Contact Us

SON XƏBƏRLƏR

Onlarla jurnalist hicab qanununa qarşı bəyanat yaydı

2024.12.07, 14:39
Onlarla jurnalist hicab qanununa qarşı bəyanat yaydı

"Hicab və iffət" qanununun icrası jurnalistlərə qarşı senzura, İran vətəndaşlarının insan ləyaqətinin inkar edilməsi və konstitusiyaya zidddir və sosial böhranların kəskinləşməsinə səbəb olacaq.

Gunaz.tv

Bu, 140 iranlı jurnalistin yaydığı bəyanatda yazılıb.

"İslam Respublikasının da qəbul imzaladığı Uşaq Hüquqları Konvensiyasına əsasən, hökumət qadın və uşaqların hüquqlarını qorumağa və onların əsas azadlıqlarına zəmanət verməyə borcludur",- jurnalistlər bildiriblər.

Bəyanatda bildirilir ki, İran parlamentinin son qanunu cinayət və cəzanın mütənasibliyi, təqsirsizlik prinsipi, insan ləyaqəti prinsipi, ayrı-seçkiliyin qadağan edilməsi prinsipi kimi hüquqi prinsiplərlə açıq şəkildə ziddiyyət təşkil edir. 

Sonda bu bəyanatı imzalayan jurnalistlər bu qanunun qeyri-insani olduğunu vurğulayaraq, cəmiyyətin bundan artıq təzyiqə tab gətirə bilməyəcəyini bəyan edib, sosial böhranların artmasına və kəskinləşməsilə nəticələnəcəyi barədə xəbərdarlıq ediblər.

Qeyd edək ki, jurnalistlərdən əvvəl 100 kinematoqrafçı da bəyanat yayaraq, bu qanunun təsdiq edilməsinə etiraz edib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar