Rəisinin helikopterinin qəzası ilə başqa fərziyyə sübut olunmayıb

SON XƏBƏRLƏR

Rəisinin helikopterinin qəzası ilə başqa fərziyyə sübut olunmayıb - İran rəsmisi

2025.01.18, 11:49

Mərhum Prezident İbrahim Rəisinin helikopterinin qəzaya uğraması ilə bağlı heç bir fərziyyə sübut olunmayıb.

Gunaz.tv

Bu barədə İran Silahlı Qüvvələrinin Baş Qərargahının İnformasiya Mərkəzinin yaydığı bəyanatda deyilib.

İran Silahlı Qüvvələrinin Baş Qərargahının İnformasiya Mərkəzi bəyanatında bildirib ki, ölkənin keçmiş prezidenti İbrahim Rəisinin helikopterinin qəzaya uğraması ilə bağlı heç bir fərziyyə sübut olunmayıb.

Məlumata görə, İbrahim Rəisinin və onu müşayiət edən hökumət rəsmilərinin həlak olmalarının səbəbi ilə bağlı hər hansı şübhə rədd edilib.

“Məsuliyyətsiz şərhlər məlumatsızlıqdan və ya konkret məqsəd və niyyətlərdən irəli gəlir. Helikopterin qəzaya uğramasına səbəb sadəcə olaraq bölgənin mürəkkəb hava və coğrafi şəraiti olub. Fərziyyələrin heç biri, o cümlədən texniki nasazlıq, təxribat, sui-qəsd, partlayış, elektron müharibə və s. sübuta yetirilməyib”, - deyə, İran SQ-nin Baş Qərargahı vurğulayıb.

Bu, son vaxtlar Rəisinin helikopterinin vurulması barədə iddiaların səsləndirilməsindən sonraya təsadüf edir.

Qeyd edək ki, İranın keçmiş Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Al-Haşim, Şərqi Azərbaycan vilayətinin valisi Malik Rəhməti 19 mayda Şərqi Azərbaycan vilayətində baş verən helikopter qəzasında həlak olub.

Rəsmi məlumatlarda qəzanın əlverişsiz hava şəraiti ilə əlaqədar baş verdiyi bildirlib.

GünazTV

GUNAZ.TV

SON XƏBƏRLƏR