İsraildə İran casusları həbs edildi

SON XƏBƏRLƏR

İsraildə İran casusları həbs edildi

2025.01.28, 11:35

İsraildə polis və Təhlükəsizlik Xidməti (ŞABAK) tərəfindən ölkə vətəndaşları, ordunun ehtiyatda olan iki hərbçisi saxlanılıb. Onlar İran casuslarının göstərişlərini yerinə yetirməkdə şübhəli bilinirlər.

Gunaz.tv

GünazTV oxu.az-a istinadən bildirir ki, bu barədə ŞABAK-ın mətbuat xidmətindən məlumat verilib.

Məlumata görə, həbs edilən şəxslərdən biri hava hücumundan müdafiə bölməsində xidmət edərkən aldığı məxfi məlumatları öz kuratoruna ötürüb.

Qeyd edək ki, bu ilin yanvarında Krayot vilayətinin iki sakini – Yuri Eliasov və Georqi Andreyev saxlanılıblar və onlar dövlət təhlükəsizliyini pozmaqda şübhəli bilinirlər. Araşdırma zamanı məlum olub ki, Yuri bir neçə ay ərzində İran casusu ilə əlaqə saxlayıb və pul mükafatı müqabilində onun göstərişlərini yerinə yetirib. Onun hərəkətləri arasında ölkənin müxtəlif yerlərində “Ruhullahın uşaqları” mətni ilə qraffitilər çəkmək də olub.

Həmçinin müəyyən edilib ki, iranlı kuratorla ünsiyyət zamanı Eliasov dostu Andreyevə bu agentlə əməkdaşlığa qoşulmağı və bunun İsrailin təhlükəsizliyinə qarşı yönəlmiş fəaliyyətlə bağlı olduğunu başa düşdüyü halda, pul müqabilində tapşırıqları yerinə yetirməyi təklif edib.

Georqi Yurinin təklifini qəbul edib və iranlı kuratorla əlaqə saxlamağa başlayıb. Onun göstərişi ilə qraffiti çəkməklə məşğul olub, həmçinin Yuriyə plakat asmaq tapşırığını yerinə yetirməkdə kömək edib.

Eyni zamanda məlum olub ki, Yuri və Georqi iranlı kuratorla əlaqə saxladıqlarının fərqində olublar.

İstintaq müəyyən edib ki, Yuri “Dəmir qübbə” bölməsində xidmət edərkən çəkilmiş və sistemin işini əks etdirən videogörüntüləri İran tərəfinə verib.

Videoçəkilişdə o, sistemin daxili proseslərini, texniki xüsusiyyətlərini, potensial zəifliklərini və digər məxfi məlumatları açıqlayıb.

Tapşırıqları yerinə yetirdiyinə görə Yuri 3500 dollar məbləğində mükafat alıb, Georqi isə daha kiçik bir məbləğ qazanıb, çünki onun rolu qraffiti çəkmək və plakatlar asmaqdan ibarət olub.

Ş.E

GUNAZ.TV

SON XƏBƏRLƏR