Azərbaycanın müxtəlif şəhərlərində Qaşqay türklərinə dəstək vərəqələri paylanıb

SON XƏBƏRLƏR

Azərbaycanın müxtəlif şəhərlərində Qaşqay türklərinə dəstək vərəqələri paylanıb

2024.12.28, 11:41

Azərbaycan Milli Hərəkatının fəalları eyni vaxtda Təbriz, Tehran, Urmu, Ərdəbil, Zənqan, Kərəc, Qəzvin, Ərak və Həmədan şəhərlərində Qaşqay türklərinə dəstək üçün vərəqələr paylayıblar.

Gunaz.tv

Paylanınal vərəqələrdə Azərbaycan Milli Hərəkatının Qaşqay türklərinə dəstək bəyanatı yer alıb:

“Xorasandan və Türkmən Saharasından Azərbaycana, Xəzər dənizi sahillərindən Kəngər körfəzi sahillərinə və Qaşqaya qədər Böyük Türküstanın hər yerində milli oyanış və öz kimliyinə qayıdış dalğası, bu coğrafiyanın əsl sahibləri olan Türklər arasında sürətlə böyüyür və inkişaf edir. Azərbaycan milli hərəkatının bir qrup fəalı olaraq Türk Qaşqay xalqının milli geyiminin müsadirə olunmasını antitürkçülük və digər millətləri bir-birinə qarşı qoymaq kimi qiymətləndirir və bu əməli pisləməklə yanaşı, Qaşqay tayfasına hərtərəfli dəstəyimizi hər zaman və hər yerdə bəyan edirik. Azərbaycan türk milləti üçün Qaşqayın Azərbaycanla eyni olduğunu söyləməyə ehtiyac yoxdur. Bizə Azərbaycan, nədirsə Qaşqay da odur." - bəyanatda qeyd edilib.

Qeyd edək ki, dekabrın 21-də Qaşqay Türkləri ikinci dəfə Şiraz əyalətinin qubernatorluğu qarşısına toplaşaraq İran hakimiyyətinin Qaşqay Türklərinin Lerha adlı milli geyimini Lurların adına dövlət qeydiyyatına almaq aksiyasına etiraz ediblər və Azərbaycandan dəstək istəyiblər.

GUNAZ.TV

SON XƏBƏRLƏR