Ərdoğan: Ukraynada ədalətli və sabit sülh olmalıdır

SON XƏBƏRLƏR

Ərdoğan: Ukraynada ədalətli və sabit sülh olmalıdır

2025.02.25, 11:40

Zelenski və Lavrovun ziyarətləri bizə böyük əhəmiyyət kəsb edir. İki qonşu ölkə ilə də balanslı və konstruktiv münasibətlər qurduğumuzu bildirmək istəyirik. Xüsusilə 2022-ci ilin mart ayında qlobal qida böhranının qarşısını almaqda əldə etdiyimiz uğur, bölgəmiz üçün mühüm bir dönüş nöqtəsi olmuşdur.

Gunaz.tv

GünazTV xəbər verir ki, bu barədə Türkiyə prezidenti Tayyip Ərdoğan keçirdiyi mətbuat konfransı zamanı bildirib.

"Bu gün dünya artıq yeni bir balans qurulma mərhələsindədir. ABŞ-dan müharibənin sona çatdırılması istiqamətində atılan addımlara müsbət yanaşırıq. Biz inanırıq ki, ədalətli və davamlı sülhə gedən yol, bütün tərəflərin özünü təmsil edə bildiyi ədalətli bir proseslə mümkündür.

Vaxtilə Rusiyanın izolyasiya edilməsi nəticə verməmişdir. Eyni zamanda, Ukraynanın da yeni danışıqlar prosesinə daxil edilməsi vacibdir. Bu mövzuda həm Zelenskiyə, həm Makrona, həm də Lavrova öz mövqeyimizi ifadə etdik və hər cür dəstəyə hazır olduğumuzu bildirdik.

Bölgəmiz artıq qan və toqquşmadan yorulmuş, sülh və əmin-amanlıq arzusundadır. Biz hesab edirik ki, bu münaqişə tezliklə sona çatmalı və hər iki tərəf üçün ədalətli, daimi barış təmin edilməlidir. Bundan başqa, Qəzzadakı qardaşlarımızın təhlükəsizliyi və Suriya ərazi bütövlüyünün qorunması məsələlərində heç bir güzəştə getməyəcəyimizi açıq şəkildə bildirmək istəyirik", - o deyib.

Ş.E

GUNAZ.TV

SON XƏBƏRLƏR