Millət vəkili "Traxtur"a görə nazirə etiraz etdi

SON XƏBƏRLƏR

Millət vəkili "Traxtur"a görə nazirə etiraz etdi

2025.02.04, 13:39

Təbriz, Üskü və Tufarqan şəhərlərinin İrann parlamentindəki nümayəndəsi Rza Sədiqi, "Traxtur" komandasına qarşı olanlara görə İranın idman və gənclər naziri Əhməd Dünyamalı ilə görüşüb.

Gunaz.tv

Bu barədə Təbriz mediası məlumat yayıb.

Tehranın "Perspolis" komandasının tərəfdarlarının "Traxtur" komandasının tərəfdarları və türklərə qarşı təhqirlərinə diqqət çəkən millət vəkili baş verənlərə görə nazirə etiraz edib.

Sədiqi, irqi zəmində verilən şüarların və səsləndirilən təhqirlərin qəbuledilməz olduğunu deyib, səbəbkarların əməlini pisləyib.

"Aidiyyəti orqanlar və vəzifəli şəxslər idman və mədəniyyət sahəsində belə halların yenidən baş verməməsi üçün hadisə səbəbkarlarını aşkar edib və cəzalandırmalıdırlar",- millət vəkili bildirib.

"Traxtur" komandasının ölkədə çox sayda insan tərəfindən sevildiyinə diqqət çəkən Sədiqi, Təbriz təmsilçisinin tərəfdarlarının nəzakət və nizam-intizama görə nümunə olduqlarını söyləyib.

Qeyd edək ki, Təbrizin "Traxtur" komandası ilə Tehranın "Perspolis" komandası yanvarın 26-da yerli vaxtla saat 15:00-da Tehranın "Azadi" stadionunda qarşılaşıblar.

Gərgin şəraitdə keçən oyun zamanı tehranlı azarkeşlər davamlı olaraq "Traxtur" komandasının oyunçuları və azərbaycanlılara qarşı təhqiramiz və irqçi şüarlar səsləndiriblər.

Onlar meydana yad cisimlər atıb, Təbriz təmsilçisinin tərəfdarlarına hücum ediblər və nəticədə 33 nəfər yaralanıb.

"Traxtur" Klubu hadisə ilə bağlı İran Futbol Federasiyasına və məhkəməyə şikayət edib.

GünazTV

GUNAZ.TV

SON XƏBƏRLƏR