Contact Us

SON XƏBƏRLƏR

Qeyri-fars dillərə təzyiqlərə son qoyulsun - Yazıçılar Birliyi

2025.02.22, 13:39
Qeyri-fars dillərə təzyiqlərə son qoyulsun - Yazıçılar Birliyi

İran Yazıçılar Birliyi 21 fevral Beynəlxalq Ana Dili Günü münasibətilə yaydığı bəyanatda İranda qeyri-fars dillərə və ana dili sahəsində fəaliyyət göstərən mədəni fəallara qarşı təzyiqləri pisləyib.

Gunaz.tv

Bəyanat müəllifləri mədəni məhbusların sərbəst buraxılmasını tələb ediblər.

"Ölkənin sərhədyanı əyalətlərində vətəndaş, mədəni və ana dilləri sahəsində çalışan fəallara qarşı başladılan həbs dalğası güclənib. Son aylarda türk, ərəb, bəluç və kürd vətəndaşlarının zorakı və özbaşına həbsləri, rəsmi dildən başqa bir dildə danışan əyalətlərdə mədəni fəallara qarşı düşmən və reduksionist baxışının bariz sübutudur”,- bəyanatda bildirilib.

Yazıçılar Birliyi rəsmi dildən (farsca - red) başqa dillərin qadağan edilməsini ayrı-seçkiliyin, azad söz və fikirə qarşı düşmən münasibətin nümunsi adlandırıb, bunun acı nəticələri barədə xəbərdarlıq edib.

"Ana dilləri sahəsində çalışan bütün mülki və mədəni fəallara qarşı hər hansı məhdudiyyətin, ayrı-seçkiliyin, həbsin və qeyri-qanuni təqiblərin aradan qaldırılmasını tələb edirik",- Yazıçılar Birliyinin bəyanatında vurğulanıb.

Qeyd edək ki, hazırda ana dillərinin tədrisi və qorunub saxlanılması uğrunda dinc mədəni fəaliyyət göstərən onlarla fəal qondarma ittihamlarla şərlənərək İran həbsxanalarında saxlanılır.

Onların arasında "casusluq", "hökumətə qarşı təbliğat", "ölkənin milli təhlükəsizliyinə qarşı fəaliyyət" və başqa bu kimi saxta ittihamlarla həbs edilən onlarla güney azərbaycanlı fəalda var.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar