İran beynəlxalq qanunları vəhşicəsinə pozub

SON XƏBƏRLƏR

İran beynəlxalq qanunları vəhşicəsinə pozub - Ukrayna

2025.01.09, 10:26

İslam Respublikası BOEİNG-752 təyyarəsini vurmaqla çoxsaylı beynəlxalq qanunları vəhşicəsinə pozub.

Gunaz.tv

Bu Ukrayna Xarici İlər Nazirliyinin bəyanatında deyilib.

Ukrayna Xarici İşlər Nazirliyi Ukraynanın BOEİNG-752 təyyarəsinin Tehran səmasında vurulmasının 5-ci ildönümündə yaydığı bəyanatda Tehran rejiminin mülki təyyarəyə qarşı hərbi gücdən istifadə etməsi pislənilib.

"Uçuş zamanı mülki təyyarəyə qarşı silah işlədilməsi, təyyarənin qəzaya uğramasının qarşısının alınması üçün mümkün tədbirlərin görülməməsi, hadisənin təfərrüatı ilə bağlı aydın və qərəzsiz araşdırma aparılmaması, şübhəlilərin ciddi cinayət təqibindən imtina edilməsi qanun pozuntusudur",- bəyanatda yazılıb.

Bununla eyni vaxtda Kanada hökuməti də bəyanat yayaraq, Tehran rejminin məsuliyyəti öz üzərinə götürməsini tələb edib.

Kanada hökumətinin açıqlamasında təyyarənin vurulması nəticəsində ölən 176 nəfərdən 55-nin Kanada, 30-nun isə bu ölkədə yaşayanşəxslərin olduğu xatırladılıb, təyyarənin vurulması nəticəsində dəymiş xəsarətin ödənilməsi və hadisə qurbanlarının ailələrinə təzminat verilməsi tələb olunub.

"Kanada özünün “Beynəlxalq Əlaqələndirmə və Hesabatlılıq Qrupu”ndakı digər üç tərəfdaşı olan İsveç, Ukrayna və Böyük Britaniya ilə birlikdə İslam Respublikasının cavabdehlik daşıması üçün fəaliyyətlərə davam edir",- bəyanatda bildirilib.

Qeyd edək ki, təyyarə 2020-ci il yanvarın 8-də SEPAH-ın bir başa iki raket atəşi ilə vurulub və hava gəmisində olan 176 sərnişinin hamısı həyatını itirib.

GünazTV

GUNAZ.TV

SON XƏBƏRLƏR