Contact Us

SON XƏBƏRLƏR

Bəlucların din xadimi həbsə məhkum edildi

2024.11.26, 11:23
Bəlucların din xadimi həbsə məhkum edildi

Sünni məzhəbli etnik bəlucların kompakt yaşadığı Sistan və Bəucistan əyalətinin Rask şəhərinin sünni cümə imamı Moləvi Fəthi Məhəmməd Nəqşbəndi həbsə məhkum edilib.

Gunaz.tv

Bu barədə cümə imamının oğlu Moləvi Abdulqafar Nəqşbəndi məlumat yayıb.

Onun sözlərinə görə, İran Din xadimləri Xüsusi Məhkəməsi cümə imamı barədə 5 il həbs qərarı çıxarıb və qərarı İran Ali Məhəkəməsi təsdiq edib.

Cümə imamı "cümə namazlarında əsassız çıxışlar etmək", "hakimiyyətə böhtan atmaq" və "milli təhlükəsizliyə qarşı çıxmaq"da ittiham olunub.

Qeyd edək ki, təhlükəsizlik məmurları Moləvi Fəthi Məhəmməd Nəqşbəndini 10 avqust 2023-cü ildə həbs edərək Məşhədin Vəkilabad həbsxanasına köçürüblər.

O, İran hökumətinin bəluçlara və sünnilərə qarşı repressiyalarına etiraz etdiyinə görə cəzalandırılıb.

Moləvi Fəthi Məhəmməd Nəqşbəndi xüsusən 30 sentyabr 2022-ci ilin cümə günündə bəlucların öldürülməsindən sonra hakimiyyətə qarşı sərt tənqidi bəyanatlar səsləndirib.

Qeyd edək ki, həmin tarixdə bəluçlar polis komandirinin 15 yaşlı qıza təcavüz etməsinə və cəzasız qalmasına görə etiraz aksiyası keçiriblər.

Hökumət məmurlarının atəşi nəticəsində 13-ü uşaq olmaqla 103 nəfər ölüb, 300 nəfər isə yaralanıb.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar