Britaniya İrana qarşı yeni sanksiyalar tətbiq etdi

SON XƏBƏRLƏR

Britaniya İrana qarşı yeni sanksiyalar tətbiq etdi

2024.11.19, 11:19

Britaniya hökuməti İranın "İran Air" Hava Yolları Şirkəti və bu ölkənin gəmiçiliyinə qarşı sanksiya tətbiq edib.

Gunaz.tv

Bu barədə Britaniyanın Xarici İşlər Nazirliyinin bəyanatında bildirilib.

Bəyanata əsasən, İran Hava Yolları və İran İslam Respublikasının Gəmiçilik Şirkəti sanksiyaya məruz qalıb və onların aktivləri dondurulub.

"İran hökumətinin beynəlxalq təhlükəsizliyi pozmaq cəhdləri təhlükəli və qəbuledilməzdir. Biz İran hökumətini Rusiyanın Ukraynadakı qanunsuz müharibəsinə dəstəyi dayandırmağa çağırışımızı təkrar edirik",- Britaniyanın xarici işlər naziri Deyvid lami deyib.

Noyabrın 18-də isə Avropa Birliyi İran hökumətinin Rusiyanın Ukraynaya hərbi müdaxiləsinə verdiyi dəstəyə cavab olaraq, İran İslam Respublikasının gəmiçilik şirkəti və onun baş direktoru Məhəmməd Rza Müdərris Xabaniyə sanksiya tətbiq edib.

Avropa Birliyi İrana qarşı sanksiyaların sərtləşdirilməsinə səbəb kimi İranın Rusiyanın Ukraynaya təcavüzü, Yaxın Şərq və Qırmızı dəniz regionunun silahlı qruplaşmalara hərbi dəstək verməsini göstərib.

AB bəyan edib ki, İranın gəmiçiliyi İran istehsalı olan silah və sursatların, o cümlədən pilotsuz təyyarələrin hissələrinin Xəzər dənizi vasitəsilə daşınmasında və Ukrayna ilə müharibədə Rusiya ordusuna texnikanın verilməsində iştirak edib.

Avropa Birliyi, həmçinin sanksiyaya məruz qalan şəxslər və ya qurumların sahib olduğu, idarə etdiyi və ya nəzarət etdiyi limanlarla hər hansı sövdələşməni qadağan edib. Bu qadağa İranın pilotsuz təyyarələrini, raketlərini və ya PUA və raket hissələrini və texnologiyalarını Rusiyaya ötürmək üçün istifadə edilən bütün limanları əhatə edir.

Yeni sanksiyalar həmçinin Əmirabad və Ənzəli kimi liman obyektlərinə girişi də qadağan edib.

GünazTV

GUNAZ.TV

SON XƏBƏRLƏR