Contact Us

SON XƏBƏRLƏR

Trampla görüşümüz üçün hazırlıq gedir - Zelenski

2025.01.22, 15:34
Trampla görüşümüz üçün hazırlıq gedir - Zelenski

Ukrayna prezidenti Vladimir Zelenski Davosda keçirilən Dünya İqtisadi Forumu forumda deyib ki, ABŞ prezidenti Donald Trampla görüş hazırlanır, lakin konkret tarix hələ müəyyən edilməyib.

Gunaz.tv

GünazTV Modern.az-a istinadən xəbər verir ki, Zelenski Ukraynanın müharibənin qaynar fazasına son qoymaq üçün etibarlı təhlükəsizlik təminatının vacibliyini bir daha vurğulayıb.

Zelenski qeyd edib ki, Ukrayna və Amerika tərəfləri hazırda görüşün təşkili ilə məşğuldurlar.

“800 minlik ordumuz var, əgər NATO yoxdursa, dəqiq təhlükəsizlik təminatları yoxdursa, o zaman milyonluq ordumuz olmalıdır. Əgər Avropa deyirsə ki, Ukrayna təkcə özünü deyil, həm də Avropanın dəyərlərini müdafiə edir, bu, məntiqlidir, o zaman hamımız bu ordunu dəstəkləyək, çünki Ukraynanın büdcəsi milyonluq ordunu dəstəkləməyəcək”.

Zelenski Ukraynaya xarici qoşunların yerləşdirilməsi ideyasını şərh edib: “Mən təhlükəsizlik təminatının bir hissəsi kimi kontingent ideyasını dəstəkləyirəm. Rusların bir milyon yarımdan ibarət ordusu olduğuna görə və əgər bizdə bunun yarısı qədər ordumuz varsa, bu o deməkdir ki, bizə çox sayda əsgəri olan kontingent lazımdır”.

O, Avropanın güclü olmasının vacibliyini vurğulayıb və Ukraynanın nə üçün etibarlı təhlükəsizlik zəmanətlərinə ehtiyacı olduğunu izah edib.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar