhlükəsizliklik nazirinin İsmayıl Haniyənin öldürülməsində İsrailin İran daxilindəki adamlarının rolunu inkar etməsinə də toxunub.

"İsmayıl Haniyənin Tehranda yerləşdiyi iqamətgah, iqamətgahın hansı mərtəbəsində və hansı saatda olması barədə dəqiq məlumat ancaq İsrailin daxildəki adamları vasitəsilə dəqiqləşdirilə bilərdi",- Ərdestanı bildirib.

Parlament üzvü bununla yanaşı Hizbullah komandirlərinin də öldürülməsinin İsrailin bu təşkilat içinə sızması nəticəsində baş verdiyini söyləyib.

O, İsrailin həm texnologiya və həm də uzun müddətli strategiya baxımından üstün vəziyyətdə olduğunu da etiraf edib.

Qeyd edək ki, mayın 19-da helikopterin İran ərazisində qəzaya uğraması nəticəsində Prezident İbrahim Rəisi, xarici işlər naziri Hüseyn Əmir Abdullahian və daha bir neçə rəsmi şəxs həlak olub.

GünazTV

GUNAZ.TV

SON XƏBƏRLƏR