Türkiyə GÖKBERK-in sınaqlarını uğurla tamamladı

SON XƏBƏRLƏR

Türkiyə GÖKBERK-in sınaqlarını uğurla tamamladı - VİDEO

2025.03.11, 11:29

Türkiyənin müdafiə sənayesi sahəsində aparıcı şirkətlərindən biri olan ASELSAN insansız hava aparatlarına (PUA) qarşı effektiv müdafiə qabiliyyətini artırmaq üçün hazırladığı GÖKBERK Lazer Silah Sisteminin sınaqlarını uğurla tamamlayıb.

Gunaz.tv

GünazTV "Hürriyet"-ə istinadən bildirir ki, Türkiyənin Sənaye və Texnologiya naziri Mehmet Fatih Kaçır GÖKBERK sisteminin Polad Günbəzin gücünə güc qatacağını bildirdi.

ASELSAN tərəfindən inkişaf etdirilən bu sistem Polad Qübbə layihəsi çərçivəsində hava hücumlarına qarşı daha güclü müdafiə təmin etmək üçün hazırlanıb.

GÖKBERK lazer texnologiyasından istifadə edərək düşmən PUA-larını havada məhv edə bilir və pilotsuz hava hücumlarına qarşı kritik qoruma təmin edir.

7/24 işləmək üçün nəzərdə tutulmuş soyuducu sayəsində GÖKBERK uzun müddət fasiləsiz atəş edə bilir. Hərbi bazalar, hava limanları, elektrik stansiyaları və neft emalı zavodları kimi sabit obyektlərin müdafiəsində kritik rol oynayacaq GÖKBERK, mobil yerləşdirmə qabiliyyəti sayəsində geniş tətbiq sahəsinə sahib olacaq. Sistem üzərində təkmilləşdirmə işləri GÖKBERK-in müxtəlif hava şəraitində apardığı atəş sınaqlarından əldə edilən məlumatlar ilə davam edir.

Sənaye və Texnologiya naziri Mehmet Fatih Kaçır, sosial mediada verdiyi açıqlamada GÖKBERK sisteminin raket ilə yox, lazer ilə təchiz edildiyini bildirdi: "Bu dəfə raket yox, lazer var. Müdafiə sənayesində məhsul və texnologiya imkanlarımız inkişaf edir və zənginləşir. GÖKBERK milli lazer silah sistemi Polad Qübbəyə güc qatacaq".

Şahin Elxanoğlu

GUNAZ.TV

SON XƏBƏRLƏR